യുവ സൂപ്പർ താരമായ പൃഥ്വിരാജ് സുകുമാരൻ ആദ്യമായി സംവിധാനം ചെയ്യുന്ന ലൂസിഫർ എന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്. മലയാളത്തിന്റെ താര ചക്രവർത്തിയായ മോഹൻലാൽ നായകനായ ഈ ചിത്രം ഒരു മാസ്സ് പൊളിറ്റിക്കൽ ത്രില്ലർ ആയാണ് ഒരുങ്ങുന്നത്. മുരളി ഗോപി തിരക്കഥ രചിച്ചിരിക്കുന്ന ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിക്കുന്നത്. ഇതിലെ മോഹൻലാലിന്റെ ലുക്ക് സോഷ്യൽ മീഡിയയിൽ തരംഗമായി മാറിയതിനു പിന്നാലെ ഇപ്പോൾ വന്നു കൊണ്ടിരിക്കുന്ന ലൊക്കേഷൻ സ്റ്റില്ലുകളും ആരാധകരെയും സിനിമാ പ്രേമികളെയും ആവേശം കൊള്ളിക്കുന്നതാണ്. പക്കാ രാഷ്ട്രീയക്കാരന്റെ ലുക്കിലാണ് മോഹൻലാൽ ഇതിൽ പ്രത്യക്ഷപ്പെടുന്നത്. ഇപ്പോൾ പുറത്തു വന്ന സ്റ്റില്ലുകളിൽ മോഹൻലാലിനെയും കലാഭവൻ ഷാജോണിനെയും രാഷ്ട്രീയക്കാരുടെ ലുക്കിൽ കാണാൻ സാധിക്കും.
കട്ട താടിയും പിരിച്ചു വെച്ച മീശയും വെളുത്ത മുണ്ടും ഷർട്ടുമിട്ടു കലിപ്പ് ലുക്കിലാണ് മോഹൻലാൽ ഈ ചിത്രത്തിൽ എത്തുന്നത്. മോഹൻലാലിന് പുറമെ ഇന്ദ്രജിത് സുകുമാരൻ, മഞ്ജു വാര്യർ, ഫാസിൽ എന്നിവർ ഈ ചിത്രത്തിൽ ജോയിൻ ചെയ്തു എന്നാണ് സൂചന. ഇത് കൂടാതെ, ടോവിനോ തോമസ്, ബോളിവുഡ് താരം വിവേക് ഒബ്റോയ്, ജോൺ വിജയ്, സച്ചിൻ ഖാഡെക്കാർ, മമത മോഹൻദാസ് എന്നിവരും അധികം വൈകാതെ ഈ ചിത്രത്തിൽ ജോയിൻ ചെയ്യും. അടുത്ത വർഷം ജനുവരിയിൽ റിലീസ് പ്രതീക്ഷിക്കുന്ന ഈ ചിത്രം നൂറു ദിവസം കൊണ്ട് ഷൂട്ടിങ് പൂർത്തിയാക്കാൻ ആണ് തീരുമാനം. ദീപക് ദേവ് സംഗീതം ഒരുക്കുന്ന ലൂസിഫറിന് വേണ്ടി കാമറ ചലിപ്പിക്കുന്നത് സുജിത് വാസുദേവ് ആണ്. ഗംഭീര ആക്ഷൻ രംഗങ്ങളും ഈ ചിത്രത്തിൽ ഉണ്ടാകുമെന്നാണ് സൂചന.
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
ദിലീപിനെ നായകനാക്കി വിനീത് കുമാര് സംവിധാനം ചെയ്യുന്ന പവി കെയര് ടേക്കര് എന്ന ചിത്രം ഏപ്രിൽ 26 തിയറ്ററുകളില് എത്തുകയാണ്.…
പ്രേക്ഷകപ്രീതി നേടിയ സണ്ണി വെയ്ൻ-അലൻസിയർ ചിത്രം 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി'യിലെ പ്രോപ്പർട്ടി പോസ്റ്റർ അണിയറ പ്രവർത്തകർ…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഏപ്രിൽ 26 മുതൽ തീയേറ്ററുകളിലേക്ക്. നടൻ വിനീത് കുമാർ…
This website uses cookies.