ഒട്ടേറെ പ്രത്യേകതകളുമായി മംമ്ത മോഹൻദാസിന്റെ നീലി എത്തുന്നു; റിലീസ് ഓഗസ്റ്റ് പത്തിന്..!

മംമ്ത മോഹൻദാസ് നായിക ആയെത്തുന്ന പുതിയ ചിത്രമാണ് നവാഗതനായ അൽത്താഫ് സലിം സംവിധാനം ചെയ്ത നീലി. ഒരു ഹൊറർ- മിസ്റ്ററി ചിത്രമായി ഒരുക്കിയിരിക്കുന്ന നീലിയുടെ ട്രൈലെർ റിലീസ് ചെയ്തത് മെഗാ സ്റ്റാർ മമ്മൂട്ടി ആണ്. വമ്പൻ പ്രേക്ഷക പ്രതികരണമാണ് ഈ ട്രൈലെർ നേടിയെടുത്തത്. ഒരുപാട് പ്രത്യേകതകൾ നിറഞ്ഞ വളരെ ആവേശം നൽകുന്ന ഒരു ചിത്രമാണ് ഇതെന്നാണ് മംമ്ത മോഹൻദാസ് പറയുന്നത്. തന്റെ കരിയറിലെ തന്നെ മികച്ച വേഷങ്ങളിൽ ഒന്നായിരിക്കും ഈ ചിത്രത്തിലേതു എന്നും മമത മോഹൻദാസ് വിശ്വസിക്കുന്നു. അനൂപ് മേനോൻ, ബാബുരാജ്, ശ്രീകുമാർ, ബേബി മിയ, സിനിൽ സൈനുദ്ധീൻ എന്നിവരും ഈ ചിത്രത്തിന്റെ താര നിരയിൽ ഉണ്ട്.

ഹൊററും മിസ്റ്ററിയും കോമെടിയുമൊക്കെയായി മുന്നോട്ടു പോകുന്ന ചിത്രമാണ് നീലി എന്നും മംമ്ത മോഹൻദാസ് പറയുന്നു. അമ്മയും മകളും തമ്മിലുള്ള ബന്ധത്തിന്റെ കഥയും ഈ ചിത്രം നമ്മളോട് പറയുന്നുണ്ട്. ഈ ചിത്രത്തോടുള്ള താല്പര്യം കാരണം ഇതിന്റെ പോസ്റ്റ്-പ്രൊഡക്ഷൻ ജോലികളിൽ പോലും താൻ ഏറെ ശ്രദ്ധ കൊടുത്തു എന്നും ഈ നടി പറയുന്നു. തോർത്തു എന്ന ഷോർട് ഫിലിം ഒരുക്കി ഏറെ ശ്രദ്ധ നേടിയ ആളാണ് സംവിധായകൻ അൽത്താഫ് സലിം. റിയാസ് മാറാത് ആണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഹൊറർ ഫിലിമിന്റെ മേക്കിങ് തനിക്കു വലിയ ഇഷ്ടം ആണെന്നും അതുകൊണ്ടു തന്നെ ഇതിന്റെ സ്പോട് എഡിറ്റിംഗ് സമയത്തൊക്കെ താനും കൂടെ ഇരുന്നു അതൊക്കെ കണ്ടു എന്നും മമത പറഞ്ഞു. ഈ ചിത്രത്തിന്റെ മേക്കിങ്ങും ഇതിലെ സസ്‌പെൻസും ആണ് ഈ ചിത്രം സ്പെഷ്യൽ ആക്കുന്നതെന്നാണ് മമതയുടെ പക്ഷം. മനോജ് പിള്ളൈ ആണ് ഈ ചിത്രത്തിന് ക്യാമറ ചലിപ്പിച്ചിരിക്കുന്നതു.