ആ ഒരൊറ്റ ഡയലോഗിലൂടെ അമ്മാമ എനിക്ക് തഗ് ലൈഫ് അമ്മാമയായി മാറി എന്ന് മീര നന്ദൻ

പതിനൊന്നു വർഷം മുൻപ് മുല്ല എന്ന ചിത്രത്തിൽ ദിലീപിന്റെ നായികാ വേഷം ചെയ്തു കൊണ്ട് മലയാള സിനിമയിൽ അരങ്ങേറ്റം കുറിച്ച നടി ആണ് മീര നന്ദൻ. അതിനു ശേഷം ഒട്ടേറെ സൂപ്പർ ഹിറ്റ് മലയാള ചിത്രങ്ങളിൽ നായികാ വേഷം ചെയ്ത ഈ നടി മികച്ച ഒരു പാട്ടുകാരിയും ടെലിവിഷൻ അവതാരകയും ആണ്. ഇപ്പോഴിതാ താൻ ഇൻസ്റ്റാഗ്രാമിൽ പോസ്റ്റ് ചെയ്ത ചിത്രങ്ങൾക്കെതിരെ മോശം പറഞ്ഞു നടക്കുന്നവർക്ക് മറുപടിയുമായി എത്തിയിരിക്കുകയാണ് ഈ നടി. മാതൃഭൂമി സ്റ്റാർ ആൻഡ് സ്റ്റൈൽ മാഗസിനിൽ ആണ് മീര ഈ മറുപടി പറയുന്നത്. തന്റെ വസ്ത്രത്തിന്റെ നീളം അളക്കാന്‍ ആര്‍ക്കും സ്വാതന്ത്ര്യം കൊടുത്തിട്ടില്ലെന്നും ആള്‍ക്കാരെ ബോധ്യപ്പെടുത്താനായി ജീവിക്കാനാകില്ലെന്നും ആണ് മീര പറയുന്നത്.

പണ്ട് പുറത്ത് പോകുമ്പോള്‍ ആള്‍ക്കാര്‍ അടുത്ത് സിനിമയിലൊക്കെ കാണാറുണ്ട് കേട്ടോ, പിന്നെ ചാനലിലെ പ്രോഗ്രാം നന്നാവുന്നുണ്ട് എന്നൊക്കെയാണ് പറയുന്നത് എങ്കിൽ ഇപ്പോള്‍ എല്ലാവരും പറയുന്നത് ഇന്‍സ്റ്റാഗ്രാമില്‍ പോസ്റ്റ് ചെയ്ത ഫോട്ടോ കണ്ടുവെന്നാണ്. താൻ പോലും അറിയാതെ താനൊരു അധോലോകമായി മാറിയില്ലേ എന്നും മീര രസകരമായി പറയുന്നു. ഇന്‍സ്റ്റാഗ്രാമിലെ ചിത്രങ്ങള്‍ വലിയ ചര്‍ച്ചയായി മാറി രണ്ടു ദിവസം കഴിഞ്ഞാണ് താൻ ആ കാര്യമെല്ലാം അറിയുന്നത് എന്നും മീര പറഞ്ഞു. ആ ഫോട്ടോകള്‍ താൻ തന്റെ മാതാപിതാക്കള്‍ക്ക് അയച്ചു കൊടുത്തിരുന്നു എന്നും അവര്‍ നെഗറ്റീവൊന്നും പറഞ്ഞിരുന്നില്ല എന്നും മീര പറയുന്നു. അതിന് ശേഷമാണ് താനത് ഇൻസ്റ്റാഗ്രാമിൽ പോസ്റ്റ് ചെയ്തത് എന്നും ഓണ്‍ലൈന്‍ വാര്‍ത്തകളില്‍ താനിട്ട ഡ്രസിന്റെ നീളം കുറഞ്ഞുവെന്നാണ് പറയുന്നത് എങ്കിലും അതിന് നീളം കുറവാണെന്ന് തനിക്കു തോന്നിയിട്ടില്ല എന്ന് ഈ നടി വെളിപ്പെടുത്തി.

വാര്‍ത്തകള്‍ കണ്ട് തന്നെ അമ്മാമ വിളിച്ചിരുന്നു എന്ന് പറയുന്നു മീര. ദുബായിൽ ആയിട്ടും ആള്‍ക്കാര്‍ക്ക് പുതിയ ലോകത്തെക്കുറിച്ച് വിവരമില്ലേ എന്നും ഇവരൊക്കെ ഏത് നൂറ്റാണ്ടിലാണ് ജീവിക്കുന്നത് എന്നുമായിരുന്നു അമ്മയുടെ ചോദ്യം എന്നും അപ്പോൾ തഗ് ലൈഫ് അമ്മാമ എന്ന് പറയാനാണ് തനിക്കു തോന്നിയത് എന്നുമാണ് മീര വെളിപ്പെടുത്തുന്നത്. ആള്‍ക്കാരെ ബോധിപ്പിക്കാന്‍ വേണ്ടി തനിക്കു ജീവിക്കാന്‍ പറ്റില്ല എന്നും തന്റെ പേജില്‍ തനിക്കു ഇഷ്ടമുള്ള ചിത്രങ്ങള്‍ പോസ്റ്റ് ചെയ്യും, അതൊക്കെയാണല്ലോ ഈ സ്വാതന്ത്ര്യമെന്ന് പറയുന്നത് എന്നും കൂടി ചോദിച്ചാണ് മീര നിർത്തുന്നത്.