മലയാളത്തിന്റെ മഹാനടൻ മോഹൻലാൽ ഇന്ന് ഇന്ത്യൻ സിനിമയിലെ ഏറ്റവും വലിയ താരങ്ങളിൽ ഒരാളാണ്. തെന്നിന്ത്യൻ സിനിമയിലെ ഏറ്റവും വലിയ താരങ്ങളുടെ പട്ടികയിൽ തന്നെ മുൻപന്തിയിലുള്ള മോഹൻലാലിന്റെ താരമൂല്യം, ഇന്ന് മലയാള സിനിമയ്ക്കു സ്വപ്നം കാണാവുന്നതിനും അപ്പുറത്തേക്കാണ് വളരുന്നത്. അദ്ദേഹത്തിന്റെ പുതിയ റിലീസ് ആയ ദൃശ്യം 2 നേടിയ മഹാവിജയം, ഇന്ത്യ മുഴുവനും ഇന്ത്യക്കു പുറത്തും മോഹൻലാൽ എന്ന നടനും താരത്തിനും നേടിക്കൊടുത്ത ജനപ്രീതിയും ആരാധക വൃന്ദവും വളരെ വലുതാണ്. ഇപ്പോഴിതാ മോഹൻലാൽ എന്ന നടന്റെ ഡേറ്റിനു വേണ്ടി മലയാള സിനിമ മാത്രമല്ല, മറ്റു സിനിമാ ഇന്ഡസ്ട്രികളും കാത്തിരിക്കുകയാണ്. പ്രഭാസ് നായകനായ ബ്രഹ്മാണ്ഡ ചിത്രം സലാറിലേക്കു മോഹൻലാലിനെ ക്ഷണിച്ചിരുന്നെങ്കിലും അദ്ദേഹത്തിന്റെ തിരക്കുകൾ മൂലം അതിന്റെ ഭാഗമാകാൻ സാധിച്ചില്ല. അതിനു ശേഷം അല്ലു അർജുൻ- കൊരടാല ശിവ ടീമിന്റെ ചിത്രത്തിലേക്കും മോഹൻലാലിനെ ലഭിക്കാനുള്ള ശ്രമങ്ങൾ അവർ തുടരുകയാണ്. ഇപ്പോൾ വരുന്ന വാർത്തകൾ അനുസരിച്ചു, പ്രശസ്ത ഹോളിവുഡ് സീരിസായ ബോൺ സീരിസിൽ നിന്ന് പ്രചോദനമുൾക്കൊണ്ട് നിർമ്മിക്കുന്ന തെലുങ്കു ചിത്രത്തിൽ അഭിനയിക്കാൻ മോഹൻലാലിനെ സമീപിച്ചിരിക്കുകയാണ് തെലുങ്ക് സംവിധായകനായ സുരീന്ദർ റെഡ്ഢി.
അനിൽ സുങ്കര നിർമ്മിക്കുന്ന ഈ ബിഗ് ബഡ്ജറ്റ് ചിത്രത്തിൽ മോഹൻലാലിനൊപ്പം തെലുങ്കിലെ യുവ താരമായ അഖിൽ അക്കിനേനിയും അഭിനയിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇരുവരും ചാരന്മാർ ആയാണ് ഈ ചിത്രത്തിൽ പ്രത്യക്ഷപ്പെടുക എന്നും ഒരുപാട് ലൊക്കേഷനുകളിലായി ഷൂട്ട് ചെയ്യാൻ ഉദ്ദേശിക്കുന്ന ഈ ചിത്രത്തിന്റെ പ്രീ-പ്രൊഡക്ഷൻ ജോലികൾ ആരംഭിക്കാൻ പോവുകയാണെന്നും വാർത്തകൾ പറയുന്നു. ചിത്രത്തിന്റെ കഥ ഇഷ്ടമായെങ്കിലും തന്റെ തിരക്കുകൾ മൂലം മോഹൻലാൽ ഇതുവരെ അഭിനയിക്കാൻ സമ്മതം മൂളിയിട്ടില്ല എന്നാണറിവ്. തന്റെ ആദ്യ സംവിധാന സംരംഭമായ ബറോസ് ഒരുക്കുന്നതിന്റെ തിരക്കിലാണ് മോഹൻലാൽ ഇപ്പോൾ. അതിനു ശേഷം ജീത്തു ജോസഫ് ഒരുക്കുന്ന റാം, പൃഥ്വിരാജ് ഒരുക്കുന്ന എമ്പുരാൻ തുടങ്ങി ഒട്ടേറെ വമ്പൻ ചിത്രങ്ങളാണ് മോഹൻലാൽ നായകനായി മലയാളത്തിൽ ഒരുങ്ങുന്നത്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.