ദളപതി വിജയ്യെ നായകനാക്കി സൂപ്പർഹിറ്റ് സംവിധായകൻ ലോകേഷ് കനകരാജ് ഒരുക്കിയ ലിയോ അടുത്ത മാസം പത്തൊൻപതിനാണ് പ്രേക്ഷകരുടെ മുന്നിലെത്തുക. ഇതിനോടകം തന്നെ ഈ ചിത്രത്തിന്റെ പോസ്റ്ററുകൾ സോഷ്യൽ മീഡിയയിൽ തരംഗമായി നിൽക്കുകയാണ്. വിജയ്യുടെ കരിയറിലെ ഏറ്റവും വലിയ ചിത്രമായി ഒരുങ്ങിയ ലിയോയെ വരവേൽക്കാൻ കേരളവും ഒരുങ്ങി കഴിഞ്ഞു. റിലീസ് ചെയ്യുന്നതിന് ഏകദേശം ഒരുമാസം മുൻപത്തെ കണക്കു പരിശോധിച്ചാൽ, ഇതിനോടകം കേരളത്തിൽ ലിയോക്കായി ചാർട്ട് ചെയ്തിരിക്കുന്ന ഫാൻസ് ഷോകളിൽ നിന്ന് മാത്രം ഈ ചിത്രത്തിന്റെ ഒരു ലക്ഷത്തിലധികം ടിക്കറ്റുകൾ വിറ്റു പോയിട്ടുണ്ട്. ദളപതി വിജയ്ക്ക് കേരളത്തിലുള്ള താരമൂല്യത്തിനും ജനപ്രീതിക്കും അടിവരയിടുന്ന കണക്കുകളാണ് പുറത്ത് വരുന്നത്. കേരളത്തിൽ മാത്രമല്ല, വിദേശ രാജ്യങ്ങളിലുൾപ്പെടെ, അഡ്വാൻസ് ബുക്കിംഗ് ആരംഭിച്ച കേന്ദ്രങ്ങളിലെല്ലാം തന്നെ വലിയ രീതിയിൽ ടിക്കറ്റുകൾ വിറ്റഴിച്ചു റെക്കോർഡ് സൃഷിക്കുകയാണ് ഈ ദളപതി ചിത്രം.
വമ്പൻ വിജയം നേടിയ മാസ്റ്ററിന് ശേഷം ലോകേഷ് കനകരാജ്- വിജയ് ടീം ഒന്നിച്ച ഈ ചിത്രം ലോകേഷിന്റെ സിനിമാറ്റിക് യൂണിവേഴ്സിന്റെ ഭാഗം കൂടിയാണോ എന്നറിയാനുള്ള ആകാംഷയും പ്രേക്ഷകരിലുണ്ട്. തൃഷ നായികാ വേഷം ചെയ്യുന്ന ഈ ചിത്രത്തിൽ വില്ലനായി എത്തുന്നത് ബോളിവുഡ് സൂപ്പർ താരം സഞ്ജയ് ദത്താണ്. ഇവരെ കൂടാതെ ആക്ഷൻ കിംഗ് അർജുൻ, സംവിധായകനായ മിഷ്കിൻ, ഗൗതം വാസുദേവ് മേനോൻ, മലയാള താരം മാത്യു തോമസ്, സാൻഡി, പ്രിയ ആനന്ദ്, അനുരാഗ് കശ്യപ്, ബാബു ആന്റണി എന്നിവരും വേഷമിടുന്ന ഈ ചിത്രം ലോകേഷ് കനകരാജ്- രത്ന കുമാർ- ധീരജ് വൈദി എന്നിവരാണ് രചിച്ചിരിക്കുന്നത്. അനിരുദ്ധ് രവിചന്ദർ സംഗീതമൊരുക്കുന്ന ലിയ്യോക്ക് മനോജ് പരമഹംസ കാമറ ചലിപ്പിച്ചപ്പോൾ, എഡിറ്റിംഗ് നിർവഹിച്ചിരിക്കുന്നത് ഫിലോമിൻ രാജ് ആണ്. സെവൻ സ്ക്രീൻ സ്റ്റുഡിയോസ് നിർമ്മിക്കുന്ന ലിയോ കേരളത്തിൽ റിലീസ് ചെയ്യുന്നത് ഗോകുലം ഗോപാലൻ നേതൃത്വം നൽകുന്ന ശ്രീ ഗോകുലം മൂവീസാണ്.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.