ആരാധകരെ ആവേശത്തിലാക്കി ആട് തോമ വീണ്ടും വേദിയിൽ അവതരിച്ചു; മോഹൻലാലിന്റെ തകർപ്പൻ നൃത്തം കാണാം..

ആരാധകർക്ക് അക്ഷരാർത്ഥത്തിൽ ഉത്സവം തീർക്കുകയായിരുന്നു ‘അമ്മ മഴവിൽ ഷോ. ആഴ്ചകളോളം നീണ്ട റിഹേഴ്സലിനു ശേഷം സൂപ്പർതാരങ്ങൾ പ്രേക്ഷകർക്ക് മുൻപിൽ അവതരിച്ചപ്പോൾ അത് മറക്കാനാവാത്ത അനുഭവമായി മാറുകയാണ് ഉണ്ടായത്. തകർപ്പൻ നൃത്തങ്ങളുമായി മമ്മൂട്ടിയും മോഹൻലാലും എത്തുമെന്ന് നേരത്തെതന്നെ വാർത്തകളും ദൃശ്യങ്ങളും സഹിതം വന്നിരുന്നു. മോഹൻലാലിൻറെ തകർപ്പൻ പരിശീലന രംഗങ്ങളും ആരാധകർക്ക് ആവേശമാകാൻ പുറത്തുവന്നിരുന്നു. അതിനിടെയാണ്. മോഹൻലാലിന്റെ എക്കാലത്തെയും മികച്ച കഥാപാത്രങ്ങളിലൊന്നായ ആടുതോമ ആരാധകർക്ക് ആവേശം തീർത്ത് അമ്മ മഴവിൽ ഷോയിൽ വീണ്ടുമെത്തിയത്. മോഹൻലാൽ കഥാപാത്രങ്ങളിൽ ഏറ്റവുമധികം ആരാധകരുള്ള കഥാപാത്രങ്ങളിലൊന്നായാണ് ഭദ്രൻ സംവിധാനം ചെയ്ത സ്ഫടികത്തിലെ ആട് തോമയെ കണക്കാക്കുന്നത്. ആ ആട് തോമയെ വീണ്ടും നൃത്തച്ചുവടുകളുമായി പുനരാവിഷ്കരിക്കുകയായിരുന്നു ഇന്നലെ ‘അമ്മ മഴവിൽ ഷോയിൽ.

സ്ഫടികത്തിലെ മോഹൻലാലും സിൽക്ക് സ്മിതയും അവതരിപ്പിച്ച ഏഴിമല പൂഞ്ചോല എന്ന എക്കാലത്തെയും വലിയ ഹിറ്റ് ഗാനം വീണ്ടും വേദിയിൽ എത്തുകയായിരുന്നു. ആടുതോമയുടെ വേഷത്തിൽ മോഹൻലാലിൽ വീണ്ടും എത്തിയപ്പോൾ പ്രേക്ഷകർക്ക് അത് വലിയ ആവേശമായിരുന്നു. അന്ന് മോഹൻലാലിനൊപ്പം തകർപ്പൻ നൃത്തം ചെയ്ത സിൽക്ക് സ്മിതയായി ഒപ്പമെത്തിയ ഇനിയയും കൗതുകമായി. സിൽക്ക് സ്മിതയെ അവതരിപ്പിച്ച ഇനിയ കൂടി വേദിയിൽ എത്തിയപ്പോൾ പ്രേക്ഷകർക്ക് അതൊരു രസകരമായ അനുഭവമായി മാറുകയായിരുന്നു. സിൽക്ക് സ്മിതയായി ഇനിയ വളരെ രസകരമായ പ്രകടനമാണ് തന്റെ നൃത്തത്തിലൂടെ അദ്ദേഹം കാഴ്ചവച്ചത്. ഇരുവരും ഒന്നിച്ചുള്ള നൃത്തം പരിപാടിയുടെ ശ്രദ്ധാകേന്ദ്രമായി മാറുകയും ചെയ്തു.