ബോക്സ്ഓഫീസിലും മാസ്റ്റർ ഓഫ് മാസ്സായി മാസ്റ്റർപീസ്.. ഇതുവരെ ഉള്ള ഒഫീഷ്യൽ കളക്ഷൻ പുറത്ത്

മെഗാസ്റ്റാർ മമ്മൂട്ടി നായകനായ മാസ്റ്റർപീസിന്റെ ഇതുവരെ ഉള്ള കളക്ഷൻ പുറത്ത് വിട്ടു. ചിത്രത്തിന്റെ നിർമ്മാതാക്കളായ റോയൽ സിനിമാസ് കഴിഞ്ഞ ദിവസമാണ് തങ്ങളുടെ ഒഫിഷ്യൽ ഫേസ്ബുക് പേജിലൂടെ ഈ ചിത്രത്തിന്റെ നിലവിലുള്ള കളക്ഷൻ പറഞ്ഞത്. നാൽപ്പതു കോടി രൂപയുടെ ബിസിനെസ്സ് ഈ ചിത്രം ഇതുവരെ നടത്തി എന്നാണ് റോയൽ സിനിമാസ് പുറത്തുവിട്ട ഫേസ്ബുക് പോസ്റ്റിൽ നിന്ന് വ്യെക്തമാകുന്നത്. അജയ് വാസുദേവ് സംവിധാനം ചെയ്ത മാസ്റ്റർപീസ് രചിച്ചിരിക്കുന്നത് ഉദയ കൃഷ്ണയാണ്. സി എച് മുഹമ്മദ് ആണ് ഈ ചിത്രം റോയൽ സിനിമാസിന്റെ ബാനറിൽ നിർമ്മിച്ചിരിക്കുന്നത്.

റോയൽ സിനിമാസ് ഇന്നലെ ഇട്ട ഫേസ്ബുക് പോസ്റ്റിന്റെ മലയാള രൂപം ഇങ്ങനെ , “ഞങ്ങളുടെ ആദ്യ സംരംഭമായ മാസ്റ്റർപീസ് ഇതുവരെ നാൽപ്പതു കോടി രൂപയുടെ ബിസിനെസ്സ് നടത്തിയ വിവരം സന്തോഷത്തോടെ അറിയിക്കുന്നു. ഇതുവരെ ലോകമെമ്പാടും 13000 ഷോസ് കളിച്ച ഈ ചിത്രം ഇപ്പോൾ 103 സ്‌ക്രീനുകളിൽ പ്രദർശിപ്പിക്കുന്നുണ്ട്. മലയാളത്തിലെ ആദ്യ ദിന കളക്ഷൻ റെക്കോർഡും ഷോ കൌണ്ട് റെക്കോർഡും ഉൾപ്പെടെ നേടിയ ഈ ചിത്രം കളിച്ച ലേറ്റ് നൈറ്റ് ഷോകളുടെ എണ്ണവും വളരെ വലുതായിരുന്നു. ഞങ്ങളുടെ ഈ വിജയം നിങ്ങളുടെ പിന്തുണയില്ലാതെ ഒരിക്കലും സാധ്യമാവുമായിരുന്നില്ല“. മമ്മൂട്ടിയുടെ ക്രിസ്മസ് റിലീസ് ആയാണ് മാസ്റ്റർപീസ് എത്തിയത്. ആരാധകരുടെ ആഘോഷവും ആരവങ്ങളും ഈ ചിത്രത്തിന്റെ റിലീസിന് മാറ്റ് കൂട്ടി. ഉണ്ണി മുകുന്ദൻ , മുകേഷ്, വരലക്ഷ്മി ശരത് കുമാർ, പൂനം ബജ്വ എന്നിവരും ഈ ചിത്രത്തിൽ പ്രധാന വേഷങ്ങൾ ചെയ്തിരുന്നു.