[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

“മൂൺ വാക്” നൃത്തം മാത്രമല്ല, ജീവിതം കൂടിയാണ്; മനസ്സ് തുറന്ന് സംവിധായകൻ

പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന “മൂൺ വാക്” മെയ് 30 നു പ്രേക്ഷകരുടെ മുന്നിലെത്തുകയാണ്. ലിജോ ജോസ് പെല്ലിശ്ശേരി അവതരിപ്പിക്കുന്ന ചിത്രം നിർമ്മിക്കുന്നത് മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും ഫയർവുഡ് ഷോസിന്റെ ബാനറിൽ ജസ്‌നി അഹമ്മദുമാണ്. പുതുമുഖങ്ങളെ അണിനിരത്തി ഒരുക്കിയ ചിത്രം 1980 കളുടെ പശ്‌ചാത്തലത്തിലാണ് ഒരുക്കിയിരിക്കുന്നത്. ചിത്രത്തിന്റെ ടീസർ, ഗാനങ്ങൾ എല്ലാം ഇതൊരു ബ്രേക്ക് ഡാൻസ് അടിസ്ഥാനമാക്കിയുള്ള ചിത്രമെന്ന തോന്നൽ സമ്മാനിക്കുന്നുണ്ടെങ്കിലും അത് മാത്രമല്ല മൂൺ വാക് എന്ന് പറയുകയാണ് സംവിധായകൻ വിനോദ് എ കെ.

മൂൺ വാക്ക് പറയുന്നത് ജീവിതത്തെക്കുറിച്ചാണ്. 80കളിൽ നൃത്തം ചെയ്യുകയും ജീവിക്കുകയും ചെയ്ത സുഹൃത്തുക്കളെക്കുറിച്ച്, അവർ ഇപ്പോൾ എവിടെയാണെന്നതിനെക്കുറിച്ച്. യഥാർത്ഥ കഥകൾ, യഥാർത്ഥ വികാരങ്ങൾ എന്നിവയാണ് ഈ ചിത്രത്തിലൂടെ പറയുന്നത് എന്ന് അദ്ദേഹം പറയുന്നു. സൗഹൃദമാണ് മൂൺവാക്കിന്റെ കാതൽ എന്നും അത് സമൂഹ മാധ്യമങ്ങളിൽ നിർമ്മിച്ച തത്തിലുള്ളതല്ല, മറിച്ച് ഭൂതകാലത്തെ യഥാർത്ഥവും കലർപ്പ് ഇല്ലാത്തതും വിശ്വാസ യോഗ്യവുമായ സൗഹൃദങ്ങളാണ് എന്നും അദ്ദേഹം വിശദീകരിച്ചു. ഫോണുകൾ ഇല്ലായിരുന്നു, എന്നാൽ നിങ്ങൾ ഒരു സുഹൃത്തിനെ അന്വേഷിക്കുകയാണെങ്കിൽ, എങ്ങനെയെങ്കിലും അയാൾ എവിടെയായിരിക്കുമെന്ന് നിങ്ങൾക്കറിയാം. അത് ടെലിപതി പോലെയായിരുന്നു.. ഈ സൗഹൃദമാണ് മൂൺ വാക്ക് കാണിച്ചു തരിക എന്നാണ് സംവിധായകൻ പറയുന്നത്. തിരുവനന്തപുരത്തിൻ്റെ ഗ്രാമങ്ങളുടെ ആത്മാവിലൂടെ കഥ പറയുന്ന ഒരു ചിത്രം കൂടിയാണ് ഇതെന്നും അദ്ദേഹം കൂട്ടിച്ചേർക്കുന്നു. നവാഗതരായ ചെറുപ്പകാർക്കൊപ്പം ശ്രീകാന്ത് മുരളി, വീണ നായർ, സഞ്ജന ദോസ്, മീനാക്ഷി രവീന്ദ്രൻ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു.

ചിത്രത്തിന്റെ കഥ, തിരക്കഥ, സംഭാഷണങ്ങൾ ഒരുക്കിയിരിക്കുന്നത് വിനോദ് എ കെ, മാത്യു വർഗീസ്, സുനിൽ ഗോപാലകൃഷ്ണൻ എന്നിവർ ചേർന്നാണ്. സംഗീതം പ്രശാന്ത് പിള്ള, ലിറിക്സ് വിനായക് ശശികുമാർ, സുനിൽ ഗോപാലകൃഷ്ണൻ, നിതിൻ വി നായർ, ഛായാഗ്രഹണം അൻസാർ ഷാ, എഡിറ്റിംഗ് ദീപു ജോസഫ്, കിരൺ ദാസ്, സൗണ്ട് ഡിസൈൻ രംഗനാഥ് രവി, ആർട്ട് സാബു മോഹൻ, കോസ്റ്റ്യൂം ധന്യ ബാലകൃഷ്ണൻ, മേക്കപ്പ് സജി കൊരട്ടി, സന്തോഷ് വെൺപകൽ, ആക്ഷൻ മാഫിയ ശശി, ഗുരുക്കൾ, ലൈൻ പ്രൊഡ്യൂസർ സന്തോഷ് കൃഷ്ണൻ, എക്സിക്യൂട്ടീവ് പ്രൊഡ്യൂസർ അനൂജ് വാസ്, നവീൻ പി തോമസ്, പ്രൊഡക്ഷൻ കൺട്രോളർ ജാവേദ് ചെമ്പ്, ചീഫ് അസോസിയേറ്റ് ഉണ്ണി കെ ആർ, അസോസിയേറ്റ് ഡയറക്ടെഴ്‌സ് സുമേഷ് എസ് ജെ, അനൂപ് വാസുദേവ്, കളറിസ്റ്റ് നന്ദകുമാർ, സൗണ്ട് മിക്സ് ഡാൻജോസ്, ഡി ഐ പോയെറ്റിക്, അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ് ബബിൻ ബാബു, പ്രൊഡക്ഷൻ ഇൻ ചാർജ് അഖിൽ യശോധരൻ, പി ആർ ഒ മഞ്ജു ഗോപിനാഥ്.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

4 hours ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

4 hours ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

2 weeks ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

2 weeks ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

3 weeks ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

3 weeks ago

This website uses cookies.