പുലി മുരുകൻ എന്ന ചിത്രമാണ് ഇപ്പോൾ മലയാള സിനിമയിൽ ഇൻഡസ്ട്രി ഹിറ്റായി നിൽക്കുന്നത്. 2016 ഇൽ റിലീസ് ചെയ്ത ആ ചിത്രത്തിന്റെ റെക്കോർഡ് തകർക്കാൻ ഇതുവരെയും മറ്റൊരു മലയാള ചിത്രത്തിന് സാധിച്ചിട്ടില്ല. മോഹൻലാലിനെ നായകനാക്കി ഉദയകൃഷ്ണയുടെ രചനയിൽ പ്രശസ്ത സംവിധായകൻ വൈശാഖ് ആണ് ആ ചിത്രം ഒരുക്കിയത്. ഇപ്പോഴിതാ ആ ഇൻഡസ്ട്രി ഹിറ്റ് ചിത്രത്തിന് ശേഷം മോഹൻലാൽ- വൈശാഖ്- ഉദയ കൃഷ്ണ ടീം ഒരുക്കുന്ന പുതിയ ചിത്രത്തിന്റെ ഷൂട്ടിംഗ് പൂർത്തിയായിരിക്കുകയാണ്. ഒരു ത്രില്ലർ ആയി ഒരുക്കുന്ന ഈ ചിത്രത്തിന്റെ പേര് മോൺസ്റ്റർ എന്നാണ്. പഞ്ചാബി കഥാപാത്രമായ ലക്കി സിങ് ആയാണ് മോഹൻലാൽ ഈ ചിത്രത്തിൽ അഭിനയിക്കുന്നത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം കഴിഞ്ഞ നവംബറിൽ ആണ് ആരംഭിച്ചത്.
ആശീർവാദ് സിനിമാസ് നിർമ്മിക്കുന്ന മുപ്പത്തിയൊന്നാമത്തെ ചിത്രമാണ് മോൺസ്റ്റർ. ഇതിന്റെ ഫസ്റ്റ് ലുക്ക് പോസ്റ്ററും അതുപോലെ പുതുവത്സരാശംസകൾ നേർന്നു കൊണ്ട് പുറത്തു വിട്ട പോസ്റ്ററും വമ്പൻ പ്രേക്ഷക ശ്രദ്ധ നേടിയെടുത്തിരുന്നു. ഹണി റോസ്, സുദേവ് നായർ, ലക്ഷ്മി മാഞ്ചു, സാധിക എന്നിവരും അഭിനയിക്കുന്ന ഈ ചിത്രത്തിന് സംഗീതം ഒരുക്കുന്നത് ദീപക് ദേവും എഡിറ്റ് ചെയ്യുന്നത് ഷമീർ മുഹമ്മദും ആണു. പ്രശസ്ത ആക്ഷൻ ഡയറക്ടർ സ്റ്റണ്ട് സിൽവ ആക്ഷൻ രംഗങ്ങൾ ഒരുക്കുന്ന ഈ ചിത്രത്തിന്റെ ക്യാമറ ചലിപ്പിച്ചത് സതീഷ് കുറുപ്പ് ആണ്. കോവിഡ് നിയന്ത്രണങ്ങൾ പാലിച്ചു കൊണ്ട് ഒരുക്കിയ ഈ ചിത്രം ഒറ്റിറ്റി റിലീസ് ആണോ തീയേറ്റർ റിലീസ് ആണോ എന്ന കാര്യം ഇതുവരെ തീരുമാനിച്ചിട്ടില്ല.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.