[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഞെട്ടിക്കുന്ന മേക്കോവറിൽ മഞ്ജു വാര്യർ

സംവിധായകൻ മാർട്ടിൻ പ്രക്കാട്ടും ജോജു ജോർജും ചേർന്ന് നിർമിച്ച് നവാഗതനായ ഫാന്റം പ്രവീണ് സംവിധാനം ചെയ്യുന്ന ‘ഉദാഹരണം സുജാത’ യിൽ അമ്പരപ്പിക്കുന്ന മേക്കോവറിൽ മഞ്ജു വാര്യർ. മഞ്ജുവിന്റെ കരിയറിലെ തന്നെ വ്യത്യസ്ത കഥാപാത്രമായിരിക്കും ഉദാഹരണം സുജാതായിലെ സുജാത എന്നാണ് അണിയറ വാർത്തകൾ.

ഒരുമാസം മുമ്പ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടിരുന്നു. പോസ്റ്ററിൽ മഞ്ജുവിന്റെ തന്നെ ചിത്രമായ കന്മദത്തിലെ ഭാനുവിനെ പോലെ സാദൃശ്യം തോന്നിക്കുന്ന തരത്തിലായിരുന്നു മഞ്ജുവിന്റെ ഗെറ്റപ്പ്.

ചിത്രത്തിന്റെ ടീസർ കഴിഞ്ഞ ദിവസം പുറത്ത് വന്നിരുന്നു. മഞ്ജു ആരാധകരെയും കുടുംബപ്രേക്ഷകരെയും ഏറെ ഞെട്ടിക്കുന്ന തരത്തിലായിരുന്നു ടീസർ. കാരണം മറ്റൊന്നുമല്ല, മഞ്ജുവിന്റെ മേക്ക് ഓവർ തന്നെ. കൗമാരിക്കാരിയായ മകളുടെ അമ്മയായി ആണ് മഞ്ജു ഉദാഹരണം സുജാതയിൽ എത്തുന്നത്.

ചെങ്കല്‍ച്ചൂള നിവാസിയായ സുജാത എന്ന വീട്ടമ്മയുടെ റോളില്‍ മഞ്ജു വാര്യര്‍ എത്തുന്ന ഉദാഹരണം സുജാതയുടെ ടീസര്‍ പുറത്തുവിട്ടത് തെന്നിന്ത്യയിലെ പ്രമുഖ യുവതാരങ്ങളാണ്. ധനുഷ്, പൃഥ്വിരാജ്, ദുല്‍ഖര്‍ സല്‍മാന്‍, നിവിന്‍ പോളി, ആസിഫ്
അലി, പാര്‍വതി, റിമാ കല്ലിങ്കല്‍, ഇന്ദ്രജിത്ത് തുടങ്ങിവയവരാണ് ഫേസ്ബുക്കിലൂടെ ഒരേ സമയം സിനിമയുടെ ടീസര്‍ പുറത്തിറക്കിയത്.

മംമ്താ മോഹന്‍ദാസ്, നെടുമുടി വേണു, ജോജു ജോര്‍ജ്ജ് എന്നിവരാണ് മറ്റ് താരങ്ങള്‍. കലക്ടറുടെ റോളിലാണ് മംമ്താ മോഹന്‍ദാസ് ചിത്രത്തിൽ എത്തുന്നത്.

കമല്‍ സംവിധാനം ചെയ്യുന്ന മാധവിക്കുട്ടിയുടെ ജീവിതകഥ ആമിയുടെ ആദ്യ ഷെഡ്യൂള്‍ പൂര്‍ത്തിയാക്കിയാണ് മഞ്ജു വാര്യര്‍ ഉദാഹരണം സുജാതയില്‍ ജോയിന്‍ ചെയ്തത്. മാര്‍ട്ടിന്‍ പ്രക്കാട്ടിന്റെ സഹസംവിധായകനായിരുന്നു ഈ ചിത്രത്തിന്റെ സംവിധായകൻ പ്രവീണ്‍.

അശ്വിനി അയ്യര്‍ തിവാരി തമിഴില്‍ ഹിന്ദിയില്‍ നീല്‍ ബട്ടേ സന്നറ്റ എന്ന പേരില്‍ ഹിന്ദിയിലും അമ്മ കണക്ക് എന്ന പേരില്‍ തമിഴിലും ഒരുക്കിയ സിനിമയുടെ സ്വതന്ത്ര റീമേക്ക് ആണ് ചിത്രമെന്നും സൂചനയുണ്ട്.

അനുരാഗ കരിക്കിന്‍ വെള്ളം, എബിസിഡി എന്നീ സിനിമകളുടെ തിരക്കഥാകൃത്തായ നവീന്‍ ഭാസ്‌കറിനൊപ്പം ചേര്‍ന്ന് മാര്‍ട്ടിന്‍ പ്രക്കാട്ടാണ് സിനിമയുടെ തിരക്കഥ. ഗോപീസുന്ദര്‍ സംഗീത സംവിധാനവും മഹേഷ് നാരായണന്‍ എഡിറ്റിംഗും നിര്‍വഹിക്കുന്നു. മധു നീലകണ്ഠനാണ് ഛായാഗ്രഹണം. ദ സീന്‍ സ്റ്റുഡിയോസാണ് നിര്‍മ്മാണം.

webdesk

Recent Posts

മാജിക് ഫ്രെയിംസിന്റെ “ബേബി ഗേൾ” ഷൂട്ടിംഗ് ആരംഭിച്ചു; സംവിധാനം അരുൺ വർമ്മ. തിരക്കഥ ബോബി സഞ്ജയ്

ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ്‌ കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…

2 days ago

ഇടിയുടെ ‘പഞ്ചാര പഞ്ച്’ ആലപ്പുഴ ജിംഖാന’യിലെ അടുത്ത ഗാനം പുറത്തിറങ്ങി

ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…

2 days ago

പെണ്ണേ നീ തീയാകുന്നു… മാസ്സ് ആയി “മരണമാസ്സ്‌” ട്രെയ്‌ലർ.

ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്‌ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…

3 days ago

ആസിഫ് അലി- താമർ – അജിത് വിനായക ചിത്രം സർക്കീട്ട് മെയ് 8ന് തീയേറ്ററുകളിൽ എത്തും.

ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്‌…

3 days ago

വിവാദങ്ങൾക്കിടയിലും എമ്പുരാന്റെ ബോക്സ് ഓഫീസ് താണ്ഡവം

ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…

4 days ago

ഗംഭീര പ്രേക്ഷക – നിരൂപക പ്രശംസകൾ നേടി ചിയാൻ വിക്രമിന്റെ വീര ധീര ശൂരൻ കേരളത്തിൽ കൂടുതൽ സ്‌ക്രീനുകളിലേക്ക്

എസ് യു അരുൺകുമാർ സംവിധാനം ചെയ്‌ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…

6 days ago

This website uses cookies.