തെലുങ്ക് സൂപ്പർതാരമായ നന്ദമുറി ബാലകൃഷ്ണ എന്ന ബാലയ്യയുടെ കരിയറിലെ തന്നെ ഏറ്റവും വലിയ ഹിറ്റായിരുന്നു കഴിഞ്ഞ വർഷം റിലീസ് ചെയ്ത അഖണ്ഡ. അദ്ദേഹത്തിന്റെ കരിയറിലെ തന്നെ ആദ്യത്തെ 100 കോടി ഗ്രോസ് നേടിയ ചിത്രം കൂടിയാണിത്. ഇപ്പോഴിതാ ഈ ചിത്രത്തിലെ പ്രകടനത്തിന് ബാലയ്യ എന്ന ബാലകൃഷ്ണയെ തേടി പുരസ്കാര നേട്ടവും എത്തിയിരിക്കുകയാണ്. സൗത്ത് ഇന്ത്യൻ ഇന്റർനാഷൻൽ മൂവി അവാർഡ്സിലാണ് തെലുങ്കിൽ നിന്നുള്ള എന്റെർറ്റൈനെർ ഓഫ് ദി ഇയർ എന്ന പുരസ്കാരം അഖണ്ഡയിലൂടെ ബാലകൃഷ്ണ സ്വന്തമാക്കിയത്. വമ്പൻ ബഡ്ജറ്റിൽ ഒരുക്കിയ മെഗാ മാസ്സ് ആക്ഷൻ ചിത്രമായ അഖന്ധക്ക് ലഭിച്ച പ്രേക്ഷക പ്രതികരണം വളരെ വലുതായിരുന്നു. 150 കോടിക്ക് മുകളില് ആണ് അഖണ്ഡ നേടിയ കളക്ഷൻ എന്നാണ് റിപ്പോർട്ടുകൾ പറയുന്നത്.
ഒറ്റിറ്റി റിലീസിന് ശേഷവും വലിയ പ്രതികരണമാണ് ഈ ചിത്രം നേടിയത്. ഏറ്റവും കൂടുതൽ പ്രേക്ഷകർ ഒടിടിയിൽ കണ്ട ബാലകൃഷ്ണ ചിത്രം കൂടിയാണ് അഖണ്ഡ. ദ്വാരക ക്രിയേഷന്സാണ് ഈ ബിഗ് ബഡ്ജറ്റ് ചിത്രം നിർമ്മിച്ചിരിക്കുന്നത്. ശ്രീകാന്ത്, പൂര്ണ്ണ, സുബ്ബരാജു, വിജി ചന്ദ്രശേഖര് എന്നിവരും അഭിനയിച്ച ഈ ചിത്രത്തിൽ ബാലയ്യയുടെ നായികാ വേഷം ചെയ്തിരിക്കുന്നത് പ്രയാഗ ജെയ്സവാള് ആണ്. എസ് തമൻ സംഗീതം ഒരുക്കിയ ഈ ചിത്രം സംവിധാനം ചെയ്തത് ബോയപ്പട്ടി ശ്രീനുവാണ്. സിംഹ, ലെജൻഡ് എന്നീ ചിത്രങ്ങൾക്ക് ശേഷം ബാലയ്യ- ബോയപ്പട്ടി ശ്രീനു ടീം ഒന്നിച്ച ഈ ചിത്രം ഹാട്രിക്ക് വിജയമാണ് ഈ കൂട്ടുകെട്ടിന് സമ്മാനിച്ചത്. ഒരു ആക്ഷൻ ത്രില്ലറായി ഒരുക്കിയ അഖണ്ഡ നന്ദമുറി ബാലകൃഷ്ണയുടെ 106 ആം ചിത്രമായിരുന്നു.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.