കംപ്ലീറ്റ് ആക്ടർ മോഹൻലാലിന്റെ നായകനാക്കി ജീത്തു ജോസഫ് ഒരുക്കുന്ന പുതിയ ചിത്രമാണ് ദൃശ്യം 2 . മലയാളത്തിന്റെ ആദ്യത്തെ അമ്പതു കോടി കളക്ഷൻ നേടിയ ചിത്രമായ ദൃശ്യത്തിന്റെ രണ്ടാം ഭാഗമാണ് ദൃശ്യം 2. ഒന്നാം ഭാഗം റിലീസ് ചെയ്തു ഏഴു വർഷത്തിന് ശേഷമാണു ഇപ്പോൾ ഇതിന്റെ രണ്ടാം ഭാഗം ഒരുക്കിയിരിക്കുന്നത്. ഷൂട്ടിംഗ് പൂർത്തിയായ ഈ ചിത്രം അടുത്ത വർഷം വിഷുവിനു റിലീസ് ചെയ്യാനുള്ള പ്ലാനിലാണ് അണിയറ പ്രവർത്തകർ. മോഹൻലാലിനൊപ്പം ആദ്യ ഭാഗത്തിൽ അഭിനയിച്ച മീന, എസ്തർ, അൻസിബ, സിദ്ദിഖ്, ആശ ശരത്, ആന്റണി പെരുമ്പാവൂർ എന്നിവരും ഈ രണ്ടാം ഭാഗത്തിലുണ്ട്. ദൃശ്യം 2 അടുത്ത വർഷം റിലീസ് ചെയ്യുന്നതോടെ ഒരപൂർവ നേട്ടമാണ് മോഹൻലാൽ- മീന ജോഡിയെ കാത്തിരിക്കുന്നത്. തുടർച്ചയായ നാല് പതിറ്റാണ്ടുകളിൽ നായികയും നായികയുമായി അഭിനയിച്ച താരങ്ങളെന്ന നേട്ടത്തിനാണ് ഇതിന്റെ റിലീസോടെ ഇരുവരും അർഹരാവുക. 1990 – 2000 കാലഘട്ടത്തിൽ വർണ്ണപകിട്ടു (1997), ഒളിമ്പ്യൻ അന്തോണി ആദം (1999) എന്നീ ചിത്രങ്ങളിൽ ആണ് ഇവർ നായികാ-നായകന്മാരായി എത്തിയത്.
2000 – 2010 കാലഘട്ടത്തിൽ മിസ്റ്റർ ബ്രഹ്മചാരി (2003), നാട്ടുരാജാവ് (2004), ഉദയനാണു താരം (2005), ചന്ദ്രോത്സവം (2005) എന്നീ ചിത്രങ്ങളിൽ ഇരുവരും ഒന്നിച്ചഭിനയിച്ചു. 2010 – 2020 കാലഘട്ടത്തിൽ ഇരുവരും നായികയും നായകനുമായി പ്രത്യക്ഷപ്പെട്ടത് ദൃശ്യം (2013), മുന്തിരി വള്ളികൾ തളിർക്കുമ്പോൾ (2017) എന്നീ ചിത്രങ്ങളിലാണ്. അടുത്ത വർഷം ദൃശ്യം 2 എത്തുന്നതോടെ 2020 – 2030 പതിറ്റാണ്ടിലും ഇവരുടെ ഒരു ചിത്രമെത്തുമെന്നുറപ്പായി കഴിഞ്ഞു. ഇതുവരെ ഇവരുടെ എട്ടു ചിത്രങ്ങൾ റിലീസ് ചെയ്തപ്പോൾ അതിൽ ആറും ബോക്സ് ഓഫീസിൽ വിജയം നേടിയെടുത്തു. ഒളിമ്പ്യൻ അന്തോണി ആദം, ചന്ദ്രോത്സവം എന്നിവയാണ് തീയേറ്റേറ്റിൽ വിജയം നേടാതെ പോയ ചിത്രങ്ങളെങ്കിലും മിനി സ്ക്രീനിൽ വലിയ പ്രേക്ഷക പിന്തുണ നേടിയ ചിത്രങ്ങളാണ് അവയും. ഏതായാലും ഇവരുടെ ഒൻപതാം റിലീസും വമ്പൻ വിജയം നേടുമെന്ന പ്രതീക്ഷയിലാണ് പ്രേക്ഷകർ. ദൃശ്യം എന്ന ചിത്രം ഇൻഡസ്ട്രി ഹിറ്റായി മാറിയത് പോലെ അതിന്റെ രണ്ടാം ഭാഗവും ഈ ഭാഗ്യ ജോഡിക്കു ചരിത്ര നേട്ടം സമ്മാനിക്കുമോ എന്നറിയാനുള്ള ആകാംക്ഷയിലാണ് ആരാധകർ.
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
യുവതാരം ആസിഫ് അലിയെ നായകനാക്കി രോഹിത് വി എസ് ഒരുക്കുന്ന ടിക്കി ടാക്ക എന്ന ചിത്രത്തിന്റെ ഷൂട്ടിംഗ് പുനരാരംഭിക്കുന്നു. കള,…
കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ പ്രചരിക്കുന്ന ഒരു വാർത്തയാണ് മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന എമ്പുരാൻ എന്ന…
ഇത്തവണ ഓണം റിലീസായി 4 ചിത്രങ്ങളാണ് പ്രധാനമായും പ്രേക്ഷകരുടെ മുന്നിലെത്തിയത്. നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം,…
This website uses cookies.