കംപ്ലീറ്റ് ആക്ടർ മോഹൻലാൽ നായകനായി എത്തുന്ന മാസ്സ് മസാല എന്റെർറ്റൈനെർ ചിത്രമാണ് ആറാട്ട്;. കഴിഞ്ഞ മൂന്നു ദിവസമായി ഈ ചിത്രത്തിന്റെ ട്രൈലെർ ആണ് സോഷ്യൽ മീഡിയയിൽ തരംഗമായി നിൽക്കുന്നത്. മലയാള സിനിമാ പ്രേമികളും മോഹൻലാൽ ആരാധകരും ഏറെ പ്രതീക്ഷയോടെ കാത്തിരിക്കുന്ന ഈ ചിത്രം രചിച്ചത് ഉദയ കൃഷ്ണയും സംവിധാനം ചെയ്തത് ബി ഉണ്ണികൃഷ്ണനും ആണ്. ബി ഉണ്ണികൃഷ്ണൻ തന്നെയാണ് ഈ ചിത്രത്തിന്റെ നിർമ്മാതാക്കളിൽ ഒരാളും. ഇപ്പോഴിതാ ഈ മാസ്സ് ചിത്രത്തിന്റെ റിലീസ് ഡേറ്റ് ഒഫീഷ്യൽ ആയി തന്നെ പ്രഖ്യാപിച്ചിരിക്കുകയാണ്. വരുന്ന ഫെബ്രുവരി പതിനെട്ടിന് ആണ് ആറാട്ട് ലോകം മുഴുവൻ റിലീസ് ചെയ്യുക. കേരളത്തിലെ അഞ്ഞൂറിലധികം സ്ക്രീനുകളിൽ ഈ ചിത്രം റിലീസ് ചെയ്യുമെന്നുള്ള റിപ്പോർട്ടുകളാണ് ലഭിക്കുന്നത്.
ഈ ചിത്രത്തിന്റെ പോസ്റ്ററുകൾ, ടീസർ, പ്രൊമോഷൻ വീഡിയോ, ട്രൈലെർ എന്നിവയെല്ലാം സൂപ്പർ ഹിറ്റാണ് എന്ന് മാത്രമല്ല, സോഷ്യൽ മീഡിയയിൽ പല പല റെക്കോർഡുകളും സൃഷ്ടിക്കുകയും. മരക്കാർ കഴിഞ്ഞാൽ ഏറ്റവും വലിയ ഓവർസീസ് റൈറ്റ്സ് നേടിയെടുത്ത മലയാള ചിത്രം കൂടിയാണ് ആറാട്ട്. പതിനാലു കോടിയാണ് മരക്കാർ നേടിയ ഓവർസീസ് റൈറ്റ്സ് എങ്കിൽ എട്ടു കോടിയാണ് ആറാട്ട് നേടിയത്. അതുപോലെ ഇരുപത്തിരണ്ടു കോടി സാറ്റലൈറ്റ് റൈറ്റ്സ് നേടി ഒന്നാമതുള്ള മരക്കാരിനു പിന്നിലായി 12 കോടി സാറ്റലൈറ്റ് റൈറ്റ്സ് നേടി ആറാട്ട് രണ്ടാമത് എത്തിയിട്ടുണ്ട്. തെന്നിന്ത്യന് സൂപ്പര് താരം ശ്രദ്ധ ശ്രീനാഥ് നായികാ വേഷം ചെയ്യുന്ന ഈ ചിത്രത്തിൽ നെടുമുടി വേണു, സായ്കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, രാഘവന്, നന്ദു, ബിജു പപ്പന്, ഷീല, സ്വാസിക, മാളവിക, രചന നാരായണന്കുട്ടി തുടങ്ങി ഒരു വലിയ താരനിര അഭിനയിച്ചിരിക്കുന്നു. രാഹുൽ രാജ് സംഗീതമൊരുക്കിയ ഈ ചിത്രം എഡിറ്റ് ചെയ്തത് ഷമീർ മുഹമ്മദ് ആണ്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.