നാനി ചിത്രത്തിൽ ‘ലീല തോമസാ’യി നസ്രിയ; അന്റെ സുന്ദരനിക്കി റിലീസ് ഡേറ്റ് പുറത്ത്; വീഡിയോ കാണാം..!

മലയാളത്തിലെ പ്രശസ്ത നടി നസ്രിയ ആദ്യമായി അഭിനയിച്ച തെലുങ്കു ചിത്രമാണ് അന്റെ സുന്ദരനിക്കി. വിവേക് ആത്രേയ സംവിധാനം ചെയ്തിരിക്കുന്ന ഈ ചിത്രത്തിലെ നായകനായി എത്തുന്നത് തെലുങ്കു സൂപ്പർ താരമായ നാനി ആണ്. ഇപ്പോഴിതാ പ്രയർ ഓഫ് ലീല എന്ന പേരിൽ ഒരു വീഡിയോ പുറത്തു വിട്ടു കൊണ്ട് ഈ ചിത്രത്തിന്റെ റിലീസ് ഡേറ്റ് പ്രഖ്യാപിച്ചിരിക്കുകയാണ് ഇതിന്റെ അണിയറ പ്രവർത്തകർ. ഈ വർഷം ജൂൺ പത്തിന് ആണ് അന്റെ സുന്ദരനിക്കി റിലീസ് ചെയ്യാൻ പോകുന്നത്. നാനിയും വിവേക് ആത്രേയയും ആദ്യമായി ഒന്നിച്ച ചിത്രം എന്ന പ്രത്യേകത കൂടിയുണ്ട് ഇതിനു. മൈത്രി മൂവി മേക്കേഴ്സ് ആണ് ഈ ചിത്രം നിർമ്മിച്ചിരിക്കുന്നത്. സംവിധായകൻ തന്നെ രചനയും നിർവഹിച്ചിരിക്കുന്ന ഈ ചിത്രത്തിൽ മികച്ച താരനിരയാണ് അണിനിരന്നിരിക്കുന്നത്‌.

നാനി, നസ്രിയ ഫഹദ് എന്നിവരെ കൂടാതെ നാദിയ മൊയ്തു, ഹർഷ വർദ്ധന, സുഹാസ്, രാഹുൽ രാമകൃഷ്ണ, നരേഷ്, ശ്രീകാന്ത് അയ്യങ്കാർ, രോഹിണി എന്നിവരും ഈ ചിത്രത്തിന്റെ താരനിരയിൽ ഉണ്ട്. നികേത് ബൊമ്മി റെഡ്‌ഡി കാമറ ചലിപ്പിച്ച ഈ ചിത്രത്തിന് സംഗീതം ഒരുക്കിയത് വിവേക് സാഗർ ആണ്. രവി തേജ ഗിരിജാല ആണ് ഈ ചിത്രത്തിന്റെ എഡിറ്റർ. ഒരു റൊമാന്റിക് കോമഡി ആയാണ് ഈ ചിത്രം ഒരുക്കിയിരിക്കുന്നത് എന്നാണ് സൂചന. ലീല തോമസ് എന്ന കഥാപാത്രം ആയാണ് നസ്രിയ ഈ ചിത്രത്തിൽ അഭിനയിച്ചിരിക്കുന്നത്. കസ്തുരി പൂർണ്ണ വെങ്കട് ശേഷ സായി പാവന രാമ സുന്ദര പ്രസാദ് എന്നാണ് ഇതിലെ നാനി അവതരിപ്പിക്കുന്ന നായക കഥാപാത്രത്തിന്റെ പേര്.