മലയാളത്തിലെ മെഗാ ബ്ലോക്ക്ബസ്റ്റർ ചിത്രങ്ങളിൽ ഒന്നാണ് കംപ്ലീറ്റ് ആക്ടർ മോഹൻലാൽ നായകനായ ലൂസിഫർ. നൂറു കോടി ക്ലബിൽ ഇടം പിടിച്ച രണ്ടാമത്തെ മാത്രം മലയാള ചിത്രമായ ലൂസിഫർ ഒരുക്കിയത് മലയാളത്തിലെ യുവ സൂപ്പർ താരമായ പൃഥ്വിരാജ് സുകുമാരൻ ആണ്. അദ്ദേഹം ആദ്യമായി സംവിധാനം ചെയ്ത ഈ ചിത്രം രചിച്ചത് മുരളി ഗോപിയും നിർമ്മിച്ചത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരും ആണ്. മൂന്നു ഭാഗങ്ങൾ ഉള്ള ഈ ചിത്രത്തിന്റെ രണ്ടാം ഭാഗമായ എംപുരാനും മോഹൻലാൽ- പൃഥ്വിരാജ് ടീം ഉടനെ ചെയ്യും. എന്നാൽ ഇപ്പോൾ ഈ ചിത്രത്തിനെ തെലുങ്കു റീമേക് ആണ് പുരോഗമിക്കുന്നത്. മോഹൻലാൽ മലയാളത്തിൽ അവതരിപ്പിച്ച സ്റ്റീഫൻ നെടുമ്പള്ളി ആയി തെലുങ്കിൽ എത്തുന്നത് അവിടുത്തെ മെഗാ സ്റ്റാർ ചിരഞ്ജീവി ആണ്. അതുപോലെ ലുസിഫെറിലെ നായികയായ മഞ്ജു വാര്യർ അവതരിപ്പിച്ച പ്രിയദർശിനി രാംദാസ് എന്ന കഥാപാത്രമായി തെലുങ്കിൽ എത്തുന്നത് തെന്നിന്ത്യയുടെ ലേഡി സൂപ്പർ സ്റ്റാർ ആയ നയൻ താര ആണ്.
ഇപ്പോൾ ചിത്രീകരണം പുരോഗമിക്കുന്ന ഈ റീമേക്കിന്റെ സെറ്റിൽ നിന്നുള്ള നയൻതാരയുടെ ചിത്രങ്ങൾ പുറത്തു വന്നിരുന്നു. പ്രശസ്ത തമിഴ് സംവിധായകൻ മോഹൻ രാജ ആണ് ഈ ചിത്രം തെലുങ്കിൽ ഒരുക്കുന്നത്. തനി ഒരുവനും വേലൈക്കാരനുമാണ് ഇതിനു മുൻപ് നയൻതാരയുമായി മോഹൻ രാജ ജോലി ചെയ്ത ചിത്രം. നയൻതാരയ്ക്കൊപ്പമുള്ള പ്രധാന ഷെഡ്യൂൾ ചിത്രീകരണം കഴിഞ്ഞെന്നും അടുപ്പിച്ച് മൂന്നാം തവണയാണ് താൻ നയൻതാരയ്ക്കൊപ്പം ചിത്രം ചെയ്യുന്നതെന്നും മോഹൻരാജ ഫെയ്സ്ബുക്കിൽ കുറിച്ച് കൊണ്ട്, താരത്തോടൊപ്പമുള്ള ചിത്രം പങ്കു വെച്ചിട്ടുണ്ട്. കോനിഡെല പ്രൊഡക്ഷന് കമ്പനിയുടെ ബാനറില് രാം ചരണ്, ആര്.ബി.ചൗധരി, എന്.വി.പ്രസാദ് എന്നിവര് ചേർന്ന് നിർമ്മിക്കുന്ന ഈ ചിത്രത്തിന് സംഗീതം ഒരുക്കുന്നത് എസ് തമൻ ആണ്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.