മലയാള സിനിമാ പ്രേക്ഷകർ ഏറ്റവും കൂടുതൽ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് സൂപ്പർ ഹിറ്റ് സംവിധായകൻ മാർട്ടിൻ പ്രക്കാട്ട് ഒരുക്കിയ നായാട്ട് എന്ന ചിത്രം. അടുത്ത ആഴ്ച കേരളത്തിൽ റിലീസ് ചെയ്യാൻ പോകുന്ന ഈ ചിത്രത്തിൽ കുഞ്ചാക്കോ ബോബൻ, ജോജു ജോർജ്, നിമിഷാ സജയൻ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. കുറച്ചു ദിവസങ്ങൾക്കു മുൻപ് റിലീസ് ചെയ്ത ഈ ചിത്രത്തിന്റെ ട്രൈലെർ വലിയ പ്രേക്ഷക ശ്രദ്ധയാണ് പിടിച്ചു പറ്റിയത്. മാർട്ടിൻ പ്രക്കാട്ട് എന്ന സംവിധായകൻ ഒരിക്കൽ കൂടി ബോക്സ് ഓഫീസിൽ വിജയ ചരിത്രം ആവർത്തിക്കും എന്ന പ്രതീക്ഷയിലാണ് ആരാധകരും സിനിമാ പ്രേമികളും. ബെസ്റ്റ് ആക്ടർ എന്ന മമ്മൂട്ടി ചിത്രം സംവിധാനം ചെയ്തു കൊണ്ട് പതിനൊന്നു വർഷം മുൻപാണ് മാർട്ടിൻ പ്രക്കാട്ട് അരങ്ങേറ്റം കുറിക്കുന്നത്. മികച്ച വിജയം നേടിയെടുത്ത ആ ചിത്രത്തിന് ശേഷം മാർട്ടിൻ പ്രക്കാട്ട് ഒരുക്കിയത് ദുൽഖർ സൽമാനെ നായകനാക്കി എ ബി സി ഡി എന്ന ചിത്രമാണ്. ആ ചിത്രം വലിയ രീതിയിൽ പ്രേക്ഷക പ്രീതി നേടിയെടുത്തു.
എന്നാൽ 2015 ഇൽ ദുൽഖറിനെ തന്നെ നായകനാക്കി മാർട്ടിൻ ഒരുക്കിയ ചാർളി എന്ന ചിത്രം വലിയ ബോക്സ് ഓഫീസ് വിജയത്തിനൊപ്പം നേടിയത് ഗംഭീര നിരൂപക പ്രശംസ കൂടിയാണ്. എട്ടു സംസഥാന ചലച്ചിത്ര പുരസ്കാരങ്ങളാണ് ചാർളി നേടിയെടുത്തത്. അതിൽ മികച്ച സംവിധായകനുള്ള പുരസ്കാരവും ഉൾപ്പെട്ടിരുന്നു. ചാർളിയുടെ നിർമ്മാണ പങ്കാളി കൂടിയായിരുന്ന മാർട്ടിൻ അതിനു ശേഷം ഉദാഹരണം സുജാത എന്ന മഞ്ജു വാര്യർ ചിത്രം നിർമ്മിക്കുകയാണ് ചെയ്തത്. ആ ചിത്രം പ്രേക്ഷക- നിരൂപക പ്രശംസ നേടുകയും നൂറു ദിവസത്തോളം തീയേറ്ററുകളിൽ പ്രദർശിപ്പിച്ചു മികച്ച വിജയം കൈവരിക്കുകയും ചെയ്തു. ഇപ്പോഴിതാ നാലു വർഷത്തിന് ശേഷം മാർട്ടിൻ വീണ്ടുമെത്തുമ്പോൾ പ്രതീക്ഷകൾ ഏറെയാണ്. മികച്ച ചിത്രമാകും മാർട്ടിൻ സമ്മാനിക്കുക എന്ന പ്രേക്ഷകരുടെ വിശ്വാസം തന്നെയാണ് ഈ പ്രതീക്ഷകൾക്ക് ആധാരം. ജോസെഫ് എന്ന സൂപ്പർ ഹിറ്റ് രചിച്ച ഷാഹി കബീർ രചിച്ച നായാട്ട് എന്ന ചിത്രം നിർമ്മിച്ചിരിക്കുന്നത് അയ്യപ്പനും കോശിയും എന്ന സൂപ്പർ ഹിറ്റിനു ശേഷം രഞ്ജിത്തും പി എം ശശിധരനും ചേർന്നാണ്. മാർട്ടിൻ പ്രക്കാട്ടും ഈ ചിത്രത്തിന്റെ നിർമ്മാണ പങ്കാളിയാണ്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.