ഇച്ചാക്കക്കും ഭാഭിക്കും വിവാഹ വാർഷികാശംസകൾ; മമ്മൂട്ടിക്ക് ആശംസകൾ നേർന്നു മോഹൻലാൽ

മലയാളത്തിന്റെ മെഗാ സ്റ്റാർ മമ്മൂട്ടി ഇന്ന് തന്റെ വിവാഹ വാർഷികം ആഘോഷിക്കുകയാണ്. 1979 മെയ് ആറിനാണ് സുൽഫത്തിനെ മമ്മൂട്ടി വിവാഹം കഴിച്ചത്. ഇപ്പോൾ തങ്ങളുടെ നാല്പത്തിയൊന്നാം വിവാഹ വാർഷികമാഘോഷിക്കുന്ന മെഗാസ്റ്റാറിനും സുൽഫത്തിനും ആശംസയുമായി എത്തിയിരിക്കുന്നത് കംപ്ളീറ്റ് ആക്ടർ മോഹൻലാലാണ്. തന്റെ ഇച്ചാക്കക്കും ഭാഭിക്കും വിവാഹാ വാർഷികാശംസകൾ എന്നാണ് മോഹൻലാൽ തന്റെ സോഷ്യൽ മീഡിയ പേജിൽ കുറിച്ചിരിക്കുന്നത്. മമ്മൂട്ടിയും മോഹൻലാലും തമ്മിലുള്ള സൗഹൃദം എൺപതുകളുടെ തുടക്കത്തിൽ ആരംഭിച്ചതാണ്. മമ്മുക്കയുടെ കുടുബാംഗങ്ങൾ ഒഴികെ സിനിമാ ലോകത്തു നിന്നും വിരലിലെണ്ണാവുന്ന അത്രയും ആളുകൾ മാത്രമേ അദ്ദേഹത്തെ ഇച്ചാക്ക എന്നും സുല്ഫത് ഭാഭി എന്നും വിളിക്കാറുള്ളു. അതിലൊരാളാണ് മോഹൻലാൽ. മമ്മൂട്ടിയുടെ മകനായ ദുൽകർ സൽമാനൊരിക്കൽ പറഞ്ഞത് തന്റെ വാപ്പയുടെയും ലാൽ അങ്കിളിന്റെയും സൗഹൃദം വാക്കുകളിൽ പറഞ്ഞു തീർക്കാനാവില്ലയെന്നും അത്ര വലിയ ബന്ധമാണ് ഇരുവരുടേയുമെന്നാണ്.

ഏകദേശം അൻപതിലധികം ചിത്രങ്ങളിൽ ഒരുമിച്ചഭിനയിച്ചിട്ടുള്ള സൂപ്പർ താരങ്ങളാണ് ഇരുവരും. ഇന്ത്യൻ സിനിമയിലെ മറ്റൊരു ഇന്ഡസ്ട്രിയിലും ഇത്രയധികം ചിത്രങ്ങളിൽ ഒരുമിച്ചഭിനയിച്ചിട്ടുള്ള സൂപ്പർ താരങ്ങളില്ല. മമ്മൂട്ടി ലാലു എന്ന് വിളിക്കുന്ന മലയാളികളുടെല്ലാം പ്രീയപ്പെട്ട ലാലേട്ടന്റെ കൂടെ ആശംസകളെത്തിയതോടെ മമ്മൂട്ടി ആരാധകരും ആവേശത്തിലാണ്. രാവിലെ മുതൽ തന്നെ തങ്ങളുടെ മമ്മുക്കക്ക് ആശംസകൾ നൽകി കൊണ്ട് ആരാധകർ സോഷ്യൽ മീഡിയയിൽ നിറഞ്ഞു നിന്നിരുന്നു. ഇപ്പോൾ മമ്മൂട്ടിയും മകൻ ദുൽകർ സൽമാനുമെല്ലാം ഒരുമിച്ചു കുടുംബത്തോടൊപ്പം ആയതിനാൽ തന്നെ ഈ വിവാഹ വാർഷികത്തിന് എല്ലാവരും ഒത്തു കൂടുന്നതിന്റെ മധുരവുമുണ്ട്. ദുൽകർ സൽമാനും കുട്ടി സുറുമിയുമാണ് മമ്മൂട്ടിയുടെ മക്കൾ. മകൻ ദുൽകർ സൽമാന്റെ ഭാര്യ അമാൽ സൂഫിയ, അവരുടെ കുഞ്ഞു മകൾ മറിയം എന്നിവരും ഇപ്പോൾ മമ്മൂട്ടിക്കൊപ്പമുണ്ട്.