മോഹൻലാലിന് പുതിയ താരപ്പട്ടം; നൽകിയത് സൗത്ത് ഇന്ത്യൻ ഇന്റർനാഷണൽ മൂവി അവാർഡ്..!

ഇന്ത്യൻ സിനിമയുടെ കംപ്ലീറ്റ് ആക്ടർ ആയ മോഹൻലാൽ അഭിനയത്തിന്റെ കാര്യത്തിൽ ആയാലും ബോക്സ് ഓഫീസ് റെക്കോർഡുകൾ സൃഷ്ടിക്കുന്ന കാര്യത്തിൽ ആയാലും മലയാള സിനിമയിൽ അതിരും എതിരും ഇല്ലാതെ നിൽക്കുന്ന താരമാണ്. ഇപ്പോഴിതാ മലയാള സിനിമയുടെ ഈ താരത്തിനു പുതിയ പട്ടം കൂടി ചാർത്തപ്പെട്ടിരിക്കുകയാണ്. സൗത്ത് ഇന്ത്യൻ ഇന്റർനാഷണൽ മൂവി അവാർഡ് ആണ് മോഹൻലാലിന് പുതിയ വിളിപ്പേര് ചാർത്തി നൽകിയത്. മലയാള സിനിമയുടെ ദൈവം ആണ് മോഹൻലാൽ എന്ന് പറഞ്ഞ അവർ മോഹൻലാലിനെ വിശേഷിപ്പിക്കുന്നത് എവർഗ്രീൻ ബ്ലോക്ക്ബസ്റ്റർ സ്റ്റാർ എന്നാണ്. മലയാള സിനിമയിലെ ഏറ്റവും വലിയ ഹിറ്റുകൾ ആയ പുലി മുരുകനും ലൂസിഫറും മോഹൻലാലിന്റെ പേരിലാണ്.

ഈ വർഷത്തെ സിമ്മ അവാർഡ് വേദിയിൽ ഗസ്റ് ഓഫ് ഹോണർ ആയി ആണ് മോഹൻലാലിനെ ക്ഷണിച്ചിരിക്കുന്നത്. മോഹൻലാൽ കൂടാതെ മെഗാ സ്റ്റാർ ചിരഞ്ജീവിയും ഗസ്റ്റ് ഓഫ് ഹോണർ ആയി ഉണ്ടാകും. തമിഴ്, മലയാളം സിനിമകൾക്ക് അവാർഡുകൾ നൽകുന്ന ഓഗസ്റ്റ് പതിനാറിന് ആണ് മോഹൻലാൽ എത്തുന്നത് എങ്കിൽ, തെലുങ്ക്, കന്നഡ സിനിമകൾക്ക് അവാർഡ് നൽകുന്ന ഓഗസ്റ്റ് പതിനഞ്ചിനു ആണ് ചിരഞ്ജീവി എത്തുക. ഖത്തറിൽ വെച്ചാണ് ഇത്തവണ സൗത്ത് ഇന്ത്യൻ ഇന്റർനാഷണൽ അവാർഡ് ദാന ചടങ്ങു നടക്കുക