മെഗാസ്റ്റാർ മമ്മൂട്ടിയുടെ സ്റ്റൈലിഷ് ലുക്ക്; അബ്രഹാമിന്റെ സന്തതികൾ ഫസ്റ്റ് ലുക്ക് പോസ്റ്റർ ഇതാ ..

ആരാധകർ ഏറ്റവുമധികം കാത്തിരിക്കുന്ന മെഗാസ്റ്റാർ മമ്മൂട്ടി ചിത്രം അബ്രഹാമിന്റെ സന്തതികളുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. സംവിധാന സഹായിയായി വർഷങ്ങളോളം പ്രവർത്തിച്ച ഷാജി പാടൂരാണ് ചിത്രത്തിന്റെ സംവിധാനം. മാസ്സ് ലുക്കിൽ എത്തിയ പോസ്റ്റർ എന്ത് തന്നെയായാലും ആരാധകർക്ക് വലിയ ആവേശമാകുമെന്ന് ഉറപ്പാണ്. ആക്ഷന് പ്രാധാന്യം നല്കിയൊരുക്കിയ അബ്രഹാമിന്റെ സന്തതികൾ രചിച്ചിരിക്കുന്നത് സംവിധായകൻ കൂടിയായ ഹനീഫ് അദേനിയാണ്. ഹനീഫ് അദെനി സംവിധാനം ചെയ്ത ആദ്യ ചിത്രം ഗ്രേറ്റ് ഫാദറിൽ മമ്മൂട്ടി തന്നെയായിരുന്നു നായകൻ. ചിത്രം വലിയതോതിൽ ആഘോഷമായാണ് എത്തിയത്. ചിത്രം കഴിഞ്ഞ വർഷത്തെ ഏറ്റവും വലിയ പണം വാരി ചിത്രങ്ങളിലൊന്നുമായി മാറി. ആക്ഷൻ രംഗങ്ങളിലും ത്രില്ലടിപ്പിക്കുന്ന മുഹൂർത്തങ്ങളിലും പുത്തൻ അനുഭവം മലയാളികൾക്ക് നൽകാൻ ചിത്രത്തിന് കഴിഞ്ഞിരുന്നു. ആരാധക പ്രതീക്ഷയ്‌ക്കൊത്ത് ഉയരുകയും വൻ വിജയവുമായ ഗ്രേറ്റ് ഫാദറിന് ശേഷം മമ്മൂട്ടിക്കായി ഹനീഫ് അദേനി തിരക്കഥയെഴുതിയത് കൊണ്ട് തന്നെ, ആരാധകർ വലിയ പ്രതീക്ഷയിലാണ്.

ചിത്രത്തിൽ കനിഹയാണ് മമ്മൂട്ടിയുടെ . ഊഴം, കല വിപ്ലവം പ്രണയം തുടങ്ങിയ ചിത്രങ്ങളിലൂടെ ശ്രദ്ധേയനായ അൻസൺ പോൾ ചിത്രത്തിൽ സുപ്രാധാനമായ കഥാപാത്രത്തെ അവതരിപ്പിക്കുന്നു. ഗ്യാങ്‌സ്റ്റർ, ചങ്ക്സ്, ഹണീ ബീ തുടങ്ങിയ ചിത്രങ്ങളിൽ ഛായാഗ്രഹണം നിർവ്വഹിച്ച ആൽബിയാണ് അബ്രാഹാമിന്റെ സന്തതികൾക്ക് വേണ്ടിയും ക്യാമറ കൈകാര്യം ചെയ്യുന്നത്. ഗോപി സുന്ദറാണ് ചിത്രത്തിന്റെ സംഗീതം നിർവ്വഹിച്ചിരിക്കുന്നത്. ഗുഡ് വിൽ എന്റർടൈൻമെന്റിനു വേണ്ടി ടി. എൽ ജോർജ്, ജോബി ജോർജ് തുടങ്ങിയവരാണ് ചിത്രം നിർമ്മിച്ചിരിക്കുന്നത്.