മലയാള സിനിമ മാത്രമല്ല ഇന്ത്യൻ സിനിമ തന്നെ കാത്തിരിക്കുന്ന ചിത്രങ്ങളിലൊന്നായി മാറി കഴിഞ്ഞു മോഹൻലാൽ നായകനായി എത്തുന്ന മരക്കാർ അറബിക്കടലിന്റെ സിംഹം. ഇന്ത്യൻ സിനിമയിലെ ഏറ്റവും പരിചയ സമ്പന്നനായ സംവിധായകരിലൊരാളായ പ്രിയദർശനൊരുക്കിയ ഈ ചിത്രത്തിന്റെ ട്രൈലെർ നാളെ വൈകുന്നേരം 5 മണിക്ക് റിലീസ് ചെയ്യും. മലയാളം, തമിഴ്, ഹിന്ദി, കന്നഡ, തെലുങ്ക് ഭാഷകളിൽ റിലീസ് ചെയ്യുന്ന ഈ ചിത്രത്തിന്റെ ട്രെയ്ലറും അഞ്ചു ഭാഷകളിലാണ് എത്തുന്നത്. മലയാളത്തിൽ കംപ്ലീറ്റ് ആക്ടർ മോഹൻലാൽ ട്രൈലെർ പുറത്തു വിടുമ്പോൾ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിൽ യഥാക്രമം അക്ഷയ് കുമാർ, സൂര്യ, ചിരഞ്ജീവി, രാം ചരൺ, യാഷ് എന്നിവരാണ് ഈ ട്രൈലെർ റിലീസ് ചെയ്യുന്നത്. മലയാള സിനിമയുടെ ചരിത്രത്തിലാദ്യമാണ് ഇന്ത്യൻ സിനിമാ ലോകം മുഴുവൻ ഒരു ചിത്രത്തിന്റെ ട്രൈലെർ ലോഞ്ചിനായി ഒന്നിച്ചെത്തുന്നത്. ഇപ്പോഴിതാ ഈ ചിത്രത്തിന്റെ പശ്ചാത്തല സംഗീതമൊരുക്കിയ രാഹുൽ രാജ് മരക്കാർ ട്രൈലറിനെ കുറിച്ച് മനസ്സ് തുറക്കുകയാണ്. കൗമുദി ടിവിക്കു നൽകിയ അഭിമുഖത്തിലാണ് രാഹുൽ രാജ് മരക്കാർ എന്ന ചിത്രത്തെ കുറിച്ച് സംസാരിക്കുന്നതു.
ഇന്ത്യൻ സിനിമയിലെ ഏറ്റവും സാങ്കേതിക പൂർണതയുള്ള ചിത്രമായിരിക്കും മരക്കാർ എന്ന പ്രിയദർശന്റെ വാക്കുകൾ തന്നെയാണ് താനും കടമെടുക്കുന്നതെന്നു രാഹുൽ രാജ് പറയുന്നു. ഈ ചിത്രത്തിന്റെ ട്രൈലെർ കട്ട് ചെയ്തത് പ്രശസ്ത സംവിധായകനായ അൽഫോൻസ് പുത്രനാണ്. മരക്കാർ ട്രൈലറിനെ കുറിച്ച് രാഹുൽ രാജ് പറയുന്ന വാക്ക്, “പ്യുവർ ഫയർ” എന്നാണ്. താൻ കൂടുതൽ ഒന്നും പറഞ്ഞു ഹൈപ്പ് കൊടുക്കാൻ താല്പര്യപ്പെടുന്നില്ല എങ്കിലും ട്രൈലെർ അതിമനോഹരമാണ് എന്നും വിസ്മയകരമാണ് എന്നുമുള്ള സൂചനകളാണ് രാഹുൽ രാജ് തരുന്നത്. പ്രിയദർശൻ മാജിക് ആണ് പ്രേക്ഷകർ സ്ക്രീനിൽ കാണാൻ പോകുന്നത് എന്നാണ് രാഹുൽ രാജ് പറഞ്ഞത്.
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
മലയാള സിനിമയിലെ ഇതിഹാസ തുല്യനായ സംവിധായകൻ പ്രിയദർശന്റെ കരിയറിലെ നൂറാം ചിത്രം അടുത്ത വർഷം ആരംഭിക്കും. തന്റെ ആദ്യ ചിത്രത്തിലെ…
നടൻ കലാഭവൻ നവാസ് അന്തരിച്ചു. 51 വയസ്സായിരുന്നു. ഹൃദയാഘാതം മൂലമാണ് മരണമെന്നാണ് റിപ്പോർട്ട്. ചോറ്റാനിക്കരയിലെ ഹോട്ടൽ മുറിയിൽ അദ്ദേഹത്തെ മരിച്ച…
This website uses cookies.