മലയാള സിനിമാ പ്രേക്ഷകർ ആകാംഷയോടെ കാത്തിരുന്ന മോഹൻലാൽ- ജീത്തു ജോസഫ് ചിത്രം ദൃശ്യം 2 ന്റെ ഔദ്യോഗിക പ്രഖ്യാപനവും അതിന്റെ ഒഫീഷ്യൽ ടൈറ്റിൽ വീഡിയോ ലോഞ്ചും ഇന്ന് നടന്നു. നായകൻ മോഹൻലാൽ, സംവിധായകൻ ജീത്തു ജോസഫ് എന്നിവർ തങ്ങളുടെ സോഷ്യൽ മീഡിയ പേജുകളിലൂടെയാണ് ദൃശ്യം 2 ന്റെ ടൈറ്റിൽ വീഡിയോ പുറത്തു വിട്ടത്. ദൃശ്യം എന്ന ചിത്രത്തിന്റെ കഥ നിർത്തിയിടത്തു നിന്നാണ് ഈ ചിത്രം തുടങ്ങുകയെന്നാണ് ടൈറ്റിൽ വീഡിയോ നമ്മുക്ക് നൽകുന്ന സൂചന. ജോര്ജുകുട്ടിക്കും കുടുംബത്തിനും പിന്നീട് എന്ത് സംഭവിച്ചു എന്നും ആദ്യ ഭാഗത്തിൽ കണ്ടുപിടിക്കപെടാത്ത അവരുടെ കുറ്റകൃത്യം കണ്ടുപിടിക്കപ്പെടുമോ എന്നുമാണ് ഈ രണ്ടാം ഭാഗത്തിൽ ആവിഷ്കരിക്കുക എന്നാണ് റിപ്പോർട്ടുകൾ പറയുന്നത്. ഏതായാലും ചിത്രത്തിന്റെ ടൈറ്റിൽ വീഡിയോ വമ്പൻ പ്രേക്ഷക ശ്രദ്ധയാണ് നേടുന്നത്.
മോഹൻലാലിന്റെ അറുപതാം പിറന്നാൾ ദിനത്തിൽ പ്രഖ്യാപിക്കപ്പെട്ട ഈ ചിത്രത്തിലാവും മോഹൻലാൽ ഇനി അഭിനയിക്കുക. ഇത് പൂർത്തിയാക്കിയിട്ടാണ് ജീത്തു ജോസഫിന്റെ തന്നെ റാം എന്ന ചിത്രവും മോഹൻലാൽ പൂർത്തിയാക്കുക. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം അറുപതു ദിവസത്തെ ഒറ്റ ഷെഡ്യൂളിൽ പൂർത്തിയാവും. കേരളത്തിൽ മാത്രം ഷൂട്ട് ചെയ്യുന്ന ഈ സിനിമ ഈ വർഷം തന്നെ തീയേറ്ററുകളിൽ എത്തുമെന്നാണ് സൂചന. മലയാള സിനിമയിലെ ആദ്യ അമ്പതു കോടി കളക്ഷൻ നേടിയ ചിത്രമായ ദൃശ്യം ആറു ഭാഷകളിലേക്ക് പിന്നീട് റീമേക് ചെയ്തിരുന്നു. മോഹൻലാലിനൊപ്പം മീന, അൻസിബ, എസ്തർ തുടങ്ങിയവരും ഈ രണ്ടാം ഭാഗത്തിൽ ഉണ്ടാകുമെന്നാണ് വിവരം. ഏതായാലും ആദ്യ ഭാഗം നേടിയ ചരിത്ര വിജയം രണ്ടാം ഭാഗവും നേടുമോ എന്നറിയാനുള്ള ആകാംക്ഷയിലാണ് പ്രേക്ഷകർ.
2025 തുടക്കം തന്നെ ഗംഭീരമാക്കി ടോവിനോ തോമസ് ചിത്രം 'ഐഡന്റിറ്റി' ബോക്സ് ഓഫീസിൽ ഹിറ്റ് ലിസ്റ്റിൽ ഇടം നേടുന്നു. അഖിൽ…
സിനിമാലോകം ആകാംഷയോടെ കാത്തിരിക്കുന്ന ചിയാൻ വിക്രം ചിത്രം വീര ധീര ശൂരനിലെ ആദ്യ ഗാനം കല്ലൂരം റിലീസായി. ചിയാൻ വിക്രമും…
ആരാണ് 'ബെസ്റ്റി'? ആരാന്റെ ചോറ്റുപാത്രത്തില് കയ്യിട്ടുവാരുന്ന ആളാണെന്ന് ഒരു കൂട്ടര്. ജീവിതത്തില് ഒരു ബെസ്റ്റി ഉണ്ടെങ്കില് വലിയ സമാധാനമാണെന്ന് മറ്റുചിലര്.…
ആസിഫ് അലിയെ നായകനാക്കി ജോഫിൻ റ്റി ചാക്കോ ഒരുക്കിയ രേഖാചിത്രം ഗംഭീര പ്രേക്ഷക പ്രതികരണം നേടി പ്രദർശനം തുടരുകയാണ്. മമ്മൂട്ടി…
ആസിഫ് അലിയെ നായകനാക്കി ജോഫിൻ ടി ചാക്കോ സംവിധാനം നിർവഹിച്ച 'രേഖാചിത്രം' ഗംഭീര പ്രതികരണങ്ങളുമായി പ്രദർശനം തുടരുന്നു. കാവ്യ ഫിലിം…
തെലുങ്ക് താരം ബെല്ലംകൊണ്ട സായ് ശ്രീനിവാസിനെ നായകനാക്കി നവാഗതനായ ലുധീർ ബൈറെഡ്ഡി സംവിധാനം ചെയ്യുന്ന ചിത്രത്തിന്റെ ടൈറ്റിൽ പുറത്ത്. "ഹൈന്ദവ"…
This website uses cookies.