മലയാളത്തിന്റെ ലേഡി സൂപ്പർ സ്റ്റാർ ആണ് മഞ്ജു വാര്യർ. ഇത്രയും ജനപ്രീതിയുള്ള നായികാ താരം ഇന്ന് മലയാള സിനിമയിൽ വേറെയില്ല. നായികാ പ്രാധാന്യമുള്ള ചിത്രങ്ങൾ വരെ ബോക്സ് ഓഫിസിൽ വിജയിപ്പിക്കാൻ കെൽപ്പുള്ള മഞ്ജുവിനെ കേന്ദ്ര കഥാപാത്രമാക്കി ഒട്ടേറെ മലയാള ചിത്രങ്ങൾ ആണ് അണിയറയിൽ ഒരുങ്ങുന്നത്. അതിൽ പല തരത്തിൽ ഉള്ള ചിത്രങ്ങൾ ഉണ്ട്. കോമഡി ചിത്രങ്ങളും, സീരിയസ് ആയ ചിത്രങ്ങളും, ഫീൽ ഗുഡ് ചിത്രങ്ങളും അതിൽ പെടുന്നു. ഇനി ഒരു മാസ്സ് ആക്ഷൻ ചിത്രം വന്നാൽ ചെയ്യുമോ എന്ന ചോദ്യത്തിനും മറുപടി പറയുകയാണ് ഈ താരം. ഓൺലൂകേർസ് മീഡിയയുമായി സംസാരിച്ചപ്പോഴാണ് മഞ്ജു ഈ കാര്യം പറയുന്നത്.
ആരെങ്കിലും ഒരു ആക്ഷൻ ചിത്രത്തിന്റെ കഥയുമായി വന്നാൽ ശ്രമിക്കാം എന്നാണ് മഞ്ജു പറയുന്നത്. അതോടൊപ്പം തന്നെ ഇപ്പോൾ സംവിധായകൻ ആയി അരങ്ങേറ്റം കുറിച്ച സ്വന്തം ചേട്ടൻ മധു വാര്യരോട് കൂടിയാണ് താനിത് പറയുന്നത് എന്നും മഞ്ജു വളരെ സരസമായി കൂട്ടിച്ചേർക്കുന്നുണ്ട്. മധു വാര്യർ ആദ്യമായി സംവിധാനം ചെയ്ത ചിത്രമാണ് ലളിതം സുന്ദരം. ബിജു മേനോൻ, മഞ്ജു വാര്യർ, അനു മോഹൻ, സൈജു കുറുപ്പ്, രഘുനാഥ് പാലേരി, സുധീഷ്, ദീപ്തി സതി എന്നിവർ പ്രധാന വേഷങ്ങൾ ചെയ്ത ഈ ചിത്രത്തിന്റെ പ്രചാരണാർത്ഥമാണ് മഞ്ജുവും മധുവും അതുപോലെ ചിത്രത്തിലെ ബാലതാരവും ഓൺലൂകേർസ് മീഡിയ ആയി സംസാരിച്ചത്. ഡിസ്നി പ്ലസ് ഹോട്ട് സ്റ്റാറിൽ നേരിട്ടുള്ള റിലീസ് ആയെത്തിയ ഈ ചിത്രം മഞ്ജു വാര്യർ, കൊച്ചുമോൻ എന്നിവർ ചേർന്ന് മഞ്ജു വാര്യർ പ്രൊഡക്ഷൻസ്, സെഞ്ച്വറി എന്നീ ബാനറുകളിൽ ആണ് നിർമ്മിച്ചത്. മികച്ച പ്രേക്ഷക പ്രതികരണമാണ് ഈ ചിത്രം നേടിയെടുക്കുന്നത്.
ഫോട്ടോ കടപ്പാട്: Rohith K Suresh
സോഷ്യൽ മീഡിയയിൽ തരംഗമായി മോഹൻലാൽ അഭിനയിച്ച പുതിയ പരസ്യം. ഇന്ത്യൻ പരസ്യ സംവിധാന രംഗത്തെ അതികായനും "തുടരും" സിനിമയിലെ ജോർജ്…
പ്രശസ്ത മലയാള നടി ശ്രിന്ദ സംവിധായികയായി അരങ്ങേറ്റം കുറിക്കുന്നു. സൗബിൻ ഷാഹിർ ആണ് ശ്രിന്ദ ഒരുക്കുന്ന ആദ്യ ചിത്രത്തിലെ നായകൻ…
രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധ നേടിയ ജിത്തു മാധവൻ, തമിഴിൽ സൂര്യ- മോഹൻലാൽ ടീമിനെ പ്രധാന വേഷങ്ങളിൽ അവതരിപ്പിക്കുന്ന ചിത്രം ഒരുക്കുന്നു…
കേരളത്തെ നടുക്കിയ 2024 ലെ ചൂരൽമല ഉരുൾപൊട്ടൽ ദുരന്തം ആസ്പദമാക്കി ഒരു സിനിമ ഒരുങ്ങുന്നു എന്ന് വാർത്തകൾ. ഈ ദുരന്തത്തിന്റെ പശ്ചാത്തലത്തിൽ കഥ…
ഇന്ത്യയിൽ നിന്നല്ല ആദ്യത്തെ ഫോർമുല വൺ റേസിങ്ങിൽ പങ്കെടുത്തു ശ്രദ്ധേയനായ നരെയ്ൻ കാർത്തികേയന്റെ ജീവിതം സിനിമയാകുന്നു എന്ന് വാർത്തകൾ. പ്രശസ്ത…
സൂപ്പർ ഹിറ്റായ മലയാളം വെബ് സീരിസ് 'ലവ് അണ്ടർ കൺസ്ട്രക്ഷൻ' ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ…
This website uses cookies.