മലയാളത്തിന്റെ ലേഡി സൂപ്പർ സ്റ്റാർ എന്നറിയപ്പെടുന്ന നടിയാണ് മഞ്ജു വാര്യർ. ഇപ്പോൾ ഒട്ടേറെ ചിത്രങ്ങളുമായി തിരക്കിലുള്ള മഞ്ജു വാര്യർ നായികയായി ഇനി റിലീസ് ചെയ്യാനുള്ളതും ഒരുപിടി വമ്പൻ ചിത്രങ്ങളാണ്. ഇപ്പോഴിതാ തെലുങ്ക് സൂപ്പർ താരം ജൂനിയർ എൻ ടി ആറിന് ആശംസകൾ നേർന്നു കൊണ്ട് മഞ്ജു വാര്യർ മുന്നോട്ടു വന്നതാണ് ഏവരുടെയും ശ്രദ്ധ നേടുന്നത്. സിനിമാ ജീവിതത്തിന്റെ ഇരുപതു വർഷം പൂർത്തിയാക്കിയ ജൂനിയർ എൻ ടി ആറിന് തന്റെ ഇൻസ്റ്റാഗ്രാം സ്റ്റോറി വഴിയാണ് മഞ്ജു വാര്യർ ആശംസകൾ നേർന്നത്. ജൂനിയർ എൻ ടി ആറിന്റെ ചിത്രമടക്കമാണ് മഞ്ജു വാര്യരുടെ ആശംസ. 1991 ഇൽ ബ്രഹ്മർഷി വിശ്വാമിത്ര എന്ന ചിത്രത്തിലൂടെ ബാലതാരമായാണ് ജൂനിയർ എൻ ടി ആർ അരങ്ങേറ്റം കുറിച്ചത്. കഴിഞ്ഞ വർഷം അസുരൻ എന്ന ധനുഷ് ചിത്രത്തിലൂടെ തമിഴിൽ അരങ്ങേറ്റം കുറിച്ച മഞ്ജു വാര്യർ വൈകാതെ തെലുങ്കിലേക്കും എത്തുമോ എന്നറിയാനുള്ള ആകാംക്ഷയിലാണ് സിനിമാ പ്രേമികൾ. വെട്രിമാരൻ ഒരുക്കിയ അസുരൻ സൂപ്പർ ഹിറ്റായി എന്നതിന് പുറമെ അതിലെ പ്രകടനത്തിന് വലിയ പ്രേക്ഷക- നിരൂപക പ്രശംസയാണ് മഞ്ജു വാര്യർക്ക് ലഭിച്ചത്.
ഇപ്പോൾ മലയാളത്തിൽ കയറ്റം എന്ന സനൽ കുമാർ ശശിധരൻ ചിത്രത്തിന്റെ നിർമ്മാതാക്കളിൽ ഒരാളായും മഞ്ജു വാര്യർ എത്തിയിട്ടുണ്ട്. മലയാളത്തിലെ ഏറ്റവും വലിയ ചിത്രമായ, മോഹൻലാൽ നായകനായ മരക്കാർ അറബിക്കടലിന്റെ സിംഹം, സന്തോഷ് ശിവൻ സംവിധാനം ചെയ്ത ജാക്ക് ആൻഡ് ജിൽ, സനൽ കുമാർ ശശിധരന്റെ കയറ്റം, നിവിൻ പോളി നായകനായ പടവെട്ട്, സണ്ണി വെയ്ൻ നായകനായ ചതുർമുഖം, മമ്മൂട്ടി നായകനായ പ്രീസ്റ്റ് എന്നിവയാണ് മഞ്ജു അഭിനയിച്ചു റിലീസ് ചെയ്യാനുള്ള ചിത്രങ്ങൾ. ഇത് കൂടാതെ മധു വാര്യർ ഒരുക്കുന്ന ലളിതം സുന്ദരം, മഹേഷ് വെട്ടിയാർ ഒരുക്കുന്ന വെള്ളരിക്ക പട്ടണം എന്നീ ചിത്രങ്ങൾ ചിത്രീകരണത്തിലുമാണ്. ഇതിനൊപ്പം ദിനിൽ ബാബു ഒരുക്കുന്ന 9 എം എം എന്ന ചിത്രവും മഞ്ജു വാര്യർ ചെയ്യാൻ പോകുന്ന ഒരു പ്രൊജക്റ്റാണ്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.