മലയാളത്തിലെ നവയുഗ സിനിമ സംവിധായകരിൽ ഏറ്റവുമധികം ആരാധകരും യുവാക്കളുടെ പ്രിയപ്പെട്ട സംവിധായകനുമായ അമൽ നീരദിന്റെ പുതിയ ചിത്രത്തിലാണ് നസ്രിയ നിർമ്മാതാവായി എത്തുന്നത്. സംവിധായകൻ അമൽ നീരദിന്റെ പ്രൊഡക്ഷൻ കമ്പനിയായ അമൽ നീരദ് പ്രൊഡക്ഷൻസുമായി ചേർന്നാണ് ചിത്രം നിർമിക്കുന്നത്. ഫഹദ് ഫാസിൽ ആണ് ചിത്രത്തിലെ നായകൻ. തീയറ്ററിൽ മികച്ച പ്രതികരണം നേടിയ ഇയ്യോബിന്റെ പുസ്തകത്തിന് ശേഷം ഇരുവരും ഒന്നിക്കുന്ന ചിത്രം ആയത് കൊണ്ടു തന്നെ ആരാധകർക്ക് പ്രതീക്ഷ വാനോളമാണ്. ചിത്രത്തിൽ നായികയായി എത്തുന്നത് മായാനദിയിലൂടെ പ്രേക്ഷകരുടെ മനം കവർന്ന ഐശ്വര്യ ലക്ഷ്മിയാണ്. ചിത്രത്തിന്റെ ഷൂട്ടിങ് ഇന്ന് ആരംഭിച്ചു.
ഫഹദുമായുള്ള വിവാഹത്തിന് ശേഷം സിനിമയിൽ നിന്നു മാറി നിന്ന നസ്രിയ ഇടവേളയ്ക്ക് വിരാമം കുറിച്ചുകൊണ്ടായിരുന്നു അഞ്ജലി മേനോൻ ചിത്രത്തിൽ അഭിനയിക്കുന്നത് വെളിപ്പെടുത്തിയത്. ഒട്ടേറെ പ്രേക്ഷ പ്രശംസ പിടിച്ചു പറ്റിയ പറവ എന്ന ചിത്രത്തിനായി ക്യാമറ ചലിപ്പിച്ച ലിറ്റിൽ സ്വയംപ് ആണ് ഈ ചിത്രത്തിന് വേണ്ടിയും ക്യാമറ ചലിപ്പിക്കുന്നത്.
മലയാള സിനിമയിൽ തന്റെ സ്വദസിദ്ധമായ സംവിധാന പാഠവം കൊണ്ട് യുവാക്കളെ ഹരം കൊള്ളിച്ച സംവിധായകൻ ആണ് അമൽ നീരദ്. അന്നേ വരെ മലയാളികൾ കണ്ടു ശീലിച്ച മലയാളം മാസ്സ് ആക്ഷൻ സിനിമകളുടെ ശൈലി പൊളിച്ചെഴുതുകയായിരുന്നു തന്റെ ആദ്യ ചിത്രമായ ബിഗ് ബി യിലൂടെ അമൽ നീരദ്. ചിത്രം തീയറ്ററിൽ വൻ വിജയം ആയിരുന്നില്ലെങ്കിലും പിന്നീട് വലിയ ചർച്ചകൾക്ക് ഇടയാക്കി. പിന്നീട് ഇരുപതാം നൂറ്റാണ്ടിന്റെ രണ്ടാം ഭാഗമായ സാഗർ ഏലിയാസ് ജാക്കി, അൻവർ, ബാച്ചിലർ പാർട്ടി, ഇയ്യോബിന്റെ പുസ്തകം തുടങ്ങി കോമറേഡ് ഇൻ അമേരിക്ക വരെ എത്തി നിൽക്കുന്നു. തന്റെ ചിത്രങ്ങളിൽ ഏറ്റവും അധികം ആരാധകർ ഉള്ള ബിഗ് ബി യുടെ രണ്ടാം ഭാഗം കുറച്ചു മാസങ്ങൾക്ക് മുൻപ് പ്രഖ്യാപിക്കുകയുണ്ടായി ചിത്രം ഈ വർഷം ഉണ്ടാകുമെന്ന് കരുതുന്നു.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.