മലയാളികളുടെ എക്കാലത്തെയും പ്രിയപ്പെട്ട കൂട്ടുകെട്ട് മോഹൻലാൽ- രഞ്ജിത് ടീം വീണ്ടും എത്തുകയാണ്. ബിലാത്തിക്കഥ എന്ന ചിത്രത്തിനായാണ് ഇരുവരും വീണ്ടുമൊന്നിക്കുന്നത്. ചിത്രത്തിനായി മോഹൻലാൽ 45ഓളം ദിവസം മാറ്റിവച്ചിരിക്കുകയാണ്. ചിത്രത്തിന്റെ ഷൂട്ടിങ് മെയ് പത്തിന് ലണ്ടനിൽ വെച്ച് ആരംഭിക്കുന്നതാണ്. മെയ് 10 മുതൽ ജൂൺ 25 വരെ നീളുന്ന 45 ദിവസങ്ങൾ ആണ് മോഹൻലാൽ ഈ ചിത്രത്തിനായി നൽകിയിരിക്കുന്നത്. പ്രശസ്ത രചയിതാവ് സേതുവാണ് ചിത്രത്തിന്റെ തിരക്കഥയൊരുക്കുന്നത്. ലില്ലി പാഡ് മോഷൻ പിക്ചേഴ്സിന്റെ യും വർണ്ണചിത്ര ഗുഡ്ലൈൻ പ്രൊഡക്ഷൻസിന്റെയും ബാനറിൽ സുബൈർ എൻ. പി, എൻ. കെ. നാസർ എന്നിവർ ചേർന്നാണ് ചിത്രം നിർമ്മിക്കുന്നത്. മണിയൻപിള്ള രാജുവിന്റെ മകനായ നിരഞ്ജൻ ഈ ചിത്രത്തിൽ മോഹൻലാലിനൊപ്പം ഒരു സുപ്രധാന വേഷത്തിൽ എത്തുന്നു. അനു സിത്താര, ജ്യുവൽ മേരി,കനിഹ തുടങ്ങിയവരാണ് ചിത്രത്തിലെ നായികമാർ.
ദിലീഷ് പോത്തൻ, കലാഭവൻ ഷാജോൺ, ഷാലിൻ സോയ, എന്നിവരോടൊപ്പം സംവിധായകരായ ജോണി ആന്റണിയും ശ്യാമപ്രസാദും ചിത്രത്തിലഭിനയിക്കുന്നു. ഹരിനാരായണന്റെ വരികൾക്ക് വിനു തോമസ് ആണ് സംഗീതസംവിധാനം നിർവഹിക്കുന്നത്. രക്ഷാധികാരി ബൈജു ഒപ്പ് എന്ന ചിത്രത്തിലൂടെ പ്രശസ്തനായ ഛായാഗ്രാഹകൻ പ്രശാന്ത് രവീന്ദ്രനാണ് ഈ ചിത്രത്തിന് ഛായാഗ്രഹണം നിർവ്വഹിക്കുന്നത്. മോഹൻലാൽ രഞ്ജിത് ചിത്രം ഉണ്ടാകുമെന്ന് മുൻപുതന്നെ അഭ്യൂഹങ്ങൾ പ്രചരിച്ചിരുന്നെങ്കിലും ചിത്രത്തെ പറ്റിയുള്ള സ്ഥിതീകരണം കഴിഞ്ഞ ദിവസമായിരുന്നു ഉണ്ടായിരുന്നത്. വർണ്ണചിത്ര ഗുഡ് ലൈൻ റിലീസ് ചിത്രം ഓണത്തിന് തീയറ്ററുകളിൽ എത്തിക്കുന്നു. ഇതിനുമുൻപ് മോഹൻലാലും രഞ്ജിത്തും ഒന്നിച്ച ചിത്രം ലോഹം 2015 ഓണത്തിനായിരുന്നു തിയേറ്ററുകളിലെത്തിയത്. ചിത്രം വൻ വിജയം കരസ്ഥമാക്കിയിരുന്നു. ലോഹത്തിനു ശേഷം രഞ്ജിത്തും മോഹൻലാലും വീണ്ടും ഒന്നിക്കുമ്പോൾ ആരാധക പ്രതീക്ഷകളും വാനോളമാണ്.
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
ടോവിനോ തോമസ് നായകനായി എത്തിയ ഏറ്റവും പുതിയ ത്രീഡി ഫാന്റസി ആക്ഷൻ ചിത്രമായ അജയന്റെ രണ്ടാം മോഷണത്തിന്റെ കളക്ഷൻ ഔദ്യോഗികമായി…
ചിയോതിക്കാവിലെ മായാജാലങ്ങൾ കുട്ടികളും കുടുംബങ്ങളും ഒരുപോലെ ഏറ്റെടുത്തിരിക്കുകയാണ്. ടോവിനോ തോമസ് മൂന്ന് വ്യത്യസ്ത വേഷങ്ങളിൽ എത്തിയ 3ഡി അഡ്വെഞ്ചൻ ഫാന്റസി…
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
This website uses cookies.