ഒടിയൻ എന്ന ചിത്രത്തിലൂടെ സംവിധായകനായി മലയാള സിനിമയിൽ അരങ്ങേറ്റം കുറിച്ച ശ്രീകുമാർ മേനോന് എതിരെ പോലീസിൽ പരാതി നൽകി മഞ്ജു വാര്യർ. ശ്രീകുമാര് മേനോന് തന്നെ നിരന്തരം ഭീഷണിപ്പെടുത്തുന്നതായും അപകടത്തില്പ്പെടുത്താന് ശ്രമിക്കുമോയെന്ന ഭയം ഉണ്ടെന്നുമാണ് മഞ്ജു വാര്യർ കഴിഞ്ഞ ദിവസം സംസ്ഥാന പൊലീസ് മേധാവി ലോക്നാഥ് ബെഹ്റയെ നേരില് കണ്ടു നല്കിയ പരാതിയിൽ പറയുന്നത്. തന്നെ നിരന്തരം അപമാനിക്കുന്ന ശ്രീകുമാര് മേനോന് തനിക്കൊപ്പമുള്ളവരെ ഭീഷണിപ്പെടുത്തുന്നുണ്ടെന്നും പോലീസ് മേധാവിക്ക് നൽകിയ പരാതിയിൽ മഞ്ജു വാര്യർ പറയുന്നു. മാത്രമല്ല, പല ഔദ്യോഗിക ആവശ്യങ്ങള്ക്കുമായി താന് ശ്രീകുമാര് മേനോന് കൈമാറിയ ലെറ്റര് ഹെഡും രേഖകളും ദുരുപയോഗം ചെയ്യപ്പെടാനുള്ള സാധ്യതയും മഞ്ജു ആ പരാതിയിൽ സൂചിപ്പിക്കുന്നു.
മോഹൻലാലിനെ നായകനാക്കി ശ്രീകളുമാർ മേനോൻ ഒരുക്കിയ ഒടിയൻ എന്ന ചിത്രത്തിൽ മഞ്ജു വാര്യർ ആയിരുന്നു നായികാ വേഷം ചെയ്തത്. ഈ ചിത്രത്തിന് ശേഷം മഞ്ജു വാര്യർക്ക് നേരെ ഉണ്ടായ സൈബർ ആക്രമണത്തിന് പിന്നിലും ശ്രീകുമാർ മേനോൻ ആയിരുന്നു എന്നും ഒപ്പം ഇയാളുടെ ഒരു സുഹൃത്തും ഉണ്ടായിരുന്നു എന്നും മഞ്ജു പരാതിയിൽ ആരോപിക്കുന്നുണ്ട്. പോലീസ് മേധാവിക്ക് നൽകിയ പരാതിക്കൊപ്പം വിവിധ രേഖകളും മഞ്ജു കൈമാറി എന്നാണ് സൂചന. തന്നോടൊപ്പം പ്രവര്ത്തിക്കുന്നവരെ ഭീഷണിപ്പെടുത്തി പല പ്രൊജക്ടുകളില് നിന്നും തന്നെ ഒഴിവാക്കാന് ശ്രീകുമാർ മേനോൻ ശ്രമിക്കുന്നു എന്നും മഞ്ജു എഴുതി നൽകിയ പരാതിയിൽ പറയുന്നു. അതിനൊപ്പം ഫോട്ടോകളും ടെലിഫോൺ രേഖകളും ഉൾപ്പെടെയുള്ള തെളിവുകളും മഞ്ജു നൽകി എന്നും സൂചനയുണ്ട്.
ഷെയിൻ നിഗം- ജോബി ജോർജ് വിവാദത്തിനു ശേഷം ഇപ്പോൾ മലയാള സിനിമയെ തന്നെ പിടിച്ചു കുലുക്കുന്ന വിവാദമാണ് ഉണ്ടായിരിക്കുന്നത്. അമ്മയുടേയോ ഫെഫ്കയുടേയോ ഭാരവാഹികളടക്കം ആര്ക്കും ഇതേക്കുറിച്ചൊരു വിവരവും ലഭിച്ചിട്ടില്ല എന്നതും ശ്രദ്ധേയമാണ്. ദിലീപും ആയുള്ള വിവാഹത്തിന് ശേഷം അഭിനയ രംഗത്ത് നിന്ന് മാറി നിന്ന മഞ്ജു വാര്യർക്ക് തിരിച്ചു വരവിനു കളം ഒരുക്കിയത് ശ്രീകുമാർ മേനോൻ സംവിധാനം ചെയ്ത കല്യാൺ ജൂവലറിയുടെ പരസ്യം ആയിരുന്നു.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.