മമ്മൂട്ടി നായകനാവുന്ന ഒരു കുട്ടനാടൻ ബ്ലോഗിന്റെ റീലീസ് തിയതി പ്രഖ്യാപിച്ചു..

മെഗാസ്റ്റാർ മമ്മൂട്ടിയുടെ ഒട്ടനവധി ചിത്രങ്ങൾ അണിയറയിൽ റീലീസിനായി ഒരുങ്ങുന്നുണ്ട്. ഈ മാസം ഈദിന് പുറത്തിറങ്ങാൻ പോകുന്ന ചിത്രമാണ് അബ്രഹാമിന്റെ സന്തതികൾ.ഗ്രേറ്റ് ഫാദർ സംവിധായകൻ ഹനീഫ് അഡേനിയാണ് തിരക്കഥ ഒരുക്കിയിരിക്കുന്നത് , ഏറെ പ്രതീക്ഷയോടെ മലയാളികൾ ഈ ചിത്രത്തിനായി കാത്തിരിക്കുന്ന സമയത്താണ് മമ്മൂട്ടി നായകനാവുന്ന ഒരു കുട്ടനാടൻ ബ്ലോഗിന്റെ റീലീസ് തിയതിയുമായി അണിയറ പ്രവർത്തകർ വന്നിരിക്കുകയാണ്. സേതു തിരക്കഥയും സംവിധാനവും ചെയ്യുന്ന കുട്ടനാടൻ ബ്ലോഗ് ആഗസ്റ്റ് 15 മുതൽ തീയറ്ററിൽ പ്രദർശനത്തിനെത്തും. അനു സിതാര , ഷംന കാസിം , ലക്ഷ്മി റായ് തുടങ്ങിയവരാണ് നായികമാർ.ചിത്രത്തിന്റെ ലണ്ടൻ ഷെഡ്യുളിൽ വിനീത് ശ്രീനിവാസൻ അതിഥി വേഷത്തിൽ വരുമെന്ന് സൂചനയുണ്ട്.

കുട്ടനാടൻ പഞ്ചാത്തലത്തിൽ ഒരുക്കുന്ന ചിത്രം ശ്രീകൃഷ്ണപുരം എന്ന ഗ്രാമത്തിൽ ബ്ലോഗ് എഴുതുന്ന ഹരി എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. സേതുവിന്റെ സഹസംവിധായകനായി സാക്ഷാൽ ഉണ്ണി മുകുന്ദൻ സിനിമയുടെ ഭാഗമായി പ്രവർത്തിക്കുന്നുണ്ട്.സിദ്ധിഖ് , നെടുമുടി വേണു , സഞ്ജു ശിവരാം തുടങ്ങിയവർ പ്രധാന വേഷത്തിൽ ചിത്രത്തിലെത്തുന്നുണ്ട്. കോഴി തങ്കച്ചൻ എന്നായിരുന്നു ചിത്രത്തിന് ആദ്യം നൽകിയ പേര് പിന്നീട് ട്രോളന്മാരുടെ ആക്രമണം മൂലം ചിത്രത്തിന്റെ ടൈറ്റിൽ മാറ്റുകയായിരുന്നു. അനന്ത വിഷന്റെ ബാനറിൽ മുരളീധരനും ശാന്ത മുരളീധരനും ചേർന്നാണ് ചിത്രം നിർമ്മിക്കുന്നത്