തെന്നിന്ത്യയിലെ താര കൂട്ടായ്മ; ചിത്രങ്ങൾ കാണാം

1980 കൾ മുതൽ തെന്നിന്ത്യൻ സിനിമയിൽ സജീവമായ താരങ്ങളുടെ കൂട്ടായ്മ കഴിഞ്ഞ കുറച്ചു വർഷങ്ങൾ ആയി ഉണ്ടാവാറുണ്ട്. അതിൽ ഇപ്പോൾ സജീവമായതും ഇപ്പോഴും സൂപ്പർ താരങ്ങളായി നിൽക്കുന്നവരും ഇപ്പോൾ സജീവമല്ലാത്ത താരങ്ങളും ഉണ്ട്. അവർ എല്ലാവരും വർഷത്തിൽ ഒരു ദിവസം അവരിൽ ഓരോത്തരുടെ വീട്ടിൽ ഒന്നിച്ചു കൂടി സന്തോഷവും വിശേഷങ്ങളും പങ്കിടുന്നു. മലയാളത്തിൽ നിന്ന് മോഹൻലാൽ ആണ് എല്ലാ വർഷവും ഈ താര കൂട്ടായ്മയിലെ താരം ആവാറുള്ളത്. ജയറാമും റഹ്മാനും എല്ലാം ഈ കൂട്ടായ്മയിൽ പങ്കെടുക്കാറുണ്ട്. തമിഴ് സൂപ്പർ തരാം രജനികാന്തും കമൽ ഹാസനും എൺപതുകളിലെ നടിമാരും ഒക്കെ ഈ കൂട്ടായ്മയുടെ ഭാഗമാണ്. തെലുങ്കിൽ നിന്ന് ചിരഞ്ജീവി, വെങ്കിടേഷ്, നാഗാർജുന തുടങ്ങിയ സൂപ്പർ താരങ്ങളും പലപ്പോഴായി ഇതിന്റെ ഭാഗമായിട്ടുണ്ട്.

ഇത്തവണ തെലുങ്കു താരമായ മെഗാ സ്റ്റാർ ചിരഞ്ജീവിയുടെ ആതിഥ്യത്തിൽ ഹൈദരാബാദിൽ ഉള്ള അദ്ദേഹത്തിന്റെ പുതിയ വീട്ടിൽ ആണ് ഇവർ ഒത്തു കൂടിയത്. അവിടെ നിന്ന് മോഹൻലാൽ പങ്കു വെച്ച ചിത്രമാണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്. മെഗാ സ്റ്റാർ ചിരഞ്ജീവിക്ക് ഒപ്പമുള്ള തന്റെ ഒരു മനോഹരമായ ചിത്രമാണ് മോഹൻലാൽ പങ്കു വെച്ചത്. ഇരുവരും വളരെ അടുത്ത സുഹൃത്തുക്കൾ ആണ്. ചിരഞ്ജീവിയുടെ പുതിയ റിലീസ് ആയിരുന്ന സൈ രാ നരസിംഹ റെഡ്ഢിയുടെ മലയാളം പതിപ്പിന് ആമുഖം നൽകിയത് മോഹൻലാൽ ആയിരുന്നു. ഇവർക്കൊപ്പം റഹ്മാൻ, പ്രഭു, ശരത് കുമാർ, രാധിക ശരത് കുമാർ, അംബിക തുടങ്ങി ഒട്ടേറെ പേര് പങ്കെടുക്കുന്നുണ്ട്. പാട്ടും തമാശയും നൃത്തവുമെല്ലാമായി തങ്ങളുടെ സൗഹൃദം ഒരിക്കൽ കൂടി ഊട്ടിയുറപ്പിക്കുകയാണ് ഈ താരങ്ങൾ.