പുതിയ സിനിമയ്ക്ക് വിജയിക്ക് ലഭികുന്ന പ്രതിഫല തുക കേട്ടാല്‍ ഞെട്ടും

രജനികാന്ത് കഴിഞ്ഞാല്‍ തമിഴ് നാട്ടിനും പുറത്ത് ഏറ്റവുമധികം ആരാധകര്‍ ഉള്ള നടനാണ് വിജയ്. കേരളത്തില്‍ ഏറ്റവുമധികം ആരാധകര്‍ ഉള്ള തമിഴ് നടന്‍ കൂടെയാണ് വിജയ്. വിജയുടെ ഓരോ സിനിമയുടെ റിലീസും ആരാധകര്‍ വലിയ ആഘോഷമാക്കുകയാണ് പതിവ്.

വിജയ് ആരാധകര്‍ ഏറെ പ്രതീക്ഷയോടെ ഏറെ കാത്തിരിക്കുന്ന സിനിമയാണ് അറ്റ്ലീ സംവിധാനം ചെയ്യുന്ന മെര്‍സല്‍. തെരിയുടെ ബ്ലോക്ക്ബസ്റ്റര്‍ വിജയത്തിന് ശേഷം അറ്റ്ലീ-വിജയ് കൂട്ടുകെട്ടില്‍ ഒരുങ്ങുന്ന ചിത്രമാണിത്.

മെര്‍സലില്‍ വിജയിക്ക് ലഭിക്കുന്ന പ്രതിഫല തുക ആരെയും ഞെട്ടിക്കുന്നതാണ്. 35 കോടി രൂപ ആണത്രെ വിജയ് ഈ ചിത്രത്തിന് വേണ്ടി വാങ്ങിയത്. 130 കോടി രൂപയാണ് ചിത്രത്തിന്‍റെ മൊത്തം ബഡ്ജറ്റ്.

എആര്‍ റഹ്മാന്‍ ആണ് മെര്‍സലിന് വേണ്ടി സംഗീതം ഒരുക്കുന്നത്. കാജല്‍, സാമന്ത, നിത്യ മേനോന്‍ എന്നീ നായികമാര്‍ ഈ ചിത്രത്തില്‍ പ്രധാന വേഷത്തില്‍ എത്തുന്നു.

ശ്രീ തെണ്ട്രല്‍ ഫിലിംസ് ഒരുക്കുന്ന നൂറാമത് ചിത്രം കൂടിയാണ് മെര്‍സല്‍. തെരിയെ പോലെ ബോക്സോഫീസ് തകര്‍ക്കുന്ന ഒരു ചിത്രം ആകും ഇതെന്നാണ് അണിയറ പ്രവര്‍ത്തകരുടെ പ്രതീക്ഷകള്‍.