മലയാള സിനിമയ്ക്കു ഇത് തീരാനഷ്ടം. പതിമൂന്നു വർഷം നീണ്ട സിനിമാ ജീവിതത്തിലൂടെ ഒരുപിടി ഗംഭീര ചിത്രങ്ങളുമായി പ്രേക്ഷകരെ വിസ്മയിപ്പിച്ച സച്ചി എന്ന രചയിതാവും സംവിധായകനും ഇനിയില്ല. അകാലത്തിൽ വിട പറഞ്ഞ പ്രിയ സഹപ്രവർത്തകന് ആദരാഞ്ജലികൾ അർപ്പിക്കുകയാണ് ഇപ്പോൾ മലയാള സിനിമാ ലോകവും പ്രേക്ഷകരും. മലയാള സിനിമയുടെ നെടുംതൂണുകളായ മോഹൻലാൽ, മമ്മൂട്ടി എന്നിവരും വിവരമറിഞ്ഞയുടനെ സച്ചിക്കു ആദരാഞ്ജലികളർപ്പിച്ചു കൊണ്ട് മുന്നോട്ടു വന്നു. പ്രിയപ്പെട്ട സച്ചിക്ക് ആദരാഞ്ജലികൾ. എന്ന് മോഹൻലാൽ തന്റെ സോഷ്യൽ മീഡിയ പേജിൽ കുറിച്ചപ്പോൾ, അകാലത്തിൽ അണഞ്ഞുപോയ പ്രതിഭയ്ക്ക് ആദരാഞ്ജലികൾ എന്നാണ് മമ്മൂട്ടി തന്റെ സോഷ്യൽ മീഡിയ പേജിൽ കുറിച്ച വാക്കുകൾ. ഇരുവർക്കുമൊപ്പം ഓരോ ചിത്രങ്ങളിൽ മാത്രമാണ് സച്ചി ജോലി ചെയ്തിട്ടുള്ളതെങ്കിലും ഇരുവരുമായും മികച്ച സൗഹൃദം അദ്ദേഹം കാത്തുസൂക്ഷിച്ചിരുന്നു. മോഹൻലാൽ നായകനായ റൺ ബേബി റൺ എന്ന ചിത്രത്തിലൂടെയായിരുന്നു സച്ചി സ്വതന്ത്ര രചയിതാവായി മാറിയത്.
2012 ഇൽ റിലീസ് ചെയ്ത ഈ ചിത്രം ജോഷിയാണ് സംവിധാനം ചെയ്തത്. ഒരു ഓണം റിലീസായി എത്തിയ ഈ ത്രില്ലർ ചിത്രം ആ വർഷത്തെ ഏറ്റവും വലിയ വിജയങ്ങളിൽ ഒന്നായി മാറി. മോഹൻലാലിന്റെ ഓപ്പൺ ഡേറ്റ് ഉണ്ടായിരുന്ന സച്ചി അദ്ദേഹത്തിന് വേണ്ടി മറ്റൊരു വ്യത്യസ്തമായ പ്രമേയത്തിന് വേണ്ടിയുള്ള കാത്തിരിപ്പിലായിരുന്നു. മമ്മൂട്ടിക്കൊപ്പം സച്ചി ജോലി ചെയ്യുന്നത് 2011 ഇൽ റിലീസ് ചെയ്ത ഡബിൾസ് എന്ന ചിത്രത്തിലാണ്. സോഹൻ സീനുലാൽ സംവിധാനം ചെയ്ത ഈ ചിത്രം സച്ചി- സേതു കൂട്ടുകെട്ടാണ് രചിച്ചത്. പൃഥ്വിരാജ്- സുരാജ് വെഞ്ഞാറമൂട് കൂട്ടുകെട്ടിനെ വെച്ച് സച്ചി രചിച്ച ഡ്രൈവിംഗ് ലൈസെൻസ് എന്ന സൂപ്പർ ഹിറ്റ് ചിത്രം അദ്ദേഹമാദ്യം പ്ലാൻ ചെയ്തത് മമ്മൂട്ടി- ലാൽ ടീമിനെ വെച്ചായിരുന്നു. പക്ഷെ അത് നടക്കാതെ പോയി.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.