മോഹൻലാലിനൊപ്പം നവ്യ നായരുടെ കിടിലൻ സെൽഫി; കൂടുതൽ ചെറുപ്പമായി ലാലേട്ടൻ വീണ്ടും സോഷ്യൽ മീഡിയയിലെ താരം..!

ഇപ്പോൾ സോഷ്യൽ മീഡിയ മുഴുവൻ മലയാളത്തിന്റെ നടനവിസ്മയമായ മോഹൻലാൽ നിറഞ്ഞു നിൽക്കുകയാണ്. കുറച്ചു ദിവസങ്ങൾക്കു മുൻപ് ‘അമ്മ ഷോ റിഹേഴ്‌സലിനിടെ നിരവധി താരങ്ങൾ മോഹൻലാലിനൊപ്പം എടുത്ത സെൽഫി ആണ് സോഷ്യൽ മീഡിയയിൽ വൈറൽ ആയതെങ്കിൽ അതിനു ശേഷം ‘അമ്മ ഷോയിലെ മോഹൻലാലിൻറെ കിടിലൻ പെർഫോമൻസിന്റെ ദൃശ്യങ്ങളാണ് തരംഗമായതു. ഇന്നലെയാണെങ്കിൽ മോഹൻലാൽ ആരാധകരെയും സിനിമാ പ്രേമികളെയും ഒരുപോലെ ത്രസിപ്പിച്ചു കൊണ്ട് ലൂസിഫർ ടൈറ്റിൽ ഫോണ്ടും അതുപോലെ തന്നെ ഒടിയൻ ടീസറും പുറത്തു വന്നു. ഇവ രണ്ടും സോഷ്യൽ മീഡിയയിൽ കാട്ടു തീ പോലെ പടർന്നു പിടിക്കുമ്പോഴാണ് ഇന്ന് രാവിലെ പ്രശസ്ത നടി നവ്യ നായർ മോഹൻലാലിനൊപ്പമെടുത്ത കുറച്ചു സെൽഫികൾ തന്റെ ഫേസ്ബുക് പേജിലൂടെ പങ്കു വെച്ചത്.

‘അമ്മ ഷോ കഴിഞ്ഞു എടുത്ത ആ ഫോട്ടോകളിൽ മോഹൻലാൽ അതീവ സുന്ദരനും കൂടുതൽ യുവത്വം തുളുമ്പുന്ന രീതിയിലുമാണ് പ്രത്യക്ഷപ്പെട്ടിരിക്കുന്നത്. അതോടു കൂടി തന്നെ ആ ഫോട്ടോകൾ സോഷ്യൽ മീഡിയയിൽ എങ്ങും പരക്കുകയും മോഹൻലാൽ ഒരിക്കൽ കൂടി സോഷ്യൽ മീഡിയയുടെ താരമായി മാറുകയും ചെയ്തു. ‘അമ്മ ഷോയിൽ നവ്യ നായർ ക്ലാസിക്കൽ ഡാൻസ് പെർഫോമൻസ് നടത്തിയിരുന്നു. ഡാൻസും, പാട്ടും, സ്‌കിറ്റുമായി നിറഞ്ഞു നിന്ന മോഹൻലാൽ തന്നെയായിരുന്നു പതിവുപോലെ ഈ ഷോയിലേയും താരം എന്നാണ് റിപ്പോർട്ടുകൾ പറയുന്നത്. മോഹൻലാൽ, മമ്മൂട്ടി, ദുൽകർ എന്നിവർ പ്രത്യക്ഷപ്പെട്ട സ്കിറ്റും പ്രേക്ഷകരെ ഏറെ രസിപ്പിച്ചിട്ടുണ്ട് എന്നാണ് ഷോ കണ്ട പ്രേക്ഷകരുടെ വെളിപ്പെടുത്തൽ. ‘അമ്മ മഴവില്ലു ഷോ വൈകാതെ തന്നെ മഴവിൽ മനോരമ ചാനലിൽ പ്രക്ഷേപണം ചെയ്യും.