ജോസഫിനെ പ്രശംസ കൊണ്ട് മൂടി മലയാള സിനിമാ ലോകം; ഈ വർഷത്തെ ഏറ്റവും മികച്ച ചിത്രമെന്ന് നിരൂപണം..!

ജോജു ജോർജ് നായകനായി എത്തിയ പദ്മ കുമാർ ചിത്രമായ ജോസഫ് കേരളത്തിലെ പ്രദർശന ശാലകളിൽ നിറഞ്ഞ സദസ്സിൽ പ്രദർശിപ്പിക്കുകയാണ് ഇപ്പോൾ. ഷാഹി കബീർ രചിച്ചു ജോജു ജോർജ് തന്നെ നിർമ്മിച്ച ഈ ത്രില്ലർ ചിത്രം പ്രേക്ഷകരുടെയും നിരൂപകരുടെയും പ്രശംസക്ക് ഒപ്പം തന്നെ മലയാള സിനിമാ ലോകത്തിന്റെ മുഴുവൻ പ്രശംസയാണ് നേടിയെടുക്കുന്നത്. അജയ് വാസുദേവ്, സണ്ണി വെയ്ൻ, അജു വർഗീസ് , വിനീത് ശ്രീനിവാസൻ , അനൂപ് മേനോൻ, ജൂഡ് ആന്റണി ജോസഫ്, രഞ്ജിത് ശങ്കർ, ജീത്തു ജോസഫ്, അജി ജോൺ, ഹരികൃഷ്ണൻ കോർണത്, മിഥുൻ മാനുവൽ തോമസ്, രമേശ് പിഷാരടി, മാധവ് രാമദാസൻ, തുടങ്ങി ഒട്ടേറെ പേർ ഈ ചിത്രത്തെയും ജോജു ജോർജിന്റെയും എം പദ്മകുമാറിനെയും പ്രശംസിച്ചു രംഗത്ത് വന്നു.

ജോജു ജോർജിന്റെ കരിയറിലെ തന്നെ ഏറ്റവും മികച്ച പ്രകടനം ആണ് ജോസഫ് എന്ന ടൈറ്റിൽ കഥാപാത്രം ആയി അദ്ദേഹം കാഴ്ച വെച്ചത്. ഈ പ്രകടനത്തിന് അദ്ദേഹത്തെ തേടി ഒട്ടേറെ അംഗീകാരങ്ങൾ എത്തും എന്നാണ് ഏവരും ഒരുപോലെ അഭിപ്രായപ്പെടുന്നത്. ദിലീഷ് പോത്തൻ, ആത്മീയ, മാധുരി, മാളവിക, സുധി കോപ്പ, ജെയിംസ്, ജാഫർ ഇടുക്കി, ഇർഷാദ്, ഇടവേള ബാബു, അനിൽ മുരളി, ടിറ്റോ, ജോണി ആന്റണി, നെടുമുടി വേണു എന്നിവരും ഈ ചിത്രത്തിന്റെ താര നിരയിൽ ഉണ്ട്. രഞ്ജിൻ രാജ് സംഗീതവും മനീഷ്‌ മാധവൻ ദൃശ്യങ്ങളും ഒരുക്കിയ ഈ ചിത്രം എഡിറ്റ് ചെയ്തത് കിരൺ ദാസ് ആണ്. ഏതായാലും ജോസഫ് നേടുന്ന മികച്ച വിജയം നല്ല സിനിമകളെ മലയാളി പ്രേക്ഷകർ എന്നും ഹൃദയത്തോട് ചേർക്കും എന്നതിന്റെ തെളിവാണ് എന്ന് പറയാം.