മോഹൻലാൽ ആദ്യമായി സംവിധാനം ചെയ്ത ചിത്രമാണ് ബറോസ്, നിധി കാക്കും ഭൂതം. ഒരു ത്രീഡി ഫാന്റസി ചിത്രമായി അദ്ദേഹം ഒരുക്കിയ ബറോസ് കുട്ടികൾക്കുള്ള ചിത്രമായാണ് ഒരുക്കിയിരിക്കുന്നത്. നാനൂറ് വർഷം പ്രായമുള്ള ഒരു ഭൂതമായാണ് മോഹൻലാൽ ഇതിൽ അഭിനയിച്ചിരിക്കുന്നത്. ഒരു ഭൂതവും ഒരു പെൺകുട്ടിയും തമ്മിലുള്ള സൗഹൃദത്തിന്റെ കഥ കൂടിയാണ് ഈ ചിത്രം പറയുന്നത്. ജിജോയുടെ കഥയെ അടിസ്ഥാനമാക്കി മോഹൻലാൽ, ടി കെ രാജീവ് കുമാർ എന്നിവർ ചേർന്ന് തിരക്കഥ രചിച്ച ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമ്മിച്ചിരിക്കുന്നത്. അടുത്ത വർഷം മാർച്ചിൽ ബറോസ് റിലീസ് ചെയ്യാനാണ് അണിയറ പ്രവർത്തകർ പ്ലാൻ ചെയ്യുന്നത്. ഇതിൽ മോഹൻലാലിനൊപ്പം പ്രവർത്തിച്ച ടി കെ രാജീവ് കുമാർ പറയുന്നത്, സാങ്കേതികപരമായി മോഹൻലാലിന്റെ ആദ്യ സംവിധാന സംരംഭമാണ് ബറോസ് എന്ന് പറയാമെങ്കിലും, ഇതൊരിക്കലും അദ്ദേഹത്തിന്റെ ആദ്യ ചിത്രമല്ല എന്നാണ്.
ഒരു മികച്ച സംവിധായകൻ അദ്ദേഹത്തിന്റെ ഉള്ളിലുണ്ടെന്നും, നാല്പതോളം വർഷങ്ങളിലായി പല തലമുറകളിൽ പെട്ട സംവിധായകരുടേയും സാങ്കേതിക പ്രവർത്തകരുടേയും ഒപ്പം പ്രവർത്തിച്ച അനുഭവ സമ്പത്തുള്ള ആളാണ് മോഹൻലാൽ എന്നും ടി കെ രാജീവ് കുമാർ പറയുന്നു. അതിന്റെ ഗുണം അദ്ദേഹമൊരുക്കിയ ബറോസിന് ഉണ്ടായിട്ടുണ്ടെന്നും, ബറോസ് വളരെ മികച്ച രീതിയിലാണ് മോഹൻലാൽ ഒരുക്കിയിരിക്കുന്നതെന്നും ടി കെ രാജീവ് കുമാർ പറയുന്നു. സന്തോഷ് ശിവൻ കാമറ ചലിപ്പിച്ച ബറോസിന് സംഗീതമൊരുക്കുന്നത് ലിഡിയൻ നാദസ്വരമാണ്. ബി അജിത്കുമാർ ആണ് ഈ ചിത്രം എഡിറ്റ് ചെയ്യുന്നത്. മോഹൻലാൽ കൂടാതെ ഗുരു സോമസുന്ദരം, മായാ, തുഹിർ മേനോൻ എന്നിവരും ഒട്ടേറെ വിദേശ താരങ്ങളും ഈ ചിത്രത്തിന്റെ താരനിരയിലുണ്ട്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.