സൗത്ത് ഇന്ത്യൻ സിനിമയുടെ ലേഡി സൂപ്പർ സ്റ്റാർ ആണ് ഇന്ന് നയൻതാര. സ്വന്തമായി ലീഡ് റോൾ ചെയ്തു സൂപ്പർ ഹിറ്റുകൾ നല്കാൻ കെൽപ്പുള്ള നായികാ നടിയായി നയൻതാര മാറിയിട്ട് കുറേക്കാലം ആയി. മലയാളിയായ നയൻതാര തുടങ്ങിയതും മലയാളത്തിൽ നിന്ന് തന്നെ. സത്യൻ അന്തിക്കാട്- ജയറാം ചിത്രമായ മനസ്സിനക്കരെ എന്ന ചിത്രത്തിലൂടെ അഭിനയ ജീവിതം ആരംഭിച്ച നയൻതാര മോഹൻലാൽ, മമ്മൂട്ടി തുടങ്ങിയ മലയാളത്തിലെ സൂപ്പർ താരങ്ങളുടേയും നായികാ വേഷം ചെയ്തു.
അതിനു ശേഷം തമിഴിൽ എത്തിയ നയൻതാര ആദ്യം ഗ്ലാമർ വേഷങ്ങളിലൂടെ ആണ് അവിടെ ശ്രദ്ധ നേടിയത് എങ്കിൽ പിന്നീട് ഗംഭീര പ്രകടനങ്ങളിലൂടെ ഒരു നടി എന്ന നിലയിൽ തമിഴ് ജനതയുടെ പ്രീയപ്പെട്ട നായികയായി മാറി. പിന്നീട് നമ്മൾ കണ്ടത് തമിഴ്- തെലുങ്ക് സിനിമകളിലൂടെ നയൻതാര എന്ന നടിയും താരവും ഒരുപോലെ ആകാശം തൊടുന്ന കാഴ്ചയാണ്. ഇടയ്ക്കു ചിമ്പു, പ്രഭുദേവ എന്നിവരുമായി ഉണ്ടായ ബന്ധങ്ങളിലൂടെ വിവാദങ്ങളിലും നിറഞ്ഞു നിന്ന ഈ നടി ഇപ്പോൾ സംവിധായകൻ വിഘ്നേശ് ശിവനുമായി പ്രണയത്തിലാണ്. നയൻതാരയുടെ പുതിയ റിലീസ് ആയ വിജയ് ചിത്രം ബിഗിലും വമ്പൻ വിജയം നേടി മുന്നേറുമ്പോൾ ഒരു തുറന്നു പറച്ചിലുമായി മുന്നോട്ടു വരികയാണ് ഈ താരം.
താൻ ഒട്ടേറെ ചിത്രങ്ങളിൽ അഭിനയിച്ചിട്ടുണ്ട് എങ്കിലും വഞ്ചിക്കപ്പെട്ടു എന്ന് തോന്നിയത് തമിഴിലെ ഗജിനി എന്ന ചിത്രത്തിൽ അഭിനയിച്ചപ്പോൾ ആണെന്നാണ് നയൻതാര പറയുന്നത്. അതിൽ അഭിനയിച്ചതിൽ കുറ്റബോധം ഉണ്ടെന്നും നയൻ താര പറയുന്നു. തനിക്കു അവർ വാഗ്ദാനം ചെയ്ത കഥാപാത്രമല്ല സിനിമയിൽ അഭിനയിക്കാൻ എത്തിയപ്പോൾ നൽകിയത് എന്ന് ഒരു സ്വകാര്യ റേഡിയോ ചാനലിന് നൽകിയ അഭിമുഖത്തിൽ നയൻതാര വെളിപ്പെടുത്തി. മെഡിക്കൽ വിദ്യാർത്ഥി ആയ ചിത്ര എന്ന കഥാപാത്രം ആയി നയൻതാര എത്തിയ ആ ചിത്രം സംവിധാനം ചെയ്തത് എ ആർ മുരുഗദോസ്സും അതിലെ നായകൻ സൂര്യയും ആയിരുന്നു. അസിൻ നായികാ വേഷത്തിൽ എത്തിയ ആ ചിത്രം ബ്ലോക്ക്ബസ്റ്റർ ആയ ചിത്രവുമാണ്. ഇപ്പോൾ നയൻതാര അഭിനയിച്ചു പൂർത്തിയാക്കിയത് എ ആർ മുരുഗദോസ് തന്നെ ഒരുക്കിയ ദർബാർ ആണെന്നതാണ് ഏറ്റവും കൗതുകകരമായ കാര്യം.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.