മമ്മൂട്ടിയുടെ പുതിയ ചിത്രത്തിന് തിരക്കഥയൊരുക്കി ടിനി ടോം..!

പ്രശസ്ത നടനും മിമിക്രി കലാകാരനുമായ ടിനി ടോം തിരക്കഥാകൃത്താവുന്നു. മെഗാ സ്റ്റാർ മമ്മൂട്ടിയെ നായകനാക്കി മലയാളത്തിലെ ഒരു പ്രമുഖ സംവിധായകൻ ഒരുക്കാൻ പോകുന്ന ചിത്രത്തിന് ആണ് ടിനി ടോം തിരക്കഥയൊരുക്കുക. നന്മ നിറഞ്ഞ സാമൂഹിക സേവനത്തിലൂടെ ഏറെ പ്രശസ്തനായ മലയാളി അഷ്റഫ് താമരശ്ശേരിയുടെ ജീവിതം ആണ് ടിനി ടോം സിനിമയാക്കാൻ പോകുന്നത്. 12 വർഷത്തെ പ്രവാസലോകത്തെ സാമൂഹിക ജീവിതത്തിനിടയിൽ അയ്യായിരത്തോളം മൃതദേഹങ്ങൾ ഇന്ത്യയടക്കം വിവിധ രാജ്യങ്ങളിലേയ്ക്ക് കയറ്റി അയച്ച മനുഷ്യസേനേഹി ആണ് അഷറഫ്. അഷറഫിന്റെ കഥാപാത്രം ആണ് മമ്മൂട്ടി ഈ ചിത്രത്തിൽ അവതരിപ്പിക്കുക. അഷറഫിന്റെ ജീവിതം പറയുന്നതിനൊപ്പം തന്നെ പ്രവാസി ജീവിതത്തിന്‍റെ തീവ്രതയും ഉൗഷ്മളതയും ലോകത്തെ അറിയിക്കുകയാണ് ഉദ്ദേശിക്കുന്നതിന്നു ടിനി ടോം പറഞ്ഞു. പ്രവാസി മലയാളികളുടെ ഇടയിലെ രസകരമായ സംഭവങ്ങൾ ആക്ഷേപ ഹാസ്യത്തിലൂടെയും ഹാസ്യത്തിലൂടെയും പറയുമെന്നും ടിനി ടോം അറിയിച്ചു.

ബോളിവു‍ഡ് താരം ശ്രീദേവിയുടെ മരണത്തോടെയായിരിക്കും ചിത്രം ആരംഭിക്കുക എന്നും, അതുപോലെ തന്നെ അഷ്റഫിന്‍റെ പ്രവർത്തനങ്ങൾക്ക് പിന്തുണ നല്‍കി എന്നും കൂടെ നടക്കുന്ന ഷിന്‍റോ, സദാശിവൻ എന്നീ കഥാപാത്രങ്ങളെ സൗബിൻ ഷാഹിറും ഹരീഷ് കണാരനും അവതരിപ്പിക്കും എന്നും തീരുമാനം ആയിട്ടുണ്ട് എന്നും അദ്ദേഹം അറിയിച്ചു . ചിത്രത്തിലെ നായികാ വേഷം ആര് ചെയ്യും എന്ന് തീരുമാനം ആയിട്ടില്ല . സതീഷ് ആയിരിക്കും ടിനി ടോമിനെ തിരക്കഥ രചനയിൽ സഹായിക്കുക. എന്ത് പ്രതിസന്ധികൾ തരണം ചെയ്തും താനീ സിനിമ യാഥാർഥ്യമാക്കും എന്നും മമ്മൂട്ടിയുടെ പൂർണ്ണ പിന്തുണയാണ് തന്റെ ശ്കതി എന്നും ടിനി ടോം പറയുന്നു. ഏപ്രിൽ മാസത്തിൽ തിരക്കഥയുടെ പൂർണ്ണ രൂപമായതിനു ശേഷം ചിത്രത്തെ കുറിച്ചുള്ള കൂടുതൽ വിവരങ്ങൾ പുറത്തു വിടും. ദുബായിൽ വെച്ചാണ് ഈ ചിത്രം ഒരുങ്ങാൻ പോകുന്ന വാർത്ത ടിനി ടോം വെളിപ്പെടുത്തിയത്.