മെഗാസ്റ്റാർ മമ്മൂട്ടിയുടെ പുതിയ ചിത്രം “ഉണ്ട “

വീണ്ടുമൊരു യുവ സംവിധായകന് ഒപ്പം മെഗാസ്റ്റാർ മമ്മൂട്ടി എത്തുന്നു. അനുരാഗ കരിക്കിൻ വെള്ളം ഒരുക്കിയ ഖാലിദ് റഹ്മാനൊപ്പമാണ് മെഗാസ്റ്റാർ ഇത്തവണ എത്തുന്നത്.

ബിജു മേനോൻ, ആസിഫ് അലി, രജീഷ് വിജയൻ എന്നിവരെ കേന്ദ്ര കഥാപാത്രങ്ങളാക്കി ഖാലിദ് റഹ്മാൻ ഒരുക്കിയ തന്റെ ആദ്യ സംവിധാന സംരംഭമായിരുന്നു അനുരാഗ കരിക്കിൻ വെള്ളം. പേരിലെ കൗതുകം പോലെ തന്നെ ചിത്രവും കൗതുകം ഉണർത്തുന്നതായിരുന്നു.

അനുരാഗ കരിക്കിൻ വെള്ളം എന്ന ഹിറ്റ് ചിത്രത്തിന് ശേഷം ഖാലിദ് റഹ്മാൻ ഒരുക്കുന്നതു ഒരു മമ്മൂട്ടി ചിത്രമാണ്. ‘ഉണ്ട’ എന്ന് പേരിട്ടിരിക്കുന്ന ഈ ചിത്രത്തിൻറെ പേരുപോലെ തന്നെ വൃത്യസ്ത്ഥമായിരിക്കും ചിത്രത്തിന്റെ പ്രേമേയവും.

തന്റെ ആദ്യ ചിത്രം കൊണ്ട് തന്നെ പ്രേക്ഷക പ്രശംസയും നിരൂപക പ്രശംസയും പിടിച്ചു പറ്റിയ യുവ സംവിധായകന്‍ ഖാലിദ്‌ രഹുമാനും മെഗാസ്റ്റാറും ഒന്നിക്കുമ്പോള്‍ പ്രതീക്ഷകള്‍ വാനോളം ഉയരുന്നു. ചിത്രത്തിന്റെ അണിയറ പ്രവർത്തകരെ കുറിച്ചോ മറ്റു കഥാപാത്രങ്ങളെ കുറിച്ചോ ഉള്ള വിവരങ്ങൾ ഇപ്പോൾ പുറത്തുവന്നിട്ടില്ല.

അജയ് വാസുദേവ് സംവിധാനം ചെയ്യുന്ന മാസ്റ്റർപീസ്, ശ്യാംദത് സൈനുദീൻ ഒരുക്കുന്ന സ്ട്രീറ്റ് ലൈറ്റ്സ് എന്നീ ചിത്രങ്ങളാണ് മമ്മൂട്ടിയുടെ ഉടൻ വരാനിരിക്കുന്ന റിലീസുകൾ.