റിമി ഇപ്പോൾ കുരിശിങ്കൽ കുടുംബത്തിലെ പ്രധാനപ്പെട്ട അംഗം; ബിലാലിനെ കുറിച്ചു കൂടുതൽ വെളിപ്പെടുത്തലുമായി മംമ്ത

മമ്മൂട്ടിയുടെ ഈ വർഷം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ബിലാൽ. 2007 ൽ പുറത്തിറങ്ങിയ ബിഗ് ബി എന്ന ചിത്രത്തിന്റെ രണ്ടാം ഭാഗം കൂടിയാണ് ബിലാൽ. ആദ്യ ഭാഗത്തിലെ ഒട്ടുമിക്ക താരങ്ങളും രണ്ടാം ഭാഗത്തിൽ പ്രത്യക്ഷപ്പെട്ടും എന്നാണ് റിപ്പോർട്ടുകൾ സൂചിപ്പിക്കുന്നത്. ബിഗ് ബി എന്ന ചിത്രത്തിലൂടെ സംവിധാന രംഗത്തിലേക്ക് കടന്നു വന്ന അമൽ നീരദ് തന്നെയാണ് രണ്ടാം ഭാഗവും സംവിധാനം ചെയ്യുന്നത്. മമ്മൂട്ടി, ബാല, മനോജ് കെ ജയൻ, മംമ്ത മോഹൻദാസ് എന്നിവരാണ് ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നത്.

അടുത്തിടെ ഒരു അഭിമുഖത്തിൽ മംമ്ത മോഹൻദാസ് ബിലാൽ എന്ന ചിത്രത്തെ കുറിച്ചു പറയുകയുണ്ടായി. ബിഗ് ബി ടീമിനൊപ്പം വീണ്ടും കൈകോർക്കുന്ന സന്തോഷത്തിലാണ് താരം. റിമി എന്ന കഥാപാത്രമായി വീണ്ടും പ്രത്യക്ഷപ്പെടുവാൻ ഒരുങ്ങുകയാണ് താരം. ബാല അവതരിപ്പിക്കുന്ന മുരുകൻ ജോൺ കുരിശിങ്കലിന്റെ ജോഡിയായാണ് താരം വേഷമിടുന്നത്. ആദ്യ ഭാഗമായ ബിഗ് ബി യിലെ ഇരുവരുടെ റൊമാന്റിക് സീനുകളും ‘മുത്തു മഴ’ എന്ന ഗാനവും ഒരുക്കാലത്ത് ഏറെ തരംഗം സൃഷ്ട്ടിച്ചിട്ടുള്ളതാണ്.

രണ്ടാം ഭാഗത്തിൽ റിമിയുടെ കഥാപാത്രം കുറച്ചും കൂടി പക്വത നിറഞ്ഞതായിരിക്കും എന്ന് താരം സൂചിപ്പിക്കുകയുണ്ടായി. ടൈംസ് ഓഫ് ഇന്ത്യയുടെ അഭിമുഖത്തിൽ താരം ബിലാലിനെ കുറിച്ചു കൂടുതൽ വെളിപ്പെടുത്തിയിരിക്കുകയാണ്. ബിഗ് ബി അമൽ നീരദിന്റെ ആദ്യ ചിത്രം ആയിരുന്നുവെന്നും രണ്ടാം ഭാഗം ചിത്രീകരണം ആരംഭിക്കുമ്പോൾ നൊസ്റ്റാൾജിയ ഫീൽ ചെയ്യുമെന്ന് താരം വ്യക്തമാക്കി. മാർച്ച് 21 ന് ചിത്രീകരണം ആരംഭിക്കേണ്ട ബിലാൽ കൊറോണ വൈറസിന്റെ കടന്ന് വരവ് മൂലം നീട്ടി വെച്ചിരിക്കുകയാണ്. ഉണ്ണി ആറാണ് ചിത്രത്തിന് വേണ്ടി തിരക്കഥാ രചിച്ചിരിക്കുന്നത്. ഗോപി സുന്ദറാണ് സിനമയുടെ സംഗീത സംവിധാനം നിർവഹിക്കുന്നത്.