മലയാളത്തിന്റെ മഹാനടൻ മോഹൻലാൽ ഇപ്പോൾ ഒരുപിടി വമ്പൻ ചിത്രങ്ങളുമായി തിരക്കിലാണ്. തന്റെ പാൻ ഇന്ത്യൻ ബഹുഭാഷാ ചിത്രമായ വൃഷഭയുടെ ആദ്യ ഷെഡ്യൂൾ പൂർത്തിയാക്കിയ മോഹൻലാൽ അടുത്ത ദിവസം മുതൽ ജീത്തു ജോസഫ് ഒരുക്കുന്ന നേര് എന്ന ചിത്രത്തിൽ അഭിനയിച്ചു തുടങ്ങും . ലിജോ ജോസ് പെല്ലിശ്ശേരി ഒരുക്കിയ മലൈക്കോട്ടൈ വാലിബൻ, മോഹൻലാൽ തന്നെ സംവിധാനം ചെയ്ത ബറോസ്, ജീത്തു ജോസഫ് ഒരുക്കിയ റാം പാർട്ട് 1 , റാം പാർട്ട് 2 എന്നിവയാണ് ഇനി മോഹൻലാൽ അഭിനയിച്ചു റിലീസ് ചെയ്യാനുള്ള ചിത്രങ്ങൾ. പൃഥ്വിരാജ് സുകുമാരൻ ഒരുക്കുന്ന എംപുരാൻ ആണ് അടുത്ത മാസം മുതൽ ആരംഭിക്കുന്ന മറ്റൊരു മോഹൻലാൽ ചിത്രം. ഇപ്പോഴിതാ പുതിയ തലമുറയിലെ മറ്റൊരു സംവിധായകനൊപ്പവും മോഹൻലാൽ കൈകോർക്കുകയാണെന്ന വാർത്തകളാണ് സോഷ്യൽ മീഡിയയിൽ പ്രചരിക്കുന്നത്.
ഓപ്പറേഷൻ ജാവ, സൗദി വെള്ളക്ക എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ തരുൺ മൂർത്തിയുടെ പുതിയ ചിത്രത്തിൽ മോഹൻലാലാണ് നായകനെന്നാണ് സ്ഥിതീകരിക്കാത്ത വിവരങ്ങൾ പറയുന്നത്. പ്രശസ്ത നിർമ്മാതാവ് എം രഞ്ജിത് രജപുത്ര വിഷ്വൽ മീഡിയയുടെ ബാനറിൽ നിർമ്മിക്കാൻ പോകുന്ന ഈ ചിത്രത്തിന്റെ തിരക്കഥാ ജോലികൾ പുരോഗമിക്കുകയാണെന്നും റിപ്പോർട്ടുകൾ പറയുന്നു. ഏതാനും ആഴ്ചകൾക്ക് മുൻപ്, തന്റെ അടുത്ത ചിത്രം ഒരു സൂപ്പർസ്റ്റാറിനൊപ്പമാണെന്നു സൂചിപ്പിക്കുന്ന തരുൺ മൂർത്തിയുടെ ഇൻസ്റ്റഗ്രാം പോസ്റ്റും ഏറെ ശ്രദ്ധ നേടിയിരുന്നു. നേരത്തെ പ്രജിത്- എം രഞ്ജിത് കൂട്ടുകെട്ടിൽ, മോഹൻലാലിന് വേണ്ടി ഒരുക്കാനിരുന്ന ബെൻസ് വാസു എന്ന കഥാപാത്രത്തെ അടിസ്ഥാനപ്പെടുത്തിയാവാം ഈ തരുൺ മൂർത്തി ചിത്രമെന്നും ചില റിപ്പോർട്ടുകൾ പ്രചരിക്കുന്നുണ്ട്.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.