സുരാജ് വെഞ്ഞാറമൂട് നായകനായി അഭിനയിച്ച പുതിയ ചിത്രമാണ് കുട്ടൻപിള്ളയുടെ ശിവരാത്രി. ജീൻ മാർക്കോസ് സംവിധാനം ചെയ്ത ഈ ചിത്രം അധികം വൈകാതെ തന്നെ തീയേറ്ററുകളിൽ എത്തും. ഇതിനോടകം ഈ ചിത്രത്തിന്റെ പോസ്റ്ററുകളും അതുപോലെ ഈ ചിത്രത്തിലെ ചക്ക പാട്ട് എന്ന സോങ് വിഡിയോയും വലിയ പ്രേക്ഷക ശ്രദ്ധ നേടി കഴിഞ്ഞിട്ടുണ്ട്. ഇപ്പോഴിതാ ഈ ചിത്രത്തിൽ സുരാജ് വെഞ്ഞാറമൂട് ആലപിച്ച എന്റെ ശിവനെ എന്ന് തുടങ്ങുന്ന ഗാനവും ഇന്ന് റിലീസ് ചെയ്യാൻ പോവുകയാണ്. സുരാജ് പാടിയ ഗാനം കേൾക്കാൻ കഴിഞ്ഞ ദിവസം ചിത്രത്തിലെ അണിയറപ്രവർത്തകർക്കൊപ്പം എത്തിയത് സാക്ഷാൻ മോഹൻലാൽ ആണ്. ഗാനം കേട്ട മോഹൻലാൽ സുരാജിന്റെ അഭിനന്ദിക്കുകയും ഗാനം തനിക്കു ഒരുപാട് ഇഷ്ടമായി എന്ന് പ്രതികരിക്കുകയും ചെയ്തു. പ്രശസ്ത ഗായികയായ സയനോര ഫിലിപ്പ് ആണ് ഈ ചിത്രത്തിന് സംഗീതം പകർന്നിരിക്കുന്നത് .
ചിത്രത്തിന്റെ പേര് സൂചിപ്പിക്കുന്നതുപോലെ തന്നെ കുട്ടൻപിള്ള എന്ന് പേരുള്ള മധ്യവയസ്കനായ ഒരു പോലീസ് കോൺസ്റ്റബിളിന്റെ വേഷമാണ് സുരാജ് ഈ ചിത്രത്തിൽ അവതരിപ്പിക്കുന്നത്. ജോസെലെറ്റ് ജോസഫ് തിരക്കഥ രചിച്ച ഈ ചിത്രത്തിൽ ബിജു സോപാനം, മിഥുൻ രമേശ്, ശ്രിന്ദ എന്നിവരും നിർണ്ണായക വേഷങ്ങൾ ചെയ്യുന്നു. രാജി നന്ദ കുമാർ ആലങ്ങാട് പ്രൊഡക്ഷൻസിന്റെ ബാനറിൽ നിർമ്മിച്ചിരിക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയിരിക്കുന്നത് ഫാസിൽ നാസർ ആണ്. ഷിബിഷ് കെ ചന്ദ്രൻ ആണ് ഈ ചിത്രം എഡിറ്റ് ചെയ്തിരിക്കുന്നത്. സുരാജ് നായകനായ ആഭാസം എന്ന ചിത്രവും അധികം വൈകാതെ തന്നെ തീയേറ്ററുകളിൽ എത്തും. മോഹൻലാലിനൊപ്പമുള്ള നീരാളി എന്ന ചിത്രമാണ് സുരാജ് കഴിഞ്ഞ മാസം പൂർത്തിയാക്കിയ ചിത്രം . നീരാളി മെയ് അല്ലെങ്കിൽ ജൂൺ മാസത്തിൽ പ്രദർശനത്തിന് എത്തും എന്നാണ് വിവരം. മമ്മൂട്ടി ചിത്രം പേരന്പ്ലും സുരാജ് ഒരു വേഷം ചെയ്തിട്ടുണ്ട്. ആ ചിത്രവും റിലീസിന് ഒരുങ്ങുകയാണ്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.