ടോവിനോ തോമസ് നായകനായ അജയന്റെ രണ്ടാം മോഷണം എന്ന ബ്രഹ്മാണ്ഡ ചിത്രം, സെപ്റ്റംബർ 12 വ്യാഴാഴ്ച പ്രേക്ഷകരുടെ മുന്നിലെത്തുകയാണ്. മൂന്ന് കാലഘട്ടങ്ങളുടെ പശ്ചാത്തലത്തിൽ കഥ പറയുന്ന ഈ ഫാന്റസി ആക്ഷൻ ഡ്രാമ ചിത്രത്തിൽ അജയൻ, മണിയൻ, കുഞ്ഞിക്കേളു എന്നീ മൂന്ന് കഥാപാത്രങ്ങളായാണ് ടോവിനോ തോമസ് അഭിനയിക്കുന്നത്. ഇപ്പോഴിതാ ഈ ചിത്രത്തിൽ മലയാളത്തിന്റെ മെഗാ താരം മോഹൻലാലും ഉണ്ടെന്നുള്ള വിവരമാണ് അണിയറ പ്രവർത്തകർ പുറത്ത് വിട്ടിരിക്കുന്നത്.
തന്റെ ശബ്ദത്തിലൂടെയാണ് മോഹൻലാൽ ഈ ചിത്രത്തിൽ സാന്നിധ്യം അറിയിക്കുന്നത്. ഈ ചിത്രത്തിലെ ദൈവതുല്യനായ ഒരു കോസ്മിക് ക്രിയേറ്റർ കഥാപാത്രത്തിനുള്ള ശബ്ദമാണ് മോഹൻലാൽ നൽകിയിരിക്കുന്നത്. മോഹൻലാലും തന്റെ ശബ്ദത്തിലൂടെ ചിത്രത്തിന്റെ ഭാഗമാകുന്നു എന്ന വാർത്ത വന്നതോടെ മലയാള സിനിമാ പ്രേമികളും ആരാധകരും ആവേശത്തിലാണ്. ഈ മാസ്സ് എന്റെർറ്റൈനെർ ചിത്രത്തിന് വമ്പൻ വരവേൽപ്പ് നൽകാനുള്ള തയ്യാറെടുപ്പിലാണ് അവർ.
ടു ഡി, ത്രീഡി ഫോര്മാറ്റുകളിലായാണ് അജയന്റെ രണ്ടാം മോഷണം പ്രേക്ഷകരുടെ മുന്നിലെത്തുക. പാൻ ഇന്ത്യൻ റിലീസായി മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ റിലീസ് ചെയ്യുന്ന ഈ ചിത്രം സംവിധാനം ചെയ്തിരിക്കുന്നത് നവാഗതനായ ജിതിൻ ലാൽ ആണ്. സുജിത് നമ്പ്യാർ തിരക്കഥ രചിച്ച ഈ ചിത്രം നിർമ്മിച്ചിരിക്കുന്നത് മാജിക് ഫ്രെയിംസ്, യു.ജി.എം മോഷൻ പിക്ചേഴ്സ് എന്നീ ബാനറുകളിൽ ലിസ്റ്റിൻ സ്റ്റീഫൻ, ഡോ. സക്കറിയ തോമസ് എന്നിവർ ചേർന്നാണ്. ടോവിനോക്ക് പുറമെ കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി, ബേസിൽ ജോസഫ്, ജഗദീഷ്, ഹരീഷ് ഉത്തമൻ, ഹരീഷ് പേരടി, പ്രമോദ് ഷെട്ടി, രോഹിണി എന്നിവരും ചിത്രത്തിന്റെ താരനിരയിലുണ്ട്
പ്രശസ്ത മലയാള നടി കവിയൂര് പൊന്നമ്മ ആശുപത്രിയിൽ. അതീവ ഗുരുതരാവസ്ഥയില് ആണ് നടി ആശുപത്രിയിൽ തുടരുന്നതെന്നാണ് വാർത്തകൾ വരുന്നത്. വാര്ധക്യ…
പ്രശസ്ത ഓസ്ട്രേലിയൻ ക്രിക്കറ്റ് താരം ഡേവിഡ് വാർണർ ഇന്ത്യക്കാർക്കും ഏറെ പ്രിയങ്കരനാണ്. തന്റെ സോഷ്യൽ മീഡിയ പേജിലൂടെ ഇന്ത്യൻ ഗാനങ്ങൾക്കും…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. അമൽ നീരദ്…
മലയാള സിനിമ കണ്ട എക്കാലത്തേയും ഏറ്റവും മികച്ച അഭിനേത്രി എന്ന് കരുതപ്പെടുന്ന നടിയാണ് ഉർവശി. മോഹൻലാൽ, മമ്മൂട്ടി എന്നിവർക്ക് ശേഷം…
ദിൻജിത് അയ്യത്താൻ സംവിധാനം ചെയ്ത ആസിഫ് അലി ചിത്രമായ കിഷ്കിന്ധാ കാണ്ഡം ബോക്സ് ഓഫീസിലെ മിന്നും പ്രകടനം തുടരുകയാണ്. ജിസ്…
ടോവിനോ തോമസിന്റെ കരിയറിലെ ഏറ്റവും മികച്ച ബോക്സ് ഓഫീസ് ഹിറ്റും ഏറ്റവും മികച്ച പെർഫോമൻസുമായി അജയന്റെ രണ്ടാം മോഷണം മുന്നേറുകയാണ്.…
This website uses cookies.