ഭീഷ്മ പര്‍വ്വത്തിന് ടിക്കറ്റ് കിട്ടിയില്ല; നിരാശയോടെ ആറാടുകയാണ് ആരാധകന്‍..!

മോഹൻലാൽ ചിത്രമായ ആറാട്ടിനു തന്റെ അഭിപ്രായം പങ്കു വെച്ച സന്തോഷ് വർക്കി എന്ന ആരാധകൻ സോഷ്യൽ മീഡിയയിൽ വൈറൽ ആയിരുന്നു. ഒരു പ്രത്യേക രീതിയിൽ തന്റെ അഭിപ്രായം പങ്കു വെച്ചാണ് അദ്ദേഹം ശ്രദ്ധേയനായത്. അതിന്റെ പേരിൽ കുറെ ട്രോളുകൾക്ക് അദ്ദേഹം വിധേയനായി എങ്കിലും, പിന്നീട് ഒരു വ്യക്തി എന്ന നിലയിൽ അദ്ദേഹം സ്വന്തമാക്കിയ വിദ്യാഭ്യാസപരമായ നേട്ടങ്ങളും മറ്റും പുറത്തു വന്നതോടെ അദ്ദേഹത്തിന്റെ വാക്കുകൾക്ക് ഒരു ആരാധകന്റെ വാക്കുകൾ എന്നതിലുപരി ഉള്ള വിലയും കൈവന്നിട്ടുണ്ട്. ഒരു മോഹൻലാൽ ആരാധകൻ ആണെങ്കിലും താൻ എല്ലാവരുടെയും ചിത്രങ്ങൾ കാണുകയും നല്ലതാണെങ്കിൽ അത് തുറന്ന് പറയുകയും ചെയ്യുമെന്നും സന്തോഷ് പറഞ്ഞിട്ടുണ്ട്. മമ്മൂട്ടി നായകനായ ഭീഷ്മ പർവം താൻ ആദ്യ ദിനം തന്നെ കാണുമെന്നും അഭിപ്രായം പറയുമെന്നും അദ്ദേഹം അറിയിച്ചിരുന്നു.

എന്നാൽ ഇന്നലെ ചിത്രം കാണാൻ പോയപ്പോൾ, അല്പം വൈകി പോയത് കൊണ്ട് തന്നെ, സന്തോഷിന് ടിക്കറ്റ് കിട്ടിയില്ല. അതിന്റെ നിരാശയിൽ ആണ് താനെന്നു സൂചിപ്പിക്കുന്ന സന്തോഷിന്റെ വീഡിയോ ഇപ്പോൾ ശ്രദ്ധ നേടുകയാണ്. “ആദ്യ ഷോ കാണാന്‍ എത്തിയതാണ്, എന്നാല്‍ ടിക്കറ്റ് കിട്ടിയില്ല, നിരാശയുണ്ട്. സിനിമ കാണും, അഭിപ്രായം പറയും. മമ്മൂട്ടി തകര്‍ക്കും” എന്നാണ് സന്തോഷ് പറയുന്നത്. അമൽ നീരദ് ഒരുക്കിയ ഭീഷ്മ പർവം നല്ല പ്രതികരണം ആണ് നേടുന്നത്. മെഗാ സ്റ്റാർ ആരാധകർക്ക് ഏറെ സന്തോഷം നൽകുന്നുണ്ട് ഈ മാസ്സ് ചിത്രം. അമൽ നീരദ് തന്നെ നിർമ്മിക്കുകയും ചെയ്ത ഈ ചിത്രം രചിച്ചത് അദ്ദേഹവും നവാഗതനായ ദേവദത് ഷാജിയും ചേർന്നാണ്. മികച്ച കലക്ഷൻ ആണ് ഇപ്പോൾ ഈ ചിത്രം നേടുന്നത്.

ഫോട്ടോ കടപ്പാട്: KERALA VISION

https://youtu.be/EpdYNeXXBEE?t=541