മോഹൻലാൽ ചിത്രം ‘വൃഷഭ’ ഒരുങ്ങുന്നത് മാസ്സ് ആക്ഷൻ എന്റർടൈനറായി ; ഷൂട്ടിങ്ങ് ഉടൻ ആരംഭിക്കുന്നു.

മോഹൻലാൽ നായകനാകുന്ന പുതിയ ചിത്രം ‘വൃഷഭ’ ഷൂട്ടിംഗ് ആരംഭിക്കുന്നു.നന്ദ കിഷോർ സംവിധാനം ചെയ്യുന്ന വൃഷഭ ഈ മാസം അവസാനത്തോട് കൂടി തന്നെ ഷൂട്ടിങ്ങ് ആരംഭിക്കും. ആവേശം നിറയ്ക്കുന്ന ആക്ഷൻ എന്റർടൈനറയാണ് ചിത്രം ഒരുങ്ങുന്നത് എന്ന് അണിയറ പ്രവർത്തകർ പറയുന്നു. കണക്ട് മീഡിയയും എവിഎസ് സ്റ്റുഡിയോസുമായി ബാലാജി ടെലിഫിലിംസിന്റെ ബാനറിൽ ഏക്താ കപൂർ സംയുക്തമായി നിർമിക്കുന്ന ഈ ചിത്രം ഇമോഷൻസ് കൊണ്ടും വിഎഫ്എക്സ് കൊണ്ടും മികച്ച ദൃശ്യാനുഭവമാകും ചിത്രം സമ്മാനിക്കുന്നത്. 2024ലെ തന്നെ ഏറ്റവും വലിയ ചിത്രമായിട്ടാണ് വൃഷഭ അണിയറയിൽ ഒരുങ്ങുന്നത്. മലയാളം, തെലുഗ്, കന്നഡ, തമിഴ്, ഹിന്ദി ഭാഷകളിൽ ചിത്രം റിലീസിനെത്തും.

അച്ഛൻ- മകൻ ബന്ധത്തിന്റെ കഥ തലമുറകളിലൂടെ പറയുന്ന ഒരു എപിക് ഇമോഷണൽ ഡ്രാമയാണ് ഈ ചിത്രമെന്നും, ആക്ഷനും പ്രാധാന്യമുള്ള ഈ ചിത്രം ഒരു വമ്പൻ ദൃശ്യ വിസ്മയമായി ഒരുക്കാനാണ് പ്ലാൻ ചെയ്യുന്നതെന്നും മോഹൻലാൽ നേരത്തെ ഒരു അഭിമുഖത്തിൽ സൂചിപ്പിച്ചിരുന്നു

2 ദിവസങ്ങൾക്ക് മുൻപ് വൃഷഭ സിനിമയുടെ ഫോട്ടോഷൂട്ടുമായി ബന്ധപ്പെട്ട് മുംബൈ വൈആർഎഫ് സ്റ്റുഡിയോസിൽ മോഹൻലാൽ എത്തിയിരുന്നു. ബാലാജി ടെലിഫിലിംസിന്റെ ബാനറിൽ ഏക്താ കപൂർ മോഹൻലാലുമായി ചെയ്യുന്ന ആദ്യ പാൻ ഇന്ത്യൻ ചിത്രം കൂടിയാകും ‘വൃഷഭ’. പി ആർ ഒ – ശബരി