കുടുംബ പ്രേക്ഷകരുടെ മനസ്സ് കീഴടക്കി ഷാജിമാർ; മേരാ നാം ഷാജി വിജയ കുതിപ്പ് തുടരുന്നു..!

പ്രശസ്ത സംവിധായകൻ നാദിർഷ സംവിധാനം നിർവഹിച്ച  മേരാ നാം ഷാജി മികച്ച പ്രേക്ഷക പ്രതികരണം നേടി ബോക്സ് ഓഫീസിൽ വിജയത്തിലേക്ക് കുതിക്കുകയാണ്. ദിലീപ് പൊന്നൻ രചന  നിർവഹിച്ച ഈ ചിത്രത്തിൽ  ബിജു മേനോൻ, ആസിഫ് അലി, ബൈജു സന്തോഷ് എന്നിവർ ആണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഒരു പക്കാ ഫാമിലി കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രം കുടുബ പ്രേക്ഷകരെയാണ് ഏറ്റവും കൂടുതൽ രസിപ്പിക്കുന്നതു. യൂണിവേഴ്സൽ സിനിമയുടെ ബാനറിൽ ബി രാകേഷ്   നിർമ്മിച്ചിരിക്കുന്ന ഈ ചിത്രത്തിലെ നായികാ വേഷം  ചെയ്തിരിക്കുന്നത് നിഖില വിമൽ ആണ്. ആസിഫ് അലി, ബിജു മേനോൻ, ബൈജു വേണ്ടിവരുടെ ഗംഭീര പ്രകടനം തന്നെയാണ് ഈ ചിത്രത്തിന്റെ ഹൈലൈറ്റ്.

മൂന്നു ഷാജിമാരുടെ കഥയാണ് ഈ ചിത്രം നമ്മുടെ മുന്നിൽ അവതരിപ്പിക്കുന്നത്.  കോഴിക്കോട് ഉള്ള ഷാജി ഉസ്മാൻ  ആയി ബിജു മേനോൻ എത്തുമ്പോൾ കൊച്ചിയിൽ ഉള്ള  ഊടയ്പ് ഷാജി  ആയി ആസിഫ് അലി എത്തുന്നു. തിരുവനന്തപുരത്തുകാരൻ ഷാജി സുകുമാരൻ ആയി എത്തുന്നത് ബൈജു ആണ്. മറ്റു പ്രധാന കഥാപാത്രങ്ങളെ  അവതരിപ്പിച്ച ശ്രീനിവാസനും   സുരഭി ലക്ഷ്മിയും ധർമജനും, നിർമ്മൽ, മൈഥിലി, നവാസ്, ഗണേഷ് കുമാർ, സാദിഖ്, രഞ്ജിനി ഹരിദാസ്, ടിനി ടോം എന്നിവരും മികച്ച പ്രകടനം തന്നെ കാഴ്ച വെച്ചു. എമിൽ മുഹമ്മദ് ഒരുക്കിയ സംഗീതവും വിനോദ് ഇല്ലമ്പിളിയുടെ ദൃശ്യങ്ങളും ഈ ചിത്രത്തിന്റെ മികവിൽ നിർണ്ണായകമായി വന്നിട്ടുണ്ട്. എല്ലാത്തരം പ്രേക്ഷകരെയും  ഒരുപോലെ തൃപ്തിപ്പെടുത്താൻ കഴിയുന്ന ഘടകങ്ങൾ കോർത്തിണക്കിയ ഒരു ചിത്രമാണ് മേരാ നാം ഷാജി.