ഗപ്പി എന്ന തന്റെ ആദ്യ ചിത്രത്തിലൂടെ നിരൂപകപ്രശംസയും പ്രേക്ഷകപ്രീതിയും നേടിയ സംവിധായകൻ ശ്രീ ജോൺ പോൾ ജോർജ്ജ് സംവിധാനം ചെയ്യുന്ന രണ്ടാമത്തെ ചിത്രത്തിന്റെ പ്രഖ്യാപനം ഇന്നലെയുണ്ടായി. അമ്പിളി എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിന്റെ പോസ്റ്റർ ഇന്നലെ അണിയറപ്രവർത്തകർ പുറത്തുവിട്ടിരുന്നു. സുഡാനി ഫ്രം നൈജീരിയ എന്ന വിജയ ചിത്രത്തിന് ശേഷം സൗബിൻ ഷാഹിർ വീണ്ടും നായകനായി എത്തുന്ന ചിത്രം കൂടിയാണ് അമ്പിളി. ചിത്രത്തിലൂടെ മലയാളികളുടെ പ്രിയ നായിക നസ്രിയയുടെ അനിയൻ നവീൻ നസീം അരങ്ങേറുകയാണ്. സൗബിനൊപ്പം ഒരു സുപ്രധാന വേഷത്തിലാണ് നവീൻ എത്തുന്നത്. പുതുമുഖമായ തൻവി റാം ആണ് ചിത്രത്തിലെ നായികാവേഷം കൈകാര്യം ചെയ്യുന്നത്.
2016ൽ പുറത്തിറങ്ങിയ ഗപ്പി നിരൂപകപ്രശംസ കൊണ്ടും പ്രേക്ഷക പ്രീതികൊണ്ടും ആ വർഷത്തെ ഏറ്റവും മികച്ച ചിത്രങ്ങളിലൊന്നായി മാറി. ചിത്രം ആ വർഷത്തെ സംസ്ഥാന അവാർഡുകളിൽ തിളങ്ങുകയും ചെയ്തിരുന്നു. ഗപ്പിക്ക് ശേഷം നീണ്ട രണ്ടു വർഷത്തെ ഇടവേള കഴിഞ്ഞാണ് ജോൺ പോൾ ജോർജ്ജ്
അമ്പിളിയുമായി വീണ്ടുമെത്തുന്നത്. ഒരു ട്രാവൽ മൂവിയായ അമ്പിളിയുടെ ഷൂട്ടിംഗ് ഇന്ത്യയിലെ വിവിധ സംസ്ഥാനങ്ങളിലായി നടക്കും. ഈ ഫോർ എന്റർടൈൻമെന്റിന്റെ വേണ്ടി മുകേഷ് ആർ. മേത്ത എ.വി. അനൂപ് സി. ബി. സാരഥി എന്നിവർ ചേർന്നാണ് നിർമ്മാണം. ദേശീയതലത്തിൽ ശ്രദ്ധിക്കപ്പെട്ട നിരവധി പരസ്യ ചിത്രങ്ങൾക്കായി ക്യാമറ ചലിപ്പിച്ചിട്ടുള്ള ശരൺ വേലായുധനാണ് ഈ ചിത്രത്തിന് വേണ്ടിയും ഛായാഗ്രഹണം നിർവഹിക്കുന്നത്. ഗപ്പിക്കു വേണ്ടി സംഗീതം നൽകിയ വിഷ്ണു വിജയ് തന്നെയാണ് അമ്പിളിക്ക് വേണ്ടിയും സംഗീതമൊരുക്കുന്നത്. തൊണ്ടിമുതലും ദൃക്സാക്ഷിയും എന്ന ചിത്രത്തിന്റെ ചിത്രസംയോജനം നിർവഹിച്ച കിരൺ ദാസാണ് ഈ ചിത്രത്തിന് വേണ്ടിയും എഡിറ്റിങ് നിർവഹിക്കുന്നത്.
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
ടോവിനോ തോമസ് നായകനായി എത്തിയ ഏറ്റവും പുതിയ ത്രീഡി ഫാന്റസി ആക്ഷൻ ചിത്രമായ അജയന്റെ രണ്ടാം മോഷണത്തിന്റെ കളക്ഷൻ ഔദ്യോഗികമായി…
ചിയോതിക്കാവിലെ മായാജാലങ്ങൾ കുട്ടികളും കുടുംബങ്ങളും ഒരുപോലെ ഏറ്റെടുത്തിരിക്കുകയാണ്. ടോവിനോ തോമസ് മൂന്ന് വ്യത്യസ്ത വേഷങ്ങളിൽ എത്തിയ 3ഡി അഡ്വെഞ്ചൻ ഫാന്റസി…
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
This website uses cookies.