സൗഹൃദത്തിന്റെ ആഘോഷവുമായി നാം എത്തുന്നു ഈ വെള്ളിയാഴ്ച മുതൽ..!

നവാഗതനായ ജോഷി തോമസ് സംവിധാനം ചെയ്ത നാം എന്ന ചിത്രം ഈ ആഴ്ച മുതൽ കേരളത്തിലെ തീയേറ്ററുകളിൽ പ്രദർശനത്തിന് എത്തും. സം​വി​ധാ​യ​ക​ൻ ഭ​ദ്ര​ന്‍റെ അ​സി​സ്റ്റ​ന്‍റാ​യി സി​നി​മ​യി​ലെ​ത്തി​യ ജോ​ഷി തോ​മ​സ് സ്വതന്ത്ര സംവിധായകനായി അരങ്ങേറ്റം കുറിക്കുന്ന ചിത്രമാണ് നാം. ജെടിപി ഫിലിംസ് നിർമിച്ച ‘നാം എന്ന ചിത്രത്തിൽ ​ശ​ബ​രീ​ഷ് വ​ർ​മ, രാ​ഹു​ൽ മാ​ധ​വ്, നോ​ബി മാ​ർ​ക്കോ​സ്, നി​ര​ഞ്ജ് സു​രേ​ഷ്, അ​ഭി​ഷേ​ക് ര​വീ​ന്ദ്ര​ൻ, സോ​നു സെ​ബാ​സ്റ്റ്യ​ൻ, ഹ​ക്കീം, ടോ​ണി ലൂ​ക്ക്, അ​ദി​തി ​ര​വി, ഗാ​യ​ത്രി സു​രേ​ഷ്, മെ​റീ​ന മൈ​ക്കി​ൾ എന്നിവരാണ് മുഖ്യ വേഷങ്ങളിൽ എത്തുന്നത്. സൗഹൃദത്തിന്റെ കഥ പറയുന്ന ഒരു ചിത്രമാണ് നാം. ക്യാമ്പസ് പശ്ചാത്തലത്തിൽ കഥ പറയുന്ന ഈ ചിത്രം നന്മയുള്ള സൗഹൃദത്തിന്റെ പുതിയ കഥയാണ് പ്രേക്ഷകരുടെ മുന്നിൽ അവതരിപ്പിക്കുക.

ഈ ചിത്രത്തിൽ പ്രശസ്ത സംവിധായകൻ ഗൗതം വാസുദേവ് മേനോനും അഭിനയിക്കുന്നുണ്ട്. അദ്ദേഹം അഭിനയിക്കുന്നു എന്നത് കൊണ്ട് തന്നെ ഈ ചിത്രം വാർത്തകളിൽ നിറഞ്ഞിരുന്നു. അദ്ദേഹം ആദ്യമായാണ് ഒരു മലയാള സിനിമയുടെ ഭാഗമായി എത്തുന്നത്. ഗൗതം മേനോൻ ഈ ചിത്രത്തിൽ സംവിധായകൻ ഗൗതം മേനോൻ ആയി തന്നെയാണ് അഭിനയിക്കുന്നത് എന്ന പ്രത്യേകതയും ഈ ചിത്രത്തിന് ഉണ്ട്.

നാം ഒരു യഥാർത്ഥ സംഭവ കഥയെ ആസ്പദമാക്കിയാണ് ഒരുക്കിയിരിക്കുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്. ഈ ചിത്രത്തിന്റെ ട്രൈലെർ, അതുപോലെ ഇതിലെ ഗാനങ്ങൾ എന്നിവ ഇപ്പോഴേ സോഷ്യൽ മീഡിയയിൽ തരംഗമായി കഴിഞ്ഞു. ടോവിനോ തോമസ്, വിനീത് ശ്രീനിവാസൻ എന്നിവരും അതിഥി വേഷത്തിൽ പ്രത്യക്ഷപ്പെടുന്നു എന്നത് ഈ ചിത്രത്തെ കുറിച്ചുള്ള പ്രതീക്ഷകൾ വർധിക്കാൻ കാരണമായിട്ടുണ്ട്.