കൊച്ചിയിൽ ഓണം ആഘോഷിച്ച് നയൻതാരയും വിഘ്‌നേശ് ശിവനും

മനസ്സിനക്കര എന്ന ചിത്രത്തിലൂടെ മലയാളികളുടെ മനം കവർന്ന നടിയാണ് നയൻതാര. പിന്നീട് അന്യ ഭാഷ ചിത്രങ്ങളിലേക്ക് ചേക്കേറുകയും സൗത്ത് ഇന്ത്യയിലെ തന്നെ ലേഡി സൂപ്പര്സ്റ്റാറായി മാറുകയായിരുന്നു. ബിഗിൽ, ദർബാർ എന്നീ ചിത്രങ്ങളാണ് താരം അവസാനമായി അഭിനയിച്ചത്. എന്നും വിവാദങ്ങളിലും ഗോസിപ്പുകളിലും നിറഞ്ഞ് നിൽക്കുന്ന നടിയാണ് നയൻതാര. സംവിധായകൻ വിഘ്‌നേഷ് ശിവൻ ആയിട്ട് താരം ഇപ്പോൾ പ്രണയത്തിലാണ്. ഇരുവരുടെയും വിവാഹത്തിന് വേണ്ടിയാണ് ആരാധകർ പ്രതീക്ഷയോട് കാത്തിരിക്കുകയാണ്. വിഘ്‌നേഷ് ശിവൻ സമൂഹ മാധ്യമങ്ങളിൽ പങ്കുവെച്ച ചിത്രങ്ങളാണ് ഇപ്പോൾ ഏറെ തരംഗം സൃഷ്ട്ടിക്കുന്നത്.

ഓണം ആഘോഷിക്കുവാൻ വിഘ്‌നേഷ് ശിവൻ നയൻതാരയുടെ കൊച്ചിയിലുള്ള വീട്ടിൽ എത്തിയിരിക്കുന്നത് സൗത്ത് ഇന്ത്യ ഒട്ടാകെ ചർച്ച ആയിരിക്കുകയാണ്. നയൻതാരയുടെ മുൻകാമുകന്മാരെ പോലെയല്ല വിവാഹിതരാകും എന്ന സൂചന കൂടിയാണ് നയൻതാര നൽകിയിരിക്കുന്നത്. നയൻതാരയുടെ അമ്മയുടെ ഒപ്പമുള്ള ചിത്രവും വിഘ്‌നേശ് ശിവൻ പങ്കുവെച്ചിട്ടുണ്ട്. നയൻതാരയുടെ കുടുംബത്തോടൊപ്പം ഓണം ആഘോഷിക്കാൻ വേണ്ടിയാണ് വിഘ്‌നേശ് ശിവൻ ചെന്നൈയിൽ നിന്ന് ഈ കൊറോണ സമയത്ത് പോലും വന്നത്. കുടുംബത്തെപ്പോലെയുള്ള, അനുഗ്രഹീതമായ കാര്യങ്ങളിൽ ആളുകൾ സന്തോഷം കണ്ടെത്തണമെന്നാണ് ആദ്യ ചിത്രത്തിൽ വിഘ്നേഷ് ശിവൻ കുറിച്ചത്. സന്തോഷമായിരിക്കാൻ നമുക്ക് കാരണങ്ങൾ കണ്ടെത്താം, അതിനോടൊപ്പം പ്രതീക്ഷ ചേർത്ത് മെച്ചപ്പെടുത്താം. ഈ മഹാമാരിയുടെ കാലത്ത് എല്ലാവരുടെ മുഖത്തും പുഞ്ചിരിയെത്തിക്കാൻ ആതാണ് ഒരേ ഒരു വഴി എന്ന് വിഘ്നേഷ് അവസാനം കൂട്ടിച്ചേർത്തു. വിഘ്‌നേഷ് ശിവന്റെ പുതിയ ചിത്രത്തിൽ നയൻതാരയാണ് നായിക.