തന്റെ സ്വന്തം ഇക്കാക്ക് ജന്മദിന ആശംസകളുമായി മോഹൻലാൽ..!

മലയാളത്തിന്റെ രണ്ടു മഹാനടന്മാരാണ് മോഹൻലാലും മമ്മൂട്ടിയും. ഏകദേശം ഒരേ കാലത്തു സിനിമയിൽ വന്നു ഒരേ കാലത്തു സൂപ്പർ താരങ്ങളായി മാറിയ ഇരുവരും ഇന്നും മലയാള സിനിമയുടെ നെടുംതൂണുകൾ ആണ്. ദേശീയ പുരസ്കാരങ്ങളും സംസ്ഥാന പുരസ്കാരങ്ങളുമെല്ലാം ഒട്ടേറെ തവണ സ്വന്തമാക്കിയ ഇരുവരും നാൽപതു വർഷമായി വലിയ സൗഹൃദമാണ് കാത്തു സൂക്ഷിക്കുന്നത്. ഒരുപക്ഷെ ഇന്ത്യൻ സിനിമയിൽ തന്നെ ഏറ്റവും കൂടുതൽ ചിത്രങ്ങളിൽ ഒരുമിച്ചു അഭിനയിച്ച സൂപ്പർ താരങ്ങളും മോഹൻലാലും മമ്മൂട്ടിയും ആയിരിക്കും. മോഹൻലാൽ- മമ്മൂട്ടി സൗഹൃദത്തിന് മറ്റൊരു വശം കൂടിയുണ്ട്. മമ്മൂട്ടിയെ കുടുംബാംഗങ്ങൾ മാത്രം വിളിക്കുന്ന പേരാണ് ഇച്ചാക്ക എന്നത്. ആ പേരിൽ അദ്ദേഹത്തെ വിളിക്കുന്ന മലയാള സിനിമയിലെ ഒരേയൊരു നടനും മോഹൻലാൽ മാത്രമാണ്. അല്ലെങ്കിൽ മോഹൻലാലിന് മാത്രമേ ആ സ്വാതന്ത്ര്യം മമ്മൂട്ടിയോടുളളു. അത്ര വലുതാണ് ഇരുവരും തമ്മിലുള്ള ആത്മബന്ധം.

ഇപ്പോഴിതാ മലയാളത്തിന്റെ മെഗാസ്റ്റാർ ആയ മമ്മൂട്ടിക്ക് മലയാളത്തിന്റെ താര ചക്രവർത്തിയായ മോഹൻലാൽ ജന്മദിന ആശംസകൾ നേർന്നിരിക്കുകയാണ്. തന്റെ ഫേസ്ബുക് , ട്വിറ്റെർ അക്കൗണ്ടിലൂടെയാണ് മോഹൻലാൽ തന്റെ ഇക്കാക്ക് ഹാപ്പി ബര്ത്ഡേ വിഷ് ചെയ്തത്. മോഹൻലാൽ ഇപ്പോൾ ബിഗ് ബോസ് ഷൂട്ടിങ്ങുമായി ബന്ധപെട്ടു മുംബൈയിൽ ആണെന്നാണ് സൂചന. മമ്മൂട്ടിയാവട്ടെ വൈശാഖ് ഒരുക്കുന്ന തന്റെ പുതിയ ചിത്രമായ മധുര രാജയുടെ ഷൂട്ടിംഗ് സെറ്റിൽ ആണ്. ഒരുപാട് ചിത്രങ്ങളിൽ ഒരുമിച്ചു അഭിനയിച്ചിട്ടുള്ള മോഹൻലാലും മമ്മൂട്ടിയും ഒരിക്കൽ കൂടി ഒന്നിച്ചു അഭിനയിക്കുന്നത് കാണാൻ ഉള്ള കാത്തിരിപ്പിലാണ് ആരാധകർ. അങ്ങനെയൊരു ചിത്രം ഇപ്പോൾ ഉണ്ടായാൽ ഒരുപക്ഷെ അത് മലയാള സിനിമയിലെ സകല ബോക്സ് ഓഫീസ് ചരിത്രവും തിരുത്തികുറിക്കുകയും ചെയ്യും. ഏതായാലും മലയാളത്തിന്റെ മെഗാ സ്റ്റാറിന് ഇന്ത്യൻ സിനിമയുടെ കമ്പ്ലീറ്റ് ആക്ടർ നൽകിയ ജന്മദിന ആശംസകളും ആരാധകർ സോഷ്യൽ മീഡിയയിൽ ആഘോഷമാക്കുകയാണ്.