എങ്ങും ഹൗസ്ഫുൾ ഷോകളുമായി മാർഗം കളി സൂപ്പർ വിജയത്തിലേക്ക്..!

ഈ കഴിഞ്ഞ വെള്ളിയാഴ്ച നമ്മുടെ മുന്നിൽ എത്തിയ മലയാള ചിത്രങ്ങളിൽ ഒന്നാണ് ബിബിൻ ജോർജ് നായക വേഷത്തിൽ എത്തിയ മാർഗം കളി, കുട്ടനാടൻ മാർപാപ്പ എന്ന കുഞ്ചാക്കോ ബോബൻ ചിത്രമൊരുക്കി കഴിഞ്ഞ വർഷം മലയാള സിനിമയിൽ അരങ്ങേറ്റം കുറിച്ച ശ്രീജിത്ത് വിജയൻ ഒരുക്കിയ ഈ ചിത്രം രചിച്ചത് ഹാസ്യ താരമായ ശശാങ്കൻ മയ്യനാട് ആണ്. ബിബിൻ ജോർജ് തന്നെ സംഭാഷണങ്ങളും രചിച്ച ഈ ചിത്രത്തിൽ നമിതാ പ്രമോദ് നായികാ വേഷത്തിൽ എത്തിയിരിക്കുന്നു. ആദ്യാവസാനം പ്രേക്ഷകരെ പൊട്ടിച്ചിരിപ്പിക്കുന്ന ഒരു കംപ്ലീറ്റ് ഫാമിലി എന്റെർറ്റൈനെർ എന്നോ റൊമാന്റിക് കോമഡി എന്നോ ഈ ചിത്രത്തെ വിശേഷിപ്പിക്കാം.

പൊട്ടിച്ചിരിയുടെ ഒരു പൂരം തന്നെ സൃഷ്ടിച്ചു കൊണ്ട് ബിബിൻ ജോർജ്, ബൈജു സന്തോഷ്, ഹാരിഷ് കണാരൻ, സിദ്ദിഖ്, ധർമജൻ ബോൾഗാട്ടി എന്നിവർ തകർത്താടിയിട്ടുണ്ട് ഈ ചിത്രത്തിൽ. പ്രേക്ഷകർ ഏവരും ഒരേ സ്വരത്തിൽ ഗംഭീരം എന്ന് പറയുന്ന ഈ ചിത്രം ഇപ്പോൾ ഹൌസ് ഫുൾ ഷോകളുമായി കേരളത്തിലെ തീയേറ്ററുകളിൽ ജനപ്രളയം സൃഷ്ടിക്കുകയാണ്. കുടുംബ പ്രേക്ഷകർ ഇരു കയ്യും നീട്ടി സ്വീകരിച്ച ഈ ചിത്രത്തെ യുവാക്കളും കുട്ടികളുമെല്ലാം കയ്യടികളോടെ ആണ് ഏറ്റു വാങ്ങുന്നത്. ഒരു പഴയ ബോംബ് കഥയ്ക്ക് ശേഷം ബിബിൻ ജോർജ് നായക വേഷത്തിൽ വന്ന ഈ ചിത്രവും ഹിറ്റായി മാറുകയാണ്. ശാന്തി കൃഷ്ണ, സുരഭി സന്തോഷ്, ഗൗരി കിഷൻ, സൗമ്യ മേനോൻ, ദിനേശ് പ്രഭാകർ, ബിന്ദു പണിക്കർ എന്നിവരും അഭിനയിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് ഗോപി സുന്ദറും ദൃശ്യങ്ങൾ നൽകിയത് അരവിന്ദ് കൃഷ്ണയും ആണ്