കോവിഡ് പ്രതിസന്ധിക്കു ശേഷം ഈ കഴിഞ്ഞ ഒക്ടോബർ മാസം അവസാനമാണ് കേരളത്തിലെ തീയേറ്ററുകൾ തുറന്നതു. ഇപ്പോഴും അമ്പതു ശതമാനം കപ്പാസിറ്റിയിലാണ് സിനിമകൾ കളിക്കുന്നത് എങ്കിലും ഒട്ടേറെ ചിത്രങ്ങൾ റിലീസിന് എത്തുകയും ഇനിയും ഒരുപാട് ചിത്രങ്ങൾ റിലീസിന് തയ്യാറായി ഇരിക്കുകയും ചെയ്യുകയാണ്. ഏതായാലും വലിയൊരു തിരിച്ചു വരവിന്റെ പാതയിൽ തന്നെയാണ് മലയാള സിനിമ എന്ന് പറയാം. കോവിഡ് പ്രതിസന്ധിക്കു ശേഷം റിലീസ് ചെയ്തതിൽ ഏറ്റവും കൂടുതൽ കളക്ഷൻ കേരളത്തിൽ നിന്നും നേടിയ ചിത്രങ്ങൾ ദുൽഖർ സൽമാൻ നായകനായ കുറുപ്പും, മോഹൻലാൽ നായകനായ മരക്കാരും ആണ്. കുറുപ്പ് കേരളത്തിൽ നിന്നും മുപ്പതു കോടിക്ക് മുകളിലും ആഗോള കളക്ഷൻ ആയി 80 കോടിയും നേടിയപ്പോൾ മരക്കാർ കേരളത്തിൽ നിന്ന് ഇരുപതു കോടിക്ക് മുകളിലും ആഗോള കളക്ഷൻ ആയി അമ്പതു കോടിയോളവുമാണ് നേടിയത്.
ഇവ കൂടാതെ ചെറിയ ചിത്രമായ ജാനേമൻ, ക്രിസ്മസ് റിലീസ് ആയി എത്തിയ അജഗജാന്തരം എന്നിവയും സൂപ്പർ ഹിറ്റ് വിജയമാണ് നേടിയത്. ഇവക്കു പുറമെ ഈ കഴിഞ്ഞ വർഷം ഒറ്റിറ്റി റിലീസ് ആയി എത്തിയ മലയാള ചിത്രങ്ങളും വമ്പൻ വിജയം നേടിയ. മോഹൻലാൽ നായകനായ ദൃശ്യം 2, ടോവിനോ തോമസ് നായകനായ മിന്നൽ മുരളി, ഫഹദ് ഫാസിലിന്റെ ജോജി, മാലിക്, ഇന്ദ്രൻസ് നായകനായ ഹോം, സുരാജ്- നിമിഷ ടീമിന്റെ ദി ഗ്രേറ്റ് ഇന്ത്യൻ കിച്ചൻ എന്നിവയാണ് ഒറ്റിറ്റി വഴി വമ്പൻ ഹിറ്റായ ചിത്രങ്ങൾ. പൃഥ്വിരാജ് ചിത്രങ്ങളായ കുരുതി, കോൾഡ് കേസ്, ഭ്രമം എന്നിവയും, ജോജു ജോർജ് ചിത്രമായ മധുരവും ഒറ്റിറ്റി വഴി ശ്രദ്ധ നേടി. കുറുപ്പ്, മരക്കാർ ജാനേമൻ എന്നിവയാണ് തീയേറ്ററുകാർക്കു ലാഭം ഉണ്ടാക്കി നൽകിയത് എന്ന് തീയേറ്റർ സംഘടനയായ ഫിയോക് പറയുന്നു. അടുത്ത മൂന്നുമാസത്തിനുള്ളിൽ അൻപതോളം സിനിമകൾ തിയേറ്ററുകളിലെത്തിക്കാനാണ് ഫിയോക് ഒരുങ്ങുന്നത് എന്നും അവർ അറിയിച്ചു. അടുത്ത മൂന്നുമാസത്തിനകം റിലീസ് ചെയ്യേണ്ട 50-ഓളം സിനിമകൾക്കു പരമാവധി സ്ക്രീൻ നൽകാനാണ് അസോസിയേഷന്റെ തീരുമാനം എന്നും അവർ അറിയിച്ചിട്ടുണ്ട്.
അഭിഷേക് നാമ രചിച്ചു സംവിധാനം ചെയ്യുന്ന വമ്പൻ തെലുങ്ക് ചിത്രമായ 'നാഗബന്ധ'ത്തിൽ നൃത്ത സംവിധാനം നിർവഹിക്കാൻ പ്രശസ്ത നൃത്ത സംവിധായകനായ…
ടോവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരെ മുഖ്യ കഥാപാത്രങ്ങളാക്കി അനുരാജ് മനോഹർ ഒരുക്കുന്ന പുതിയ ചിത്രം നരിവേട്ടയുടെ ഡബ്ബിങ്…
ശാസ്ത്രജ്ഞനായ ജി.ഡി. നായിഡുവിന്റെ ജീവചരിത്രമാണ് സിനിമയാവുന്നത് 'ഇന്ത്യയുടെ എഡിസൺ' എന്നറിയപ്പെടുന്ന ഗോപാൽസ്വാമി ദൊരൈസ്വാമി നായിഡുവിന്റെ ബയോപിക് സിനിമയിൽ ജി.ഡി. നായിഡുവിന്റെ…
ശ്യാം ശീതൾ സംവിധാനം നിർവ്വഹിക്കുന്ന രണ്ടാമത്തെ ഹ്രസ്വ ചിത്രമാണ് ‘എൻ്റെ’ . ആദ്യമായി ഒരുക്കിയ ചിത്രത്തിന് ലോകത്തിലെ തന്നെ ഏറ്റവും…
കഥാപാത്രങ്ങളിലെ വൈവിധ്യം കൊണ്ട് പ്രേക്ഷകരുടെ പ്രിയതാരമായി മാറിയ ഷറഫുദീൻ പ്രേക്ഷകർക്ക് മുന്നിലെത്തുന്ന "ദി പെറ്റ് ഡിക്റ്റക്റ്റീവ്" ഏപ്രിൽ 25ന് പ്രദർശനത്തിനെത്തുന്നു.…
പുലി മുരുകൻ എന്ന മോഹൻലാൽ ചിത്രം തനിക്ക് നിർമ്മാതാവ് എന്ന നിലയിൽ സമ്മാനിച്ചത് ചരിത്ര വിജയമെന്ന് ടോമിച്ചൻ മുളകുപാടം. ചിത്രം…
This website uses cookies.