പുലി മുരുകൻ എന്ന മലയാളത്തിലെ ആദ്യത്തെ നൂറു കോടി ക്ലബിൽ കയറിയ, ഇൻഡസ്ട്രി ഹിറ്റായി മാറിയ ചിത്രത്തിന് ശേഷം മോഹൻലാൽ- വൈശാഖ്- ഉദയ കൃഷ്ണ ടീം ഒന്നിക്കുന്ന പുതിയ ചിത്രമാണ് മോൺസ്റ്റർ. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന്റെ ഷൂട്ടിംഗ് ഇപ്പോൾ അതിന്റെ അവസാന ഘട്ടത്തിലാണ്. ലക്കി സിങ് എന്ന പേരിൽ പഞ്ചാബി ലുക്കിലാണ് മോഹൻലാൽ ഈ ചിത്രത്തിൽ അഭിനയിച്ചിരിക്കുന്നത്. വലിയ ശ്രദ്ധ നേടിയ ഇതിന്റെ ഫസ്റ്റ് ലുക്ക് പോസ്റ്ററിന് ശേഷം, ഇപ്പോഴിതാ പുതുവത്സരാശംസകൾ നേർന്നു ഈ ചിത്രത്തിന്റെ രണ്ടാം പോസ്റ്റർ ഇപ്പോൾ റിലീസ് ചെയ്തിരിക്കുകയാണ്. പഞ്ചാബി നൃത്ത ചുവടുമായി ആഘോഷിച്ചു നിൽക്കുന്ന, മോഹൻലാൽ കഥാപാത്രത്തിന്റെ സ്റ്റിൽ ആണ് ഈ പോസ്റ്ററിൽ കാണാൻ സാധിക്കുന്നത്. വലിയ പ്രതികരണമാണ് ഇപ്പോൾ ഈ പോസ്റ്ററിന് സോഷ്യൽ മീഡിയയിൽ നിന്നും ലഭിക്കുന്നത്.
ഒരു ത്രില്ലർ ചിത്രമായിരിക്കും ഇതെന്ന സൂചനയാണ് ഇതിന്റെ ആദ്യ പോസ്റ്റർ നമ്മുക്ക് തന്നത്. ആശീർവാദ് സിനിമാസ് നിർമ്മിക്കുന്ന മുപ്പത്തിയൊന്നാമത്തെ ചിത്രമാണ് മോൺസ്റ്റർ. പ്രശസ്ത ആക്ഷൻ ഡയറക്ടർ സ്റ്റണ്ട് സിൽവ ആണ് ഈ ചിത്രത്തിലെ ആക്ഷൻ രംഗങ്ങൾ ഒരുക്കുന്നത്. ഹണി റോസ്, സുദേവ് നായർ, ലക്ഷ്മി മാഞ്ചു, സാധിക എന്നിവരും അഭിനയിക്കുന്ന ഈ ചിത്രത്തിന് സംഗീതം ഒരുക്കുന്നത് ദീപക് ദേവും എഡിറ്റ് ചെയ്യുന്നത് ഷമീർ മുഹമ്മദും ആണു. സതീഷ് കുറുപ്പ് ആണ് ഈ ചിത്രത്തിന് വേണ്ടി ക്യാമറ ചലിപ്പിക്കുന്നത്. മോൺസ്റ്റർ ഒരു ഒടിടി റിലീസ് ആയാണ് ഒരുക്കുന്നത് എന്നാണ് റിപ്പോർട്ടുകൾ പറയുന്നത്. എന്നാൽ ഇത് ഒഫീഷ്യൽ ആയി സ്ഥിതീകരിച്ചിട്ടില്ല.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.